UMatewu 25:44 - iBhayibhili Elingcwele 1978

⁴⁴ Ngakho labo bazakuphendula besithi: Nkosi, sakubona nini ulambile, loba womile, loba ungowemzini, loba ugula, loba usentolongweni, kasakusiza, na?

IBhayibhili Elingcwele LesiNdebele

⁴⁴ Labo bazaphendula bathi, ‘Nkosi, sakubona nini ulambile kumbe womile kumbe uyisihambi kumbe ungelazigqoko kumbe ugula noma usentolongweni asaze sakunceda na?’

UMatewu 25:44 Mawu Ofanana

UJeremiya 2:23

Ungatsho kanjani ukuthi: Kangingcolanga, kangilandelanga oBali na? Khangela ukuziphatha kwakho esigodini, wazi ukuba wenzeni. Unjengekamela elisikazi elizulazulayo emizileni yalo,

UJeremiya 2:35

Kangilacala; ngakho intukuthelo yakhe isukile kimi. Kodwake ngizakukugweba ngoba uthi: Kangonanga.

UMalaki 1:6

INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?

UMalaki 2:17

Liyidinisile iNkosi ngamazwi enu. Kanti lithi: Siyidinise kanjani na? Liyidinise ngokuthi: Bonke abenza okubi balungile eNkosini, bayayithokozisa; loba lithi: Ungaphi uNkulunkulu wokwahlulela na?

UMalaki 3:13

Amazwi enu abelukhuni ngami, kutsho iNkosi. Kanti lina lithi: Sikhulume sathini ngawe na?

UMatewu 10:41

Owamukela umprofethi ngoba engumprofethi, uzakuzuza umvuzo womprofethi; lowamukela olungileyo ngoba engolungileyo, uzakuzuza umvuzo wolungileyo.

UMatewu 25:43

ngangingowemzini, kalingingenisanga endlini; ngangihambaze, kalingambathisanga; ngangigula, ngangisentolongweni, kalizanga ukungibona.

UMatewu 25:45

Izakuphendula ithi kibo: Ngiqinisile ngithi kini: Njengokuba lingakwenzanga komunye walaba abancinyane, kalikwenzanga lakimi.

UMatewu 5:6

Babusisiwe abalambela bomele ukulunga, ngoba bazakusuthiswa.

UMatewu 7:22

Abanengi bazakuthi kimi ngalolosuku: Nkosi, Nkosi, kasitshumayelanga yini ngebizo lakho, sakhupha omoya ababi ngebizo lakho, senza imisebenzi emikhulu eminengi ngebizo lakho, na?

ULukha 10:29

Kodwa yena ethanda ukuzilungisa wathi kuJesu: Umakhelwane wami ungubani na?