UMatewu 2:13 - iBhayibhili Elingcwele 1978

¹³ Sezisukile, isithunywa seNkosi sabonakala kuJosefa ephupheni sisithi: Vuka, uthathe umntwana lonina ubalekele eGibithe, uhlale khona ngize ngikutshele; ngoba uHerodi uzakumfuna umntwana ukuze ambulale.

IBhayibhili Elingcwele LesiNdebele

¹³ Kwathi sezihambile, ingilosi yeNkosi yabonakala kuJosefa ngephupho. Yathi, “Vuka uthathe umntwana lonina libalekele eGibhithe. Lihlale khonale ngize ngilitshele ngoba uHerodi uzamdinga umntwana efuna ukumbulala.”

UMatewu 2:13 Mawu Ofanana

1 AmaKhosi 11:17

Kodwa uHadadi wabalekela eGibithe kanye labathile abaseEdoma ababeyizinceku zikayise, wayesesengumntwana omncinyane.

1 AmaKhosi 3:5

EGibeyoni iNkosi uNkulunkulu yabonakala kuSolomoni ephupheni ebusuku. Yathi: Cela lokho ofisa ukuba ngikunike khona.

UJobe 33:15

Ukhuluma ngamaphupho langemibono yasebusuku, lapho abantu bebanjwe yibuthongo obunzima, belele emacansini abo;

UJobe 33:17

ukuze aphambule umuntu ekwenzeni kwakhe, aqede lokuzikhukhumeza kwakhe,

U-Eksodasi 1:22

UFaro wabalaya bonke abantu bakhe wathi: Wonke amadodana azalwayo koIsrayeli alibowaphosela emfuleni, kodwa wonke amadodakazi alibowayekela aphile.

UMatewu 1:20

Kwathi esanakana lokho, isithunywa seNkosi sabonakala kuye ephupheni, sathi: Josefa, ndodana kaDavida, ungesabi ukumthatha uMariya abe ngumkakho, ngoba lokho akukhulelweyo kungoMoya oNgcwele.

UMatewu 10:23

Nxa belizingela komunye umuzi, balekelani komunye; ngoba ngiqinisile ngithi kini: Kaliyikuqeda imizi yonke yakoIsrayeli ingakafiki iNdodana yomuntu.

UMatewu 2:12

Kwathi sezilayiwe ngephupho ukuba zingabuyeli kuHerodi, zasuka zabuyela elizweni lakibo ngenye indlela.

UMatewu 2:14

Wavukake, wathatha umntwana lonina ebusuku, wasuka waya eGibithe.

UMatewu 2:16

Kwathi uHerodi, esebonile ukuthi izazi zimphicile, wathukuthela kakhulu, wathumela wabulala bonke abafana baseBetlehema lasendaweni yonke yakhona, abaleminyaka emibili langaphansi, njengesikhathi abesibuzisisile kuzo izazi.

UMatewu 2:22

Kodwa esezwile ukuthi uAkelawu usebusa eJudiya esikhundleni sikaHerodi uyise, wesaba ukuya khona; esexwayisiwe ephupheni wasuka waya elizweni laseGalili.

Imisebenzi 10:22

Bathi: UKorneliya induna yekhulu, indoda elungileyo lemesabayo uNkulunkulu, ehlonitshwa yiso sonke isizwe sabaJuda, walayelwa yisithunywa esingcwele ukuba akubizele endlini yakhe, ezwe amazwi kuwe.

Imisebenzi 10:7

Sesihambile isithunywa ebesikhuluma laye, wabiza ababili kwabendlu yakhe lowebutho okholwayo kulabo ababehlala laye,

Imisebenzi 12:11

UPetro eseqaqabukile wathi: Khathesi sengisazi ngeqiniso ukuthi iNkosi ithumile isithunywa sayo, yangikhulula esandleni sikaHerodi, lakukho konke obekulindelwe yisizwe sabaJuda.

Imisebenzi 12:7

Kwasekufika isithunywa seNkosi, lokukhanya kwakhanya entolongweni. Satshaya uPetro ohlangothini, samvusa sisithi: Sukuma masinyane. Asesiwa amaketane ezandleni zakhe.

Imisebenzi 16:36

Umlindintolongo wabikela uPawuli lawomazwi esithi: Induna zithumele ukuba likhululwe. Ngakhoke phumani, lihambe ngokuthula.

Imisebenzi 5:19

Kodwa ebusuku isithunywa seNkosi savula iminyango yentolongo, sabakhupha, sathi:

Imisebenzi 7:19

Yona yasiphatha ngobuqili isizwe sakithi, yabahlupha okhokho ngokubalahlisa abantwana babo ukuze bangaphili.

UJoshuwa 3:13

Kuzakuthi lapho inyawo zabapristi abathwele umtshokotsho weNkosi, iNkosi yomhlaba wonke, zinyathela amanzi eJordani, amanzi eJordani azakhawula ukugeleza, kuthi amanzi avela ngaphezu komfula abuthane abe yinqwaba.

UJoshuwa 3:17

Kwathi lapho bonke abakoIsrayeli bechapha emhlabathini owomileyo, abapristi abathwele umtshokotsho weNkosi bema emhlabathini owomileyo phakathi kweJordani baze bachapha bonke abantu.

UJoshuwa 4:10

Ngoba abapristi ababethwele umtshokotsho bema phakathi kweJordani kwaze kwaphela konke lokho iNkosi eyayimlaye khona uJoshuwa ukukutshela abantu, ngakho konke uMose ayekutshele uJoshuwa. Abantu bachapha masinyane.

UJoshuwa 4:18

Kwathi lapho abapristi ababethwele umtshokotsho wesivumelwano seNkosi sebekhuphukile eJordani, sebemi emhlabathini owomileyo, amanzi eJordani abuyela endaweni yawo, afohla zonke inkumbi zawo njengakuqala.

Isambulo 12:14

Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.

Isambulo 12:4

umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.

Isambulo 12:6

lowesifazana wabalekela enkangala, lapho okwakulendawo ayeyilungiselwe nguNkulunkulu, ukuba ondliwe khona insuku eziyinkulungwane lamakhulu amabili lamatshumi ayisithupha.