UMatewu 13:22 - iBhayibhili Elingcwele 1978

²² Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

IBhayibhili Elingcwele LesiNdebele

²² Inhlanyelo eyawela phakathi kwameva ngumuntu olizwayo ilizwi kodwa lisuke landelwe yizinhlupheko zale impilo lenkohliso yenotho, lingabe lisaba lezithelo.

UMatewu 13:22 Mawu Ofanana

AmaHubo 52:7

Khangelani, nangu umuntu ongamenzanga uNkulunkulu abe yisiphephelo sakhe, kodwa wathemba inotho yakhe enkulu, wathembela ekwenzeni okubi.

AmaHubo 62:10

Lingakuthembi ukuqilibezela, lingamisi ithemba ekuphangeni; uba inotho isanda, lingabeki inhliziyo zenu kuyo.

Izaga 11:28

Othemba inotho yakhe uzawohloka njengamahlamvu ebusika, kodwa olungileyo uzahluma njengamahlamvu ehlobo.

Izaga 23:5

Uba uyiphisekela inotho, ingamila izimpiko isuke, iphaphele phezulu njengokhozi.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

UJeremiya 4:3

Ngoba iNkosi ithi ebantwini bakoJuda labaseJerusalema: Qhathani ingqatho yenu, lingahlanyeli phakathi kwameva.

UMatewu 12:32

Lowo okhuluma ilizwi elibi ngeNdodana yomuntu uzakuthethelelwa, kodwa lowo okhuluma ilizwi elibi ngoMoya oNgcwele kayikuthethelelwa kulesisikhathi lasesikhathini esizayo.

UMatewu 13:39

lesitha esawuhlanyelayo nguSathane; ukuvuna kuyikuphela kwesikhathi; labavunayo bayizithunywa.

UMatewu 13:40

Ngakhoke njengalokhu umfaba uyabuthwa, utshiswe emlilweni, kuzakuba njalo ekupheleni kwalesisikhathi.

UMatewu 13:7

Enye inhlanyelo yawela emeveni; ameva akhula, ayiminyanisa.

ULukha 12:15

Wasesithi kibo: Xwayani, liqaphele ubuhwaba bonke, ngoba ukusila komuntu kakuyi ngobunengi bempahla yakhe.

ULukha 12:21

Kunjaloke kozibekela inotho yena enganothanga kuNkulunkulu.

ULukha 21:34

Xwayani ukuba inhliziyo zenu zingabi buthundu ngenxa yokuminza lokudakwa lokuphisekela izinto zalokhukusila, lolosuku luhle lulijume njengomjibila lingananzelele,

ULukha 8:14

Okuwele phakathi kwameva yilabo abathi sebezwile, bahambe, baminyaniswe yikuphisekela inotho lenkanuko yokusila, bangatheli izithelo ezivuthiweyo.

Imisebenzi 8:18

USimoni esebonile ukuthi ngokubekwa kwezandla zabaphostoli uyaphiwa uMoya oNgcwele, waletha imali kubo,

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

1 AbaseKhorinte 1:20

Singaphi isihlakaniphi? Ungaphi umbhali? Ungaphi umphikisi na? Kayisibo balesisikhathi na? UNkulunkulu kakwenzanga kube yibuthutha ukuhlakanipha komhlaba na?

1 AbaseKhorinte 2:6

Ukuhlakanipha sikukhuluma phakathi kwabapheleleyo, lanxa kungeyisikho ukuhlakanipha kwalesisikhathi ingabe ukuhlakanipha kwababusi balesisikhathi, abazakubhubha.

1 AbaseKhorinte 2:8

Kakho loyedwa owababusi balesisikhathi okwaziyo lokhukuhlakanipha; ngoba uba babekwazile, babengayikuyibethela iNkosi yenkazimulo.

1 AbaseKhorinte 3:18

Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile ezintweni zalesisikhathi kabe yisithutha, ukuze ahlakaniphe.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

AbaseGalathiya 1:4

owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

2 uTimothi 4:10

ngoba uDema, ngokuthanda lumhlaba, ungihlamukile, waya eTesalonika, uKresena uye eGalathiya, uTitosi eDalmathiya;