UMatewu 26:31 - iBhayibhili Elingcwele 1978

³¹ UJesu wasesithi kibo: Lina lonke lizakukhubeka ngami ngalobubusuku, ngoba kulotshiwe ukuthi: Ngizakutshaya umalusi, izimvu zomhlambi zichitheke.

IBhayibhili Elingcwele LesiNdebele

³¹ UJesu wasebatshela wathi, “Ngabona lobubusuku lizakwenyela ngami, ngoba kulotshiwe ukuthi: ‘Ngizatshaya umelusi izimvu zomhlambi zizahlakazeka.’

UMatewu 26:31 Mawu Ofanana

AmaHubo 38:11

Abangane bami labanakwethu bema khatshana lokuhlupheka kwami, labakwethu bema khatshana lami.

AmaHubo 69:20

Ukuthukwa kuyidabule inhliziyo yami, ngakho ngiyagula kakhulu. Bengilindele ukuhawukelwa, kodwa kangikuzuzanga, labaduduzayo, kodwa kangibafumananga.

AmaHubo 88:18

Wenze izihlobo labangane ukuba bangixwaye; umnyama ungumngane wami.

U-Isaya 53:10

Kanti iNkosi yathanda ukuyichoboza kabuhlungu. Uba inikela ukuphila kwayo kube lihlawulo ngesono, izakubona inzalo yayo, iphile insuku ezinengi, lentando yeNkosi ipheleliswe ngayo.

Izililo 1:19

Ngabiza izithandwa zami, kodwa zangikhohlisa. Abapristi labadala bami bafela phakathi komuzi, besadinga ukudla ukuba baqinise amandla abo.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UMatewu 11:6

Ubusisiwe ongakhubekiyo ngami.

UMatewu 26:24

INdodana yomuntu ihamba njengokulotshiweyo ngayo, kodwa maye kulowomuntu enikelwa nguye iNdodana yomuntu! Bekungangcono aluba wayengazalwanga lowomuntu.

UMatewu 26:56

Kodwa konke lokhu kwenzakele ukuba kugcwaliseke imibhalo yabaprofethi. Basebemtshiya bonke abafundi, babaleka.

UJohane 16:32

Khangelani, isikhathi siyeza, yebo, sesifikile sokuba lihlakazeke, ilowo lalowo aye kibo, lingitshiye ngingedwa; kanti kangingedwa, ngoba uBaba ulami.