UMatewu 23:12 - iBhayibhili Elingcwele 1978

¹² Lowo oziphakamisayo uzakuthotshiswa, lalowo ozithobayo uzakuphakanyiswa.

IBhayibhili Elingcwele LesiNdebele

¹² Ngoba lowo oziphakamisayo uzathotshiswa, lalowo ozithobayo uzaphakanyiswa.”

UMatewu 23:12 Mawu Ofanana

UJobe 22:29

Ngoba uNkulunkulu uyabehlisa abazigqajayo, kodwa uyabasiza abazithobileyo.

AmaHubo 138:6

Loba iNkosi iphakeme, iyakhumbula abathobekileyo; kodwa abazigqajayo iyababona ikhatshana.

Izaga 15:33

Ukuyesaba iNkosi kuyikufundiswa ngokuhlakanipha, ukuthobeka kuyandulela udumo.

Izaga 29:23

Ukuzigqaja komuntu kuzamehlisa, kodwa umuntu othobekileyo uzakudunyiswa.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UMatewu 18:4

Ngakho lowo ozakuzithoba njengalumntwana, nguye omkhulu embusweni wezulu.

UMatewu 5:3

Babusisiwe abangabayanga emoyeni, ngoba umbuso wezulu ungowabo.

ULukha 14:11

Ngoba ilowo lalowo oziphakamisayo uzakuthotshiswa; lozithobayo uzakuphakanyiswa.

ULukha 18:14

Ngithi kini: Lumuntu wehlela endlini yakhe elungisisiwe emehlweni kaNkulunkulu kulalowo omunye. Ngoba ilowo lalowo oziphakamisayo uzakuthotshiswa, kodwa ozithobayo uzakuphakanyiswa.

UJakhobe 4:6

Kodwa uNkulunkulu uyengezelela umusa. Ngakhoke kuthiwa: UNkulunkulu umelana labazigqajayo, kodwa abazithobileyo uyabapha umusa.

1 UPhethro 5:5

Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.

1 UPhethro 5:6

Ngakhoke zehliseleni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo.