UMatewu 23:2 - iBhayibhili Elingcwele 1978

² wathi: Ababhali labaFarisi bahlezi esihlalweni sikaMose.

IBhayibhili Elingcwele LesiNdebele

² “Abafundisi bomthetho labaFarisi bahlezi esihlalweni sikaMosi.

UMatewu 23:2 Mawu Ofanana

U-Ezra 7:25

Laweke Ezra, ngokuhlakanipha olakho okuvela kuNkulunkulu wakho beka abathonisisi labehluleli abazakwahlulela bonke abantu abaselizweni elingaphetsheya kweYufrathi, bonke abayaziyo imilayo kaNkulunkulu wakho; labo abangayaziyo uzabafundisa.

U-Ezra 7:6

Wayengumbhali owaziyo umlayo kaMose owawunikwe yiNkosi, uNkulunkulu kaIsrayeli. Inkosi yamnika konke ayekucelile, ngoba iNkosi uNkulunkulu wakhe yayilaye.

UMalaki 2:7

Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

UMatewu 23:3

Ngakhoke konke abalitshela khona, kwenzeni, likugcine, kodwa lingenzi njengemisebenzi yabo; ngoba bayakhuluma, bengenzi;

UMakho 12:38

Ekufundiseni kwakhe wathi: Xwayani ababhali abathanda ukuhamba bembethe ingubo ezinde, lokubingelelwa emidangeni,

ULukha 20:46

Xwayani ababhali abathanda ukuhamba bembethe ingubo ezinde, bethanda ukubingelelwa emidangeni lezihlalo ezingaphambili emasinagogeni lezindawo ezinkulu ekudleni,

UDutheronomi 33:3

Yebo, yabathanda abantu bayo. Bonke abangcwele bayo babesesandleni sayo; bahlala ngasenyaweni zayo, bamukele imilayezo yayo.