UMatewu 18:31 - iBhayibhili Elingcwele 1978

³¹ Ngakhoke abayizinceku kanye layo bekubona okwenzekileyo, badabuka kakhulu, baya babikela inkosi yabo konke okwenzekileyo.

IBhayibhili Elingcwele LesiNdebele

³¹ Kwathi ezinye izinceku sezibonile okwakwenzakele, zathukuthela kakhulu zayaceba enkosini ngalokho okwenzakeleyo.

UMatewu 18:31 Mawu Ofanana

UGenesisi 37:2

Le yindaba yezizukulwana zikaJakobe. Kwathi uJosefa eseleminyaka elitshumi lesikhombisa wayengumfana nje esalusa umhlambi kanye labafowabo, amadodana kaBiliha loZilipa omkayise; uJosefa waletha kuyise imibiko emibi ngabo.

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

AmaHubo 119:158

Lapho ngibona abenza okubi ngiyacunuka, ngoba kabagcini imithetho yakho.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UMatewu 14:9

Inkosi yadabuka, kodwa ngenxa yezifungo zayo langalabo ababehlezi layo yalaya ukuba inikwe.

UMatewu 18:28

Kodwa isaphuma leyonceku yafumana omunye wabayizinceku kanye layo olomlandu kuyo wamadola amalutshwana, yambamba, yamkhama, yathi: Hlawula umlandu wakho.

UMatewu 18:30

Kodwa yona yala, yasuka yayifaka entolongweni ize iwuhlawule lowomlandu.

UMatewu 18:32

Ngakho inkosi yayo yayibiza, yathi kiyo: Wena nceku embi, wonke lowomlandu ngakuyekela ngoba wangincenga;

UMakho 3:5

Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

ULukha 14:21

Isibuyile inceku yayibikela lokhu inkosi yayo. Ngakhoke umninindlu wathukuthela, wathi encekwini yakhe: Phuma masinyane uye emigwaqweni lendleleni zomuzi, ulethe lapha abayanga, lezilima, leziphofu, leziqhuli.

ULukha 19:41

Kwathi esondela, ewubona umuzi, wawukhalela,

AbaseRoma 12:15

Thokozani kanye labathokozayo, likhale labakhalayo.

2 AbaseKhorinte 11:21

Ngitsho ngilenhloni ukuthi thina besibuthakathaka! Kodwa kulokho umuntu alesibindi sokuzincoma ngakho, lapha ngikhuluma njengesithutha, lami ngilesibindi sokuzincoma ngakho.

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

AmaHebheru 13:3

Bakhumbuleni ababotshiweyo ngokungathi lani libotshiwe kanye labo, labaphethwe kubi, lokhu lani lisekhona.