UMatewu 18:3 - iBhayibhili Elingcwele 1978

³ wathi: Ngiqinisile ngithi kini: Uba lingaphenduki, libe njengabantwana, kalisoze lingene embusweni wezulu.

IBhayibhili Elingcwele LesiNdebele

³ Wasesithi, “Ngiqinisile ngithi kini, ngaphandle kokuba liguquke libe njengabantwana abancinyane, kalisoze lafa langena embusweni wezulu.

UMatewu 18:3 Mawu Ofanana

AmaHubo 131:2

Kodwa ngiduduzile ngathulisa umphefumulo wami, njengomntwana othuliswe ebeleni likanina; njengomntwana othulisiweyo, unjalo lomphefumulo wami.

U-Isaya 6:10

Yenza inhliziyo yalababantu ibe lukhuni, lendlebe zabo zibe buthundu, ufiphaze amehlo abo, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke basiliswe.

UMatewu 13:15

ngoba inhliziyo yalesisizwe seyaba lukhuni, lendlebe zabo zizwa kalukhuni, lamehlo abo bawacimezile, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke, ngibasilise.

UMatewu 18:2

Wabiza umntwana, wammisa phakathi kwabo,

UMatewu 18:4

Ngakho lowo ozakuzithoba njengalumntwana, nguye omkhulu embusweni wezulu.

UMatewu 19:14

Kodwa uJesu wathi: Vumelani abantwana beze kimi, lingabanqabeli, ngoba umbuso wezulu ungowabanje.

UMatewu 19:23

UJesu wasesithi kubafundi bakhe: Ngiqinisile ngithi kini: Onothileyo uzakungena ngokulukhuni embusweni wezulu.

UMatewu 5:18

Ngoba ngiqinisile ngithi kini: Kuze kudlule izulu lomhlaba kakusoze kudlule ibadlana libe linye ingabe lecwatshana libe linye lomlayo, kuze kwenzakale konke.

UMatewu 5:20

Ngoba ngithi kini: Aluba ukulunga kwenu kungadluli okwababhali lokwabaFarisi, kalisoze lingene embusweni wezulu.

UMatewu 6:16

Futhi nxa lizila ukudla linganyukumali njengabazenzisi; ngoba bona bacomba ubuso babo ukuba babonakale ebantwini ukuthi bazilile. Ngiqinisile ngithi kini: Sebewamukele umvuzo wabo.

UMatewu 6:2

Ngakho nxa unika isiphiwo, ungakhalisi uphondo phambi kwakho, njengokwenziwa ngabazenzisi emasinagogeni lasezindleleni ukuba badunyiswe ngabantu. Ngiqinisile ngithi kini: Sebewamukele umvuzo wabo.

UMatewu 6:5

Lalapho likhuleka, lingabi njengabazenzisi, ngoba bona bathanda ukukhuleka bemi emasinagogeni lasekuhlanganeni kwendlela ukuze babonwe ngabantu. Ngiqinisile ngithi kini: Sebewamukele umvuzo wabo.

UMakho 4:12

ukuze: Ukubona babone, bangabonisisi, lokuzwa bezwe, bangaqedisisi, funa baphenduke bathethelelwe.

ULukha 13:24

Zamani ukungena ngomnyango omncinyane; ngoba ngithi kini: Abanengi bazakufuna ukungena, behluleke.

ULukha 22:32

kodwa mina ngikukhulekele ukuba ukukholwa kwakho kungapheli; wenake, nxa usuphendukile, uqinise abazalwane bakho.

UJohane 1:51

Wathi kuye: Ngiqinisile, ngiqinisile ngithi kini: Lizakubona izulu livulekile, lezithunywa zikaNkulunkulu zisenyuka, zisehlela phezu kweNdodana yomuntu.

UJohane 3:3

UJesu wamphendula wathi: Ngiqinisile, ngiqinisile ngithi kuwe: Uba umuntu engazalwa ngokutsha, angewubone umbuso kaNkulunkulu.

UJohane 3:5

UJesu wathi: Ngiqinisile ngithi kuwe: Uba umuntu engazalwanga ngamanzi langoMoya, angengene embusweni kaNkulunkulu.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

Imisebenzi 28:27

ngoba inhliziyo yalesisizwe seyaba lukhuni, bezwa ngokulukhuni ngendlebe, lamehlo abo bawacimezile, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke, ngibasilise.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,

1 AbaseKhorinte 14:20

Bazalwane, lingabi ngabantwana ngengqondo zenu; kanti ebubini wobani msulwa njengezingane, kodwa ekunakaneni libe ngabakhulileyo.

1 UPhethro 2:2

Njengezingane ezisand’ukuzalwa fisani uchago oluhle, ngitsho uchago olungokomoya, ukuze ngalo likhuliselwe ukusiliswa;

2 UPhethro 1:11

Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.