UMatewu 10:23 - iBhayibhili Elingcwele 1978

²³ Nxa belizingela komunye umuzi, balekelani komunye; ngoba ngiqinisile ngithi kini: Kaliyikuqeda imizi yonke yakoIsrayeli ingakafiki iNdodana yomuntu.

IBhayibhili Elingcwele LesiNdebele

²³ Nxa lihlukuluzwa endaweni ethile, balekelani kwenye. Ngilitshela iqiniso ukuthi kaliyikuqeda ukuwahambela wonke amadolobho ako-Israyeli iNdodana yoMuntu ingakafiki.

UMatewu 10:23 Mawu Ofanana

UJeremiya 26:21

Kwathi lapho inkosi uJehoyakimi, lawo wonke amaqhawe akhe, lezikhulu zakhe, besizwa amazwi akhe, inkosi yafuna ukumbulala; kodwa kwathi uUriya esekuzwile lokhu, wesaba, wabalekela eGibithe.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UMatewu 16:28

Ngiqinisile ngithi kini: Bakhona abanye kwabemiyo lapha abangayikuzwa ukufa baze bayibone iNdodana yomuntu isiza embusweni wayo.

UMatewu 2:13

Sezisukile, isithunywa seNkosi sabonakala kuJosefa ephupheni sisithi: Vuka, uthathe umntwana lonina ubalekele eGibithe, uhlale khona ngize ngikutshele; ngoba uHerodi uzakumfuna umntwana ukuze ambulale.

UMatewu 23:34

Ngakhoke, khangelani, ngithuma kini abaprofethi, labahlakaniphileyo, lababhali; abanye babo lizakubabulala, libabethele; abanye lizakubatshaya emasinagogeni enu, libaxotshe imizi ngemizi,

UMatewu 23:36

Ngiqinisile ngithi kini: Zonke lezizinto zizakwehlela phezu kwalesisizukulwana.

UMatewu 24:27

Ngoba njengalokhu umbane ubaneka empumalanga, ukhanye uze ubonakale entshonalanga, kuzakuba njalo ukufika kweNdodana yomuntu.

UMatewu 24:30

Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.

UMatewu 24:34

Ngiqinisile ngithi kini: Lesisizukulwana kasiyikudlula zingakenzeki izinto zonke lezi.

UMatewu 24:48

Kodwa nxa leyonceku embi icabanga isithi: Inkosi yami ilibele;

UMatewu 25:13

Ngakhoke lindani, ngoba kalilwazi usuku lesikhathi.

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UMatewu 4:12

Kwathi esezwile ukuthi uJohane ubotshiwe, wasuka waya eGalili.

UMakho 13:26

Kung’khonake bazakubona iNdodana yomuntu isiza emayezini, ilamandla amakhulu lenkazimulo,

ULukha 18:8

Ngithi kini: Uzakubalwela masinyane. Kodwake nxa iNdodana yomuntu ifika, izakufumana ukukholwa emhlabeni na?

ULukha 21:27

Kubeng’khona bezakuyibona iNdodana yomuntu isiza eyezini, ilamandla lenkazimulo enkulu.

UJohane 7:1

Emva kwalokhu uJesu wahamba eGalili, engathandi ukuhamba eJudiya, ngoba abaJuda babefuna ukumbulala.

Imisebenzi 17:10

Masinyane abazalwane babasusa oPawuli loSilasi babathumela eBeriya ebusuku; bona sebefikile khona bangena esinagogeni labaJuda.

Imisebenzi 17:14

Ngakho abazalwane bamsusa masinyane uPawuli bamusa ngasolwandle; kodwa uSilasi loTimothi basala khona.

Imisebenzi 20:1

Sesiphelile isiyaluyalu, uPawuli wabiza abafundi, esebakhuthazile wabavalelisa, wasuka waya eMakedoniya.

Imisebenzi 8:1

Ngalolosuku kwasuka ukuzingelwa okukhulu kwebandla laseJerusalema, bahlakazeka bonke ngaphandle kwabaphostoli emazweni aseJudiya laseSamariya.