UMatewu 18:23 - iBhayibhili Elingcwele 1978

²³ Ngakhoke umbuso wezulu unjengomuntu oyinkosi owayethanda ukuba inceku zakhe zimlandisele ngemali yakhe.

IBhayibhili Elingcwele LesiNdebele

²³ Ngakho umbuso wezulu unjengenkosi eyayifuna ukuqeda izikwelede zayo lezinceku zayo.

UMatewu 18:23 Mawu Ofanana

UMatewu 13:24

Wabeka phambi kwabo omunye umfanekiso esithi: Umbuso wezulu ufaniswa lomuntu owahlanyela inhlanyelo enhle ensimini yakhe;

UMatewu 13:31

Wabatshela omunye umfanekiso esithi: Umbuso wezulu ufana lohlamvu lwemastade, aluthatha umuntu waluhlanyela ensimini yakhe;

UMatewu 13:33

Wabatshela omunye umfanekiso, wathi: Umbuso wezulu unjengemvubelo ayithathayo owesifazana, wayihlanganisa lamagokoko amabili empuphu, kwaze kwabila konke.

UMatewu 13:47

Futhi umbuso wezulu unjengembule elaphoswa olwandle, labutha zonke inhlobo zenhlanzi;

UMatewu 13:52

Wathi kubo: Ngakhoke ilowo lalowombhali ofundiselwe umbuso wezulu unjengomuntu ongumnumzana okhupha enothweni yakhe okutsha lokudala.

UMatewu 18:24

Kwathi eseqalile ukubala, kwalethwa kuye enye elomlandu wamadola azinkulungwane ezinengi.

UMatewu 25:1

Ngakhoke umbuso wezulu uzakufaniswa lentombi ezilitshumi ezathatha izibane zazo, zaphuma ukuhlangabeza umyeni.

UMatewu 25:14

Ngoba kunjengomuntu owahambela kwelinye ilizwe, wabiza inceku zakhe, wazinika impahla yakhe;

UMatewu 3:2

esithi: Phendukani, ngoba umbuso wezulu ususondele!

UMatewu 7:24

Ngakho ilowo lalowo owezwayo lamazwi ami, awenze, ngizakumfanisa lendoda ehlakaniphileyo eyakha indlu yayo phezu kwedwala.

AbaseRoma 14:12

Ngakhoke ilowo lalowo wethu uzakuziphendulela kuNkulunkulu.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.