UMatewu 25:46 - iBhayibhili Elingcwele 1978

⁴⁶ Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

IBhayibhili Elingcwele LesiNdebele

⁴⁶ Bazasuka baye ekujezisweni kwaphakade, kodwa abalungileyo baye ekuphileni okungapheliyo.”

UMatewu 25:46 Mawu Ofanana

UDanyeli 12:2

Labanengi abaleleyo othulini lomhlaba bazavuka, abanye bavukele ukuphila okungapheliyo, labanye bavukele ihlazo lokuhlekwa okungapheliyo.

UMatewu 13:43

Kung’khonake abalungileyo bazakukhanya njengelanga embusweni kaYise wabo. Olendlebe akezwe.

UMatewu 19:16

Kwasekufika kuye omunye, wathi: Mfundisi, ngizakwenza ulutho bani olulungileyo ukuba ngibe lokuphila okungapheliyo na?

UMatewu 19:29

Lalowo otshiye izindlu, labafowabo, lodadewabo, loyise, lonina, labantwana ingabe amasimu ngenxa yebizo lami, uzakwamukeliswa ngekhulu, adle ilifa lokuphila okungapheliyo.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

UMatewu 25:45

Izakuphendula ithi kibo: Ngiqinisile ngithi kini: Njengokuba lingakwenzanga komunye walaba abancinyane, kalikwenzanga lakimi.

ULukha 16:26

Langaphandle kwakho konke lokhu kubekiwe phakathi kwethu lani igebe elikhulu ukuze kuthi abalapha abafuna ukusuka beze ngakini bangekwenze, labangapho bangewelele ngakithi.

UJohane 17:2

Ngoba uyinikile amandla phezu kwabantu bonke ukuze ibanike ukuphila okungapheliyo bonke oyinike bona.

UJohane 3:36

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

UJohane 4:14

kodwa lowo onatha amanzi engizakumnika wona kasayikoma; amanzi engizakumnika wona azakuba ngumthombo ogobhozayo phakathi kwakhe, kube yikuphila okungapheliyo.

UJohane 5:24

Ngiqinisile, ngiqinisile ngithi kini: Olizwayo ilizwi lami, akholwe kuye ongithumileyo, ulokuphila okungapheliyo; kangeni ekwahlulelweni, kodwa usephumile ekufeni, wangena ekuphileni.

UJohane 5:29

kuthi labo abenze okulungileyo baphumele ekuvukeni kokuphila, lalabo abenze okubi baphumele ekuvukeni kokulahlwa.

UJohane 6:27

Lingasebenzeli ukudla okuphelayo kodwa sebenzelani ukudla okuhlala kuze kube yikuphila okungapheliyo, ezakulinika khona iNdodana yomuntu; ngoba uNkulunkulu uYise ubeke kuyo uphawu lwakhe.

UJohane 6:40

Ngoba lokhu kuyintando kaBaba ukuthi ilowo lalowo obona iNdodana, akholwe kiyo, abe lokuphila okungapheliyo; ngizakumvusa ngosuku lokucina.

Imisebenzi 13:46

Kwang’khona uPawuli loBarnabasi bekhuluma ngesibindi besithi: Kwakudingeka ukuthi ilizwi likaNkulunkulu litshunyayelwe kini kuqala; kodwa njengoba lilala, lizenza libe ngabangafanele ukuphila okungapheliyo, khangelani, sesisiya kwabezizwe.

Imisebenzi 13:48

Kwathi abezizwe bekuzwa lokho, bathokoza, balidumisa ilizwi likaNkulunkulu; bakholwa bonke ababemiselwe ukuphila okungapheliyo.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

AbaseRoma 5:21

ukuze, njengoba isono sabusa ngokufa, ngokunjalo umusa ubuse ngokulunga, kube khona ukuphila okungapheliyo ngoJesu Kristu iNkosi yethu.

AbaseRoma 6:23

Ngoba inkokhelo yesono iyikufa, kodwa isiphiwo somusa sikaNkulunkulu siyikuphila okungapheliyo kuKristu Jesu iNkosi yethu.

AbaseGalathiya 6:8

Ohlanyelela inkanuko zakhe uzavuna ukubhubha okuvela kuzo; kodwa ohlanyelela uMoya uzavuna ukuphila okungapheliyo okuvela kuMoya.

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,

1 UJohane 2:25

Yilokhu asithembisa khona, ukuphila okungapheliyo.

UJuda 1:21

lihlale othandweni lukaNkulunkulu, lilindele isihawu seNkosi yethu uJesu Kristu, ukuze libe lokuphila okungapheliyo.

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.