UMatewu 21:44 - iBhayibhili Elingcwele 1978

⁴⁴ Lowo owela phezu kwalelilitshe uzakuphahlazeka; kodwa ilowo lalowo eliwela phezu kwakhe lizakumchoboza.]

IBhayibhili Elingcwele LesiNdebele

⁴⁴ Lowo ozawela phezu kwalelilitshe uzavadlaka kodwa lowo elizawela phezu kwakhe uzafihlizwa.”

UMatewu 21:44 Mawu Ofanana

AmaHubo 2:12

liyikhothamele, funa ithukuthele, libhubhe endleleni; ngoba ulaka lwayo luzakuvutha masinyane. Babusisiwe bonke abaphephela kuyo.

AmaHubo 2:9

Uzakuzaphula ngentonga yensimbi, uziphahlaze njengembiza yebumba.

U-Isaya 28:13

Ngakhoke iNkosi izabafundisa ngalindlela, kube libala ngalinye ngalinye, lelizwi ngalinye ngalinye, lomzila ngamunye ngamunye, lesifundo ngasinye ngasinye, ukuze bahambe, bawe nyovane, bephuke, babanjwe, bathathwe.

U-Isaya 60:12

Ngoba isizwe lombuso okungayikukukhonza kuzakuchitheka; lezozizwe zizakuphela nya.

UZakhariya 12:3

Ngalolosuku ngizakwenza iJerusalema libe njengelitshe elisindayo kubo bonke abantu; bonke abalithwalayo bazazilimaza kakhulu; lazo zonke izizwe zomhlaba zizalihlanganyela.

UMatewu 21:43

Ngakhoke ngithi kini: Lizakwamukwa umbuso kaNkulunkulu, unikwe isizwe esizakuthela izithelo zawo. [

UMatewu 21:45

Kwathi abapristi abakhulu labaFarisi sebezwile imifanekiso yakhe, bazi ukuthi ubekhuluma ngabo.

UMatewu 26:24

INdodana yomuntu ihamba njengokulotshiweyo ngayo, kodwa maye kulowomuntu enikelwa nguye iNdodana yomuntu! Bekungangcono aluba wayengazalwanga lowomuntu.

UMatewu 27:25

Bonke abantu baphendula bathi: Igazi lakhe kalibe phezu kwethu laphezu kwabantwana bethu.

ULukha 2:34

USimiyoni wababusisa, wathi kuMariya unina: Khangela, lumntwana umiselwe ukuba abe yisibonakaliso esizakuphikwa ngabantu —

ULukha 20:18

Yilowo lalowo owela phezu kwalelolitshe uzakuphahlazeka; kodwa lowo eliwela phezu kwakhe lizakumchoboza.

UJohane 19:11

UJesu wamphendula wathi: Ungebe lawo amandla phezu kwami, uba ungawanikwanga ngaphezulu. Ngakhoke onginikele kuwe ulesono esikhulu.

AbaseRoma 9:33

njengokulotshiweyo ukuthi: Khangela, ngibeka eZiyone ilitshe lokukhubekisa, ledwala lokuwisa; okholwa kuye kayikuyangeka.

1 AbaseThesalonika 2:16

besivimbela ukutshumayeza abezizwe ukuba basiliswe. Bayakwenza lokhu ukuze bagcwalise ubunengi bezono zabo; kodwa ulaka lukaNkulunkulu selufinyelele phezu kwabo.

1 UPhethro 2:8

ilitshe lokukhubekisa abantu, ledwala lokubawisa. Ngoba bayakhubeka ngenxa yokungalaleli ilizwi, okuyikhona ababekumiselwe.