UMatewu 20:21 - iBhayibhili Elingcwele 1978

²¹ UJesu wathi kuye: Ufunani na? Wathi kuye: Tshono ukuba lamadodana ami amabili ahlale, enye ngakwesokunene sakho lenye ngakwesokhohlo sakho embusweni wakho.

IBhayibhili Elingcwele LesiNdebele

²¹ UJesu wabuza wathi, “Kuyini okufunayo?” Yena wathi, “Tshono ukuthi omunye wala amadodana ami amabili uzahlala kwesokunene sakho kuthi omunye laye ahlale kwesokhohlo sakho embusweni wakho.”

UMatewu 20:21 Mawu Ofanana

1 AmaKhosi 2:19

Ngakho uBathisheba wasesiya enkosini uSolomoni ukukhulumela uAdonija. Inkosi yasukuma yamhlangabeza, yakhothama kuye. Yasihlala esihlalweni sayo sobukhosi, yathi kakulethelwe unina wenkosi isihlalo, yena wahlala ngakwesokunene kwayo.

1 AmaKhosi 3:5

EGibeyoni iNkosi uNkulunkulu yabonakala kuSolomoni ephupheni ebusuku. Yathi: Cela lokho ofisa ukuba ngikunike khona.

U-Esta 5:3

Inkosi yasisithi kuye: Kuyini, nkosikazi Esta? Ucelani kimi na? Uzanikwa loba kuyingxenye yombuso wami.

AmaHubo 110:1

INkosi yathi enkosini yami: Hlala ngakwesokunene sami, ngize ngenze izitha zakho zibe yisigcabha senyawo zakho.

AmaHubo 45:9

Amadodakazi amakhosi aphakathi kwabesifazana bakho abadumileyo; ngasesandleni sokunene kumi inkosikazi ececiswe ngegolide laseOfiri.

UJeremiya 45:5

Wena uzifunela izinto ezinkulu na? Ungazidingi; ngoba ngiletha okubi phezu kwabo bonke abantu, kutsho iNkosi, kodwa wena uzasila, uphunyuke lokuphila kwakho kuzo zonke indawo lapho uya khona.

UMatewu 18:1

Ngalesosikhathi abafundi basondela kuJesu bathi: Ngubani omkhulu embusweni wezulu na?

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

UMatewu 20:22

Kodwa uJesu waphendula wathi: Kalikwazi elikucelayo. Linganatha yini inkezo engizakuyinatha na? Bathi kuye: Singakwenza.

UMatewu 20:32

UJesu wasesima, wazibiza, wathi: Lifuna ukuba ngilenzeleni na?

UMakho 10:51

UJesu wathi kuso: Ufuna ukuba ngikwenzeleni na? Isiphofu sathi kuye: Mfundisi, ukuba ngibone.

UMakho 16:19

Kwathi iNkosi uJesu isikhulumile labo yakhutshulelwa ezulwini, yahlala ngakwesokunene sikaNkulunkulu.

UMakho 6:22

kwangena indodakazi kaHerodiyasi, yasina, yamkholisa uHerodi lalabo ababehlezi laye. Inkosi yathi entombini: Cela kimi loba kuyini okuthandayo, ngizakupha khona.

ULukha 18:41

Ufuna ukuba ngikwenzeleni na? Sathi: Nkosi, ukuba ngibone.

ULukha 19:11

Kuthe ukuba bakuzwe lokho, wasebatshela umfanekiso, ngoba wayeseduze leJerusalema langoba babesithi umbuso kaNkulunkulu uzakubonakala masinyane.

ULukha 22:24

Kwavela ukuphikisana phakathi kwabo okokuthi nguwuphi kibo ongathiwa ngomkhulu.

UJohane 15:7

Uba lihlala kimi, lamazwi ami ehlala kini, celani elikuthandayo, lizakukwenzelwa.

Imisebenzi 1:6

Kwathi sebebuthene laye bambuza bathi: Nkosi, uzabuyisela umbuso kuIsrayeli kulesisikhathi na?

AbaseRoma 12:10

Thandanani ngothando lobuzalwane, liziqhenye ekuhloniphaneni.

AbaseRoma 8:34

ngubani obalahlayo? NguKristu Jesu owafayo, owavuswa kwabafileyo, ongakwesokunene sikaNkulunkulu losikhulekelayo.

AbaseKholose 3:1

Ngakhoke uba livusiwe kanye loKristu, funani okwaphezulu, lapho akhona uKristu ehlezi ngakwesokunene sikaNkulunkulu.