UMatewu 22:16 - iBhayibhili Elingcwele 1978

¹⁶ Bathumela kuye abafundi babo kanye labakaHerodi, bathi: Mfundisi, siyazi ukuthi wena uqotho, ufundisa indlela kaNkulunkulu ngeqiniso; kawukhathali ngomuntu, ngoba kawunanzi isimo somuntu.

IBhayibhili Elingcwele LesiNdebele

¹⁶ Bathuma abafundi babo kuye behamba lamaHerodiya. Bathi, “Mfundisi, siyazi ukuthi uyindoda eqotho lokuthi ufundisa indlela kaNkulunkulu ngokweqiniso. Kawusuye uthathekile ngoba kawulani lokuthi bangobani.

UMatewu 22:16 Mawu Ofanana

1 AmaKhosi 22:14

Kodwa uMikaya wathi: Ngifunga iNkosi uNkulunkulu, lokho iNkosi ekutshoyo kimi ngizakukukhuluma.

AmaHubo 12:2

Yilowo lalowo ukhuluma amanga lomakhelwana wakhe; bayakhohlisa ngomlomo, bakhuluma nganhliziyombili.

AmaHubo 5:9

Ngoba kalikho iqiniso emilonyeni yazo, inhliziyo zazo ziyibubi impela; imiphimbo yazo ililiba elivulekileyo, ziyakhohlisa ngenlimi zazo.

AmaHubo 55:21

Ukukhuluma kwakhe kubutshelezi kulolaza, kanti inhliziyo yakhe ithanda ukulwa; amazwi akhe abuthakathaka kulamagcobo, kanti anjengomkhonto obukhali.

Izaga 29:5

Umuntu olalisa ngolimi umakhelwana wakhe uyazithiya yena ngembule.

UMalaki 2:6

Ukufundisa kwakhe kwakuliqiniso, ububi bungafunyaniswa ekufundiseni kwakhe. Wahamba lami ngokuthula langobuqotho, waphendula abanengi ebubini.

UMalaki 2:9

Ngakhoke mina ngilenzile laba ngabadelelekayo labehliselwe phansi phambi kwabantu bonke, ngoba lingagcinanga indlela zami, kodwa libandlulule abantu ekufundiseni kwenu.

UMatewu 22:24

bathi: Mfundisi, uMose wathi: Uba umuntu esifa engelabantwana, umfowabo kamngene umkakhe, amvusele umfowabo inzalo.

UMatewu 22:26

Kwaba njalo lowesibili lowesithathu, kwaze kwaba kowesikhombisa.

UMatewu 26:18

Wathi: Hambani liye emzini kumuntu othile, lithi kuye: UMfundisi uthi: Isikhathi sami sesiseduze; ngizakwenza iPhasika kwakho kanye labafundi bami.

UMatewu 26:49

Wasondela kuJesu masinyane wathi: Okuhle, Mfundisi! Wamanga.

UMakho 10:17

Esephumela endleleni umuntu othile wamgijimela, eguqa phambi kwakhe, wambuza wathi: Mfundisi olungileyo, ngizakwenzani ukuze ngidle ilifa lokuphila okungapheliyo?

UMakho 12:13

Bathumela kuye abanye babaFarisi labakaHerodi ukuze bamthiye ekukhulumeni.

UMakho 12:14

Beza bathi kuye: Mfundisi, siyazi ukuthi wena uqotho, kawukhathali ngomuntu, ngoba kawunanzi isimo somuntu, kodwa ufundisa indlela kaNkulunkulu ngeqiniso. Kuvunyelwe yini ukuthela kuKesari ingabe atshi? Sithele ingabe singatheli na?

UMakho 3:6

AbaFarisi baphuma, bacebisana masinyane labakaHerodi ukuba bangambulala kanjani uJesu.

UMakho 8:15

Wabalaya wathi: Qaphelani, lixwaye imvubelo yabaFarisi lemvubelo kaHerodi.

ULukha 20:21

Bambuzake besithi: Mfundisi, siyazi ukuthi wena ukhuluma ufundise ngokuqondileyo, kawukhathaleli muntu, kodwa ufundisa indlela kaNkulunkulu ngeqiniso.

ULukha 7:40

UJesu waphendula wathi kuye: Simoni, kukhona engifuna ukukukhuluma kuwe. Yena waphendula wathi: Khulumake, Mfundisi.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 18:37

Ngakho uPilatu wathi kuye: Kanti uyinkosi na? UJesu waphendula wathi: Kutsho wena ukuthi ngiyinkosi; ngazalelwa lokho, ngizele lokho emhlabeni ukufakazela iqiniso. Bonke abeqiniso bayalizwa ilizwi lami. UPilatu wathi kuye: Iqiniso liyini na?

UJohane 7:18

Ozikhulumela ngokwakhe uzifunela udumo; kodwa ofuna udumo lwalowo omthumileyo uqinisile; kakukho ukungalungi kuye.

2 AbaseKhorinte 2:17

Thina kasinjengabanengi abathengisa ilizwi likaNkulunkulu; kodwa njengabaqotho, njengabamiswe nguNkulunkulu sikhuluma phambi kukaNkulunkulu sikuKristu.

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

AbaseGalathiya 1:10

Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.

AbaseGalathiya 2:6

Kodwa labo okuthiwa ngabadumileyo — loba bengobani kakutsho lutho kimi; uNkulunkulu kakhethi muntu — ngithi labo abadumileyo kabangelekelelanga ngalutho;

UDutheronomi 33:9

lowo owathi ngoyise lonina: Kangibananzanga; wabandlulula abafowabo, wafulathela abantwana bakhe. Balalela ilizwi lakho, bagcina isivumelwano sakho.

1 AbaseThesalonika 2:4

kodwa njengoba sivunyiwe nguNkulunkulu ukuba siphathiswe ivangeli, siyakhulumake, singenzeli ukuthokozisa abantu kodwa ukuthokozisa uNkulunkulu ohlolayo inhliziyo zethu.

UJakhobe 3:17

Kodwa ukuhlakanipha okwaphezulu okokuqala kuhlambulukile, andubana kube lokuthula, kube mnene, kulalele, kugcwale isihawu lezithelo ezinhle; kakulakuthandabuza lokuzenzisa.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.