UMatewu 19:28 - iBhayibhili Elingcwele 1978

²⁸ UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

IBhayibhili Elingcwele LesiNdebele

²⁸ UJesu wathi kubo, “Ngilitshela iqiniso ukuthi, emhlabeni omutsha, lapho iNdodana yoMuntu isihlezi esihlalweni sobukhosi, lina elingilandelayo lani lizahlala ezihlalweni zobukhosi ezilitshumi lambili, lahlulele izizwana ezilitshumi lambili zako-Israyeli.

UMatewu 19:28 Mawu Ofanana

1 AmaKhosi 18:31

Wathatha amatshe alitshumi lambili, alingana ubunengi bezizwe zamadodana kaJakobe okwafika kuye ilizwi leNkosi lisithi: Ibizo lakho lizakuba nguIsrayeli.

2 ImiLando 9:19

kwakumi izilwane ezilitshumi lambili ezikhwelweni eziyisithupha, esinye isilwane singapha lesinye singale kwesikhwelo. Kakwenziwanga isihlalo sobukhosi esinjalo lakuwuphi omunye umbuso.

U-Ezra 6:17

Ekwahlukaniselweni kwayo uNkulunkulu lindlu banikela inkunzi ezilikhulu, lenqama ezingamakhulu amabili, lamawundlu angamakhulu amane; banikelela uIsrayeli wonke umnikelo wesono intondolo ezilitshumi lambili ezilingana lezizwe zakoIsrayeli.

U-Eksodasi 15:27

Basebefika eElimi lapho kwakukhona imithombo elitshumi lambili yamanzi, lamalala angamatshumi ayisikhombisa; bamisa khona ngasemanzini.

U-Eksodasi 24:4

UMose waseloba wonke amazwi eNkosi. Wavuka ekuseni, wakha ialtare phansi kwentaba kanye lensika zokukhonzela ezilitshumi lambili ezilingana izizwe zakoIsrayeli.

U-Eksodasi 28:21

Kuzakuba khona amatshe alitshumi lambili, abe lamabizo amadodana kaIsrayeli; yilelo lalelo ilitshe libe lebizo lesinye sezizwe ezilitshumi lambili, kubhalwe kulo njengokubhalwa kwendandatho.

U-Isaya 65:17

Khangela, ngiyadala izulu elitsha lomhlaba omutsha, izinto zakuqala kazisayikukhunjulwa, kazisayikuphinda zifike engqondweni.

U-Isaya 66:22

Njengalokhu iphezulu elitsha lomhlaba omutsha engizakukwenza kuzakuma kokuphela phambi kwami, kutsho iNkosi, ngokunjaloke inzalo yakho lebizo lakho kuzakuma kokuphela.

ULevi 24:5

Uzathatha impuphu ecolekileyo, upheke ngayo amaqebelengwana aficaminwembili, elinye lelinye libe lengxenye yehefa lempuphu.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UMatewu 19:27

UPetro wasekhuluma esithi kuye: Khangela, thina sitshiye konke, sakulandela. Pho, sizakuzuzani na?

UMatewu 20:21

UJesu wathi kuye: Ufunani na? Wathi kuye: Tshono ukuba lamadodana ami amabili ahlale, enye ngakwesokunene sakho lenye ngakwesokhohlo sakho embusweni wakho.

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

UMatewu 8:20

UJesu wathi kuye: Amakhanka alemilindi, lenyoni zaphezulu zilezidleke, kodwa iNdodana yomuntu kayilandawo lapho ingaqamelisa khona ikhanda layo.

UMakho 10:37

Bathi kuye: Siphe ukuba omunye ahlale ngakwesokunene sakho, lomunye ngakwesokhohlo sakho ebukhosini bakho.

Imisebenzi 3:21

okumele ukuba izulu limamukele, kuze kufike isikhathi sokubuyisela konke lokhu uNkulunkulu akutshoyo endulo ngomlomo wabaprofethi bakhe abangcwele.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

UJoshuwa 3:12

Ngakhoke khethani amadoda alitshumi lambili ezizweni zakoIsrayeli, indoda ibenye kuleso lalesosizwe.

2 UPhethro 3:13

Kodwa ngokwesithembiso sakhe silindele izulu elitsha lomhlaba omutsha okukhona kuwo ukulunga.

Isambulo 11:16

Abadala abangamatshumi amabili lane abahlezi ezihlalweni zabo zobukhosi phambi kukaNkulunkulu bathi mbo ngobuso phansi, bakhonza uNkulunkulu,

Isambulo 12:1

Kwaba khona ezulwini isibonakaliso esikhulu, owesifazana embethe ilanga, lenyanga ingaphansi kwenyawo zakhe, kukhona ekhanda lakhe umqhele wezinkanyezi ezilitshumi lambili;

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 21:5

Wasesithi ohlezi esihlalweni sobukhosi: Khangela, ngenza konke kube kutsha. Wathi: Bhala lokhu, ngoba lamazwi aqinisile aqotho.

Isambulo 22:2

egeleza phakathi kwendlela yomuzi. Kwakumi inxa zombili zomfula isihlahla sokuphila esithela izithelo ezilitshumi lambili, sithela izithelo zaso inyanga ngenyanga, lamahlamvu aso angawokwelapha izizwe.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 7:4

Ngasengitshelwa ubunengi bababekwa uphawu, baba zinkulungwane ezilikhulu lamatshumi amane lane, ababekwa uphawu ezizweni zonke zakoIsrayeli;