UMatewu 10:4 - iBhayibhili Elingcwele 1978

⁴ loSimoni umKanani, loJudasi Iskariyothi owamnikelayo.

IBhayibhili Elingcwele LesiNdebele

⁴ uSimoni umZilothi loJudasi Iskariyothi onguye owamnikelayo.

UMatewu 10:4 Mawu Ofanana

UMatewu 26:14

Omunye wabalitshumi lambili othiwa nguJudasi Iskariyothi waya kubapristi abakhulu,

UMatewu 26:15

wathi: Lizakunginikani aluba ngimnikela kini na? Basebemnika inhlamvu zesiliva ezingamatshumi amathathu.

UMatewu 26:2

Liyazi ukuthi emva kwensuku ezimbili kuzakuba liPhasika; iNdodana yomuntu izakunikelwa ukuba ibethelwe.

UMatewu 26:47

Kwathi esakhuluma, kwafika uJudasi, omunye wabalitshumi lambili, elexuku elikhulu liphethe imihedla lezinduku, livela kubapristi abakhulu labadala besizwe.

UMatewu 27:3

Kwathi uJudasi owamnikelayo, esebonile ukuthi ulahliwe, wazisola, wabuyisela inhlamvu zesiliva ezingamatshumi amathathu kubapristi abakhulu labadala,

UMakho 14:10

UJudasi Iskariyothi, omunye wabalitshumi lambili, waya kubapristi abakhulu ukumnikela kubo.

UMakho 14:43

Kwathi masinyane esakhuluma, kwafika uJudasi, omunye wabalitshumi lambili, elexuku liphethe imihedla lezinduku, livela kubapristi abakhulu lababhali labadala.

ULukha 22:3

USathane wasengena kuJudasi othiwa nguIskariyothi owayengomunye wabalitshumi lambili.

ULukha 22:47

Kwathi esakhuluma, kwafika ixuku; loJudasi, omunye wabalitshumi lambili, elikhokhele, wasondela kuJesu, wamanga.

UJohane 13:2

Sekudliwa, uSathane esekufakile enhliziyweni kaJudasi Iskariyothi, indodana kaSimoni, ukuba amnikele,

UJohane 6:64

Kodwa bakhona abanye kini abangakholwayo. Ngoba uJesu wakwazi ekuqaleni ukuba ngobani abangakholwayo lokuba ngubani ozakumnikela.

UJohane 6:71

Wayekhuluma ngoJudasi indodana kaSimoni Iskariyothi, ngoba nguye owayezakumnikela engomunye wabalitshumi lambili.

Imisebenzi 1:13

Kwathi sebengenile, bakhuphukela endlini ephezulu, lapho babehlala khona, oPetro, loJohane, loJakobe, loAndreya, loFiliphu, loTomasi, loBartolomewu, loMathewu, loJakobe indodana kaAlfewu, loSimoni umZelothi, loJudasi indodana kaJakobe.

Imisebenzi 1:25

ukuba athathe isikhundla kulinkonzo lobuphostoli uJudasi asitshiya waya endaweni yakhe.