UMatewu 19:7 - iBhayibhili Elingcwele 1978

⁷ Bathi kuye: Pho, uMose walayelani ukuba kunikwe incwadi yesahlukaniso, alahlwe na?

IBhayibhili Elingcwele LesiNdebele

⁷ Babuza bathi, “Kungani pho uMosi walaya ukuthi indoda imuphe umkayo incwadi yokuquma umtshado ibisimxotsha?”

UMatewu 19:7 Mawu Ofanana

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UJeremiya 3:8

Wabona ukuthi ngenxa yobufebe bonke bukaIsrayeli ongathembekanga, ngamxotsha ngamnika lencwadi yesahlukaniso; kodwa udadewabo ongathembekanga uJuda kesabanga, laye wasuka wafeba.

UMalaki 2:16

Ngiyakuzonda ukwahlukana, kutsho iNkosi uNkulunkulu kaIsrayeli. Ngiyazonda futhi ukuba umuntu abe lesihluku esinje kumkakhe, kutsho iNkosi yamabandla. Ngakhoke ziqapheliseni ukuba lingakhohlisi.

UMatewu 1:19

Kodwa uJosefa ijaha lakhe engumuntu olungileyo, engathandi ukumthela ihlazo, wayefuna ukumlahla ngensitha.

UMatewu 19:6

Ngakho kabasebabili, kodwa sebenyamanye. Ngakhoke lokho uNkulunkulu akuhlanganisileyo kakungahlukaniswa ngumuntu.

UMatewu 19:8

Wathi kibo: Ngenxa yobulukhuni benhliziyo yenu uMose walivumela ukwahlukana labo omkenu, kodwa kusukela ekuqaleni kwakungenjalo.

UMatewu 5:31

Kwathiwa: Ilowo olahla umkakhe kamnike incwadi yesahlukaniso.

UMakho 10:4

Bathi: UMose wavuma ukuba kulotshwe incwadi yesahlukaniso, alahlwe.