UMatewu 21:23 - iBhayibhili Elingcwele 1978

²³ Kwathi esengenile ethempelini, abapristi abakhulu labadala besizwe basondela kuye esafundisa, bathi: Izinto lezi uzenza ngawaphi amandla? Ngubani okunike lamandla na?

IBhayibhili Elingcwele LesiNdebele

²³ UJesu wangena ethempelini, kwathi elokhu efundisa abaphristi abakhulu labadala babantu beza kuye. Bambuza bathi, “Izinto lezi uzenza ngawaphi amandla na? Ngubani okunike amandla la?”

UMatewu 21:23 Mawu Ofanana

U-Eksodasi 2:14

Yena wathi: Wena ubekwe ngubani ukuba ube yisikhulu lomahluleli wethu na? Uthi usufuna ukungibulala lami njengalokho ubulele umGibithe na? UMose wasetshaywa luvalo, wathi: Impela lindaba iyaziwa.

UMatewu 20:4

lakubo wathi: Yanini lani esivinini; lokho okufaneleyo ngizakulinika khona.

UMatewu 21:24

UJesu wabaphendula wathi: Lami ngizakulibuza umbuzo ube munye. Uba lingitshela lokhu, lami ngizakulitshela ukuthi ngenza lezizinto ngawaphi amandla.

UMatewu 24:1

Kwathi uJesu ephuma ethempelini, esehamba, kwasondela abafundi bakhe ukumtshengisa izakhiwo zethempeli.

UMatewu 26:55

Ngalesosikhathi uJesu wathi emaxukwini: Liphume lemihedla lezinduku ukuzangibamba kungathi ngingumphangi na? Bengihlezi insuku ngensuku ethempelini ngifundisa, kodwa kalingibambanga.

ULukha 19:47

Wayefundisa ethempelini insuku zonke, kodwa abapristi abakhulu, lababhali, lezikhulu zesizwe, bathanda ukumbulala.

ULukha 20:1

Kwathi ngolunye usuku efundisa ethempelini, etshumayela ivangeli, kwafika abapristi abakhulu lababhali labadala.

Imisebenzi 4:7

sebebamise phakathi kwabo, bababuza bathi: Lokhu likwenze ngawaphi amandla ingabe ngaliphi ibizo na?

Imisebenzi 7:27

Kodwa lowo owayemona umakhelwana wakhe wamsunduza esithi: Ubekwe ngubani ukuba ube ngumbusi lomthonisisi phezu kwethu na?