UMatewu 2:16 - iBhayibhili Elingcwele 1978

¹⁶ Kwathi uHerodi, esebonile ukuthi izazi zimphicile, wathukuthela kakhulu, wathumela wabulala bonke abafana baseBetlehema lasendaweni yonke yakhona, abaleminyaka emibili langaphansi, njengesikhathi abesibuzisisile kuzo izazi.

IBhayibhili Elingcwele LesiNdebele

¹⁶ Kwathi ukuba uHerodi ananzelele ukuthi iZazi zazimphicile wazonda kakhulu, wasekhupha umlayo wokuthi kubulawe bonke abantwana abangabafana eBhethilehema lasemangweni wonke oseduze, bonke ababeleminyaka emibili kusehla, kuhambelana lesikhathi leso ayesitshelwe yiZazi.

UMatewu 2:16 Mawu Ofanana

UGenesisi 39:14

yabiza abendlu yayo, yakhuluma labo isithi: Khangelani, silethelwe umHeberu ukuba adlale ngathi; wangena ukuba alale lami, ngahlaba umkhosi;

UGenesisi 39:17

Yakhuluma layo ngalamazwi yathi: Inceku engumHeberu, osilethele yona, izile kimi ukuba idlale ngami;

UGenesisi 49:7

Kaluthukwe ulaka lwabo ngoba lulamandla, lentukuthelo yabo, ngoba ilesihluku. Ngizakubachitha koJakobe, ngibahlakaze koIsrayeli.

2 AmaKhosi 8:12

UHazayeli wathi: Nkosi yami, ukhalelani? Yena waphendula wathi: Kungoba ngiyabazi ububi ozakubenza ebantwini bakoIsrayeli; uzatshisa inqaba zabo ngomlilo, ubulale lezinsizwa zabo, uchoboze ingane zabo, uqhaqhe abesifazana abakhulelweyo.

UJobe 12:4

Ngiyinhlekisa kubangane bami. Mina engangikhuleka kuNkulunkulu, angiphendule, umuntu olungileyo ongelasici, sengiyinhlekisa.

Izaga 28:15

Umbusi omubi obusa abantu abangelamandla unjengesilwane esibhongayo lebhere elizingelayo.

Izaga 28:17

Umuntu obulele omunye kacatshe aze afe, angasizwa muntu.

U-Isaya 26:21

Ngoba, khangelani, iNkosi iyaphuma endaweni yayo ukuba itshaye abahlala emhlabeni ngenxa yobubi babo; umhlaba uzaveza igazi elachitheka kuwo, ungabe usabafihla ababuleweyo bawo.

U-Isaya 59:7

Balamawala okwenza okubi, baphangisa ukuchitha igazi elingelacala; amacebo abo ngamacebo obubi, lezindlela zabo zigcwele ukuchitheka lokubhubhisa.

UDanyeli 3:13

UNebukadineza wasethukuthela evutha ulaka olukhulu, walaya ukuba oShadraki loMeshaki loAbedinego balethwe kuye. Basebewaletha lawomadoda phambi kwenkosi.

UHosiya 10:14

ngalokho kuzakuba khona ukuxokozela kwempi phakathi kwabantu bakini, kudilizwe lenqaba zenu zonke, njengalokhu uShalimani wachitha iBeti‐Aribeli ngosuku lwempi, kwachotshozwa onina labantwana babo.

AmaNani 22:29

UBalami wathi kubabhemi: Kungoba udlale ngami. Kungathi ngabe ngilomhedla, bengizakukubulala.

AmaNani 24:10

UBalaki wamthukuthelela uBalami, waqakeza izandla zakhe, wathi kuBalami: Ngikubize ukuba uqalekise izitha zami, kodwa uzibusisile kathathu.

UMatewu 2:1

Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,

UMatewu 2:17

Kwasekugcwaliseka okwakhulunywa nguJeremiya umprofethi ukuthi:

UMatewu 2:7

Kwang’khona uHerodi, esezibizile izazi ngensitha, wabuzisisa kuzo isikhathi sokubonakala kwenkanyezi.

Isambulo 12:4

umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Abahluleli 16:10

UDelila wathi kuSamsoni: Ungikhohlisile wangitshela amanga; ake ungitshele ukuthi ungabotshwa njani.