UMatewu 25:21 - iBhayibhili Elingcwele 1978

²¹ Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

IBhayibhili Elingcwele LesiNdebele

²¹ Umnini wayo waphendula wathi, ‘Wenze kuhle, nceku elungileyo lethembekileyo! Uthembekile ezintweni ezilutshwane; ngizakugcinisa izinto ezinengi. Woza uzojabula kanye lenkosi yakho!’

UMatewu 25:21 Mawu Ofanana

Izaga 14:35

Inkosi ilomusa encekwini ehlakaniphileyo, kodwa iyayithukuthelela inceku eyithela ihlazo.

Izaga 28:20

Othembekileyo uzakuphumelela, kodwa ophangisa ukunotha kayikuyekelwa.

UMatewu 24:45

Pho, ngubani umphathi wezinceku othembekileyo lohlakaniphileyo, inkosi yakhe embeke phezu kwabendlu yayo ukuba abanike ukudla ngesikhathi esifaneleyo na?

UMatewu 24:47

Ngiqinisile ngithi kini: Izakuyibeka phezu kwakho konke elakho.

UMatewu 25:23

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

ULukha 12:44

Ngiqinisile ngithi kini: Izakuyibeka phezu kwakho konke elakho.

ULukha 16:10

Othembekileyo kokuncinyane uthembekile lakokukhulu. Longathembekanga kokuncinyane kathembekanga lakokukhulu.

UJohane 12:26

Uba umuntu engikhonza, kangilandele; lalapho ngikhona, uzakuba khona umfokazi wami. Uba umuntu engikhonza, uBaba uzakumdumisa yena.

UJohane 14:3

Nxa ngihamba ukuyalilungisela indawo, ngizakubuya futhi, ngilamukele ukuze kuthi lapho ngikhona libe khona lani.

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

AbaseRoma 2:29

Kodwa umJuda oqotho ngulowo onguye ngaphakathi, lokusoka okuqotho kungokwenhliziyo, kungokomoya kungesikho okungokokulotshiweyo; ukuvezwa kwakhe kuvela kuNkulunkulu kungaveli ebantwini.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 10:18

Ngoba kasuye ozincomayo ovunywayo, kodwa yilowo onconywa yiNkosi.

2 AbaseKhorinte 5:9

Ngalokhoke, loba sisekhaya loba singekho, sizimisele ukuyithokozisa.

AbaseFiliphi 1:23

Ngiphakathi kokubili; ngilesifiso sokusuka ngibe loKristu, ngoba lokhu kuhle kakhulu;

1 uTimothi 3:13

Ngoba izikhonzi ezisebenza kuhle zizuza ukuhlonipheka lesibindi ekukholweni okukuKristu Jesu.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 7:17

ngoba iWundlu elingaphakathi kwesihlalo sobukhosi lizakuba ngumalusi wabo, libaholele emithonjeni yamanzi okuphila; loNkulunkulu uzakwesula inyembezi zonke emehlweni abo.