UMatewu 22:3 - iBhayibhili Elingcwele 1978

³ Wathuma inceku zakhe ukuba zibize abamenyiweyo emthimbeni, kodwa kabavumanga ukuza.

IBhayibhili Elingcwele LesiNdebele

³ Yathuma izinceku zayo kulabo ababenxusiwe edilini ukuba beze kodwa bala ukuza.

UMatewu 22:3 Mawu Ofanana

AmaHubo 68:11

INkosi iyakhupha ilizwi; ixuku elikhulu labesifazana liyabika izindaba,

U-Isaya 30:15

INkosi uNkulunkulu, oNgcwele kaIsrayeli, ithi: Phendukelani kimi, lihlale ngokuthula, ng’khona lizakusizwa; amandla enu asekuchumeni lekuthembeni; kodwa kalikufuni.

UJeremiya 25:4

Kalilalelanga, kalizwanga lanxa iNkosi iphikelela ukuthumela kini zonke inceku zayo abaprofethi,

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UHosiya 11:2

Kwathi ngibabiza, kwaba ng’khona besuka kimi; baqhubeka ukuhlabela oBali lokutshisela izithombe impepha.

UHosiya 11:7

Abantu bami baqonde ukuhlehla kimi, lanxa bekhuleka kunkulunkulu wabo ophakemeyo, kodwa kayikubasiza.

UZefaniya 1:7

Thula phambi kweNkosi uNkulunkulu! Ngoba usuku lokwahlulela kwayo selusondele. INkosi isilungisile umhlatshelo, yahlambulula labamenyiweyo bayo.

UMatewu 21:34

Kwathi sekusondele isikhathi sezithelo, wathuma inceku zakhe kubalimi ukuze zamukele izithelo zakhe.

UMatewu 23:37

Hawu, Jerusalema, wena obulala abaprofethi, obakhanda ngamatshe labo abathunyiweyo kuwe! Bengithanda kangaka ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

UMatewu 3:2

esithi: Phendukani, ngoba umbuso wezulu ususondele!

UMatewu 9:15

UJesu wathi kubo: Abakwabo kamyeni bangalila yini, umyeni eselabo na? Kodwa zizakufika insuku lapho umyeni ezakususwa kubo; kubeng’khonake bezakuzila.

ULukha 13:34

Hawu Jerusalema, Jerusalema, wena obulala abaprofethi, obakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

ULukha 15:28

Kodwa yathukuthela, yala ukungena. Uyise wasephuma, wayincenga.

ULukha 19:27

Kodwa lezozitha zami ebezingathandi ukuba ngizibuse, ziletheni lapha, lizibulale phambi kwami.

UJohane 5:40

Kanti kalivumi ukuza kimi ukuba libe lokuphila.

Imisebenzi 13:45

Kodwa abaJuda bebona ixuku bagcwala umona, baphikisa lokho okwakhulunywa nguPawuli bemhlambaza.

AbaseRoma 10:21

Kodwa ngoIsrayeli uthi: Usuku lonke ngelulela izandla zami kibo abantu abangalaleliyo labaphikayo.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

AmaHebheru 9:15

Ngakhoke ungumlamuli wesivumelwano esitsha, kuze kuthi ngokufa okungenxa yokukhululwa eziphambekweni ezenziweyo esivumelwaneni sokuqala ababiziweyo bazuze ilifa elingapheliyo elathenjiswayo.

Isambulo 22:17

UMoya lomlobokazi bathi: Woza! Lozwayo lokhu katsho athi: Woza! Lowomileyo keze. Othandayo kathathe amanzi okuphila ngesihle.

1 USamuyeli 9:13

Lizamfumana lisangena nje ngekhaya engakayikudla endaweni ephakemeyo yokukhonzela; abantu kabayikudla engakafiki, ngoba nguye obusisa umhlatshelo, andubana badle abamenyiweyo. Hambanike, lizamfumana masinyane nje.