UMalaki 4:1 - iBhayibhili Elingcwele 1978

¹ Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

IBhayibhili Elingcwele LesiNdebele

¹ “Ngeqiniso luyeza usuku; luzavutha njengesithando somlilo. Zonke iziqholo njalo zonke izixhwali zizakuba ngamabibi, njalo lolosuku oluzayo luzabathungela ngomlilo,” kutsho uThixo uSomandla. “Kakuyikusala mpande loba gatsha kubo.

UMalaki 4:1 Mawu Ofanana

UJobe 18:16

Impande zakhe ziyoma ngaphansi, kubune ingatsha ngaphezulu.

AmaHubo 119:119

Uyalahla bonke ababi bomhlaba njengamanyele; ngakho ngiyayithanda imilayo yakho.

AmaHubo 37:9

Ngoba ababi bazakuchithwa, kodwa labo abathemba iNkosi bazakulifuya ilizwe.

U-Eksodasi 15:7

Ngobukhulu bobukhosi bakho uyachitha abakuvukelayo. Lapho uthuma ulaka lwakho, luyabatshisa njengezinhlanga.

U-Isaya 40:24

Banele ukugxunyekwa, banele ukuhlanyelwa, lesiqu sabo sanele ukugxila nje emhlabathini, abesephephetha phezu kwabo babune, lesivunguzane sibaphephule njengamabibi.

U-Isaya 41:2

Ngubani ovusa lowo ovela ngasempumalanga onqobayo kuzo zonke indawo ahamba kizo na? Ngubani onikela izizwe phambi kwakhe, amenze anyathezele phansi amakhosi, umkhonto wakhe uyawachitha njengothuli, lemitshoko yakhe iwatsahaze njengezibi phambi komoya na?

U-Isaya 47:14

Khangela, bazakuba njengamabibi atshiswa ngumlilo; kabayikuzophula emalangabini. Kakusimalahle okothiwa la, kakusiwo umlilo wokotha.

U-Isaya 5:24

Ngakhoke njengalokhu umlilo utshisa amabibi, lelangabi litshisa utshani obomileyo, ngokunjalo impande yabo izakubola, lempoko yabo iphephuke njengothuli; ngoba bawalile umlayo weNkosi yamabandla, balidelela ilizwi loNgcwele kaIsrayeli.

U-Isaya 9:18

Ngoba ububi butshisa njengomlilo, buqeda ukhula lameva; buthungela izihlahla zehlathi, zize zithunqe intuthu.

U-Isaya 9:19

Ngolaka lweNkosi yamabandla ilizwe litshisiwe, abantu banjengezinkuni zomlilo; kakho oyekela umfowabo.

UHezekhiyeli 20:38

ngikhuphe phakathi kwenu abahlamukayo labo bonke abonayo kimi, ngibakhuphe elizweni abahlala kilo, kodwa kabayikungena elizweni lakoIsrayeli. Ng’khona lizakwazi ukuba ngiyiNkosi.

UHezekhiyeli 21:32

Uzakuba zinkuni zomlilo, legazi lakho lichithekele phakathi kwezizwe, ungabe usakhunjulwa; ngoba mina Nkosi ngikhulumile.

UHezekhiyeli 24:11

Ubusuyibeka phezu kwamalahle ingelalutho, ukuba itshise, kutshe ithusi layo, kuncibilike ingcekeza yayo, kuphele lokuthomba kwayo.

UHezekhiyeli 34:17

Linake, mhlambi wami, kutsho iNkosi uNkulunkulu, ngizakwahlulela phakathi kwemvu lemvu, laphakathi kwenqama lentondolo.

UHezekhiyeli 7:10

Nanto usuku, nantu luyeza. Ukuchitheka kwenu sekufikile, ububi buyahluma, lokuziqhenya kukhahlele,

UJoweli 2:1

Khalisani uphondo eZiyone, lihlabe umkhosi entabeni yami egcwele. Kabathuthumele bonke abakhileyo elizweni, ngoba usuku lweNkosi luyeza, seluseduze,

UJoweli 2:31

Ilanga lizaphenduka umnyama, lenyanga ibe ligazi, lungakafiki usuku lweNkosi olukhulu lolwesabekayo.

uAmosi 2:9

Kanti mina ngachitha amaAmori phambi kwabo, ubude bawo babulingana lobude bezihlahla zomkusu ezinde, lokuqina kwawo kunjengezihlahla ezinkulu; kodwa ngachitha izithelo zawo ngaphezulu, lempande zawo ngaphansi.

uObadiya 1:18

Indlu kaJakobe izakuba ngumlilo, lendlu kaJosefa ibe lilangabi, indlu kaEsawu ibe ngamabibi; bazakuwatshisa bawaqede; kakuyikuba khona oseleyo endlini kaEsawu; ngoba iNkosi isikhulumile.

UNahume 1:10

Njengameva abambeneyo bayaqedwa bonke, baphele njengamabibi omileyo.

UZefaniya 1:14

Usuku olukhulu lweNkosi selusondele, luyeza ngokuphangisa; usuku lweNkosi lulobuhlungu, iqhawe liyakhala kakhulu kulo.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

UZakhariya 14:1

Luyeza usuku lokwahlulela kweNkosi, lapho impango ethethwe kuwe izakwahlukaniswa phakathi kwakho.

UMalaki 3:15

Khathesike sithi abaziphakamisayo babusisiwe; abenza okubi yibo abaphumelelayo; lalapho bemlinga uNkulunkulu bayayekelwa.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

UMalaki 3:2

Kodwa ngubani ongalumela usuku lokufika kwaso, longema ekubonakaleni kwaso na? Ngoba sinjengomlilo wompheki wensimbi, lanjengesepa yomgezisi.

UMalaki 3:3

Sizahlala esihlalweni saso sincibilikise sihlambulule isiliva, sihlambulule amadodana kaLevi, siwancibilikise njengegolide lanjengesiliva, aze anikele iminikelo efaneleyo eNkosini.

UMalaki 4:5

Khangelani, ngizalithumela umprofethi uElija lungakafiki usuku lweNkosi olukhulu lolwesabekayo.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

ULukha 19:43

Ngoba uzakwehlelwa zinsuku, lapho izitha zakho zizakwakhela umthangala, zikuzingelezele, zikuvimbele inxa zonke,

ULukha 21:20

Nxa libona iJerusalema lihanqwe yizimpi, yazini ukuthi sekusondele ukuchitheka kwalo.

ULukha 6:23

Thokozani ngalolosuku, leqe ngokuthokoza; ngoba khangelani, umvuzo wenu mkhulu ezulwini; ngoba okhokho babo babesenza njalo kubaprofethi.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.