UMalaki 2:7 - iBhayibhili Elingcwele 1978

⁷ Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

IBhayibhili Elingcwele LesiNdebele

⁷ Ngoba izindebe zomphristi kumele zilonde ulwazi, abantu badinge kuye ukufundiswa ngoba uyisithunywa sikaThixo uSomandla.

UMalaki 2:7 Mawu Ofanana

2 AmaKhosi 16:11

U‐Uriya umpristi wakha ialtare njengakho konke akuthunyelwa yinkosi uAhazi kuvela eDamaseko; walakha inkosi ingakafiki ivela eDamaseko.

2 AmaKhosi 16:16

U‐Uriya umpristi wakwenza konke lokho njengokutsho kwenkosi uAhazi.

2 ImiLando 30:22

UHezekiya wawakhuthaza wonke amaLevi atshengisa ukuhlakanipha enkonzweni yeNkosi. Abantu badla ukudla komkhosi insuku eziyisikhombisa benikela iminikelo yokuthula, beyibonga iNkosi, uNkulunkulu wabokhokho babo.

2 ImiLando 31:4

Yalaya abantu ababehlala eJerusalema ukuba banike abapristi lamaLevi isabelo sabo ukuze bazinikele emlayweni weNkosi.

U-Ezra 7:10

UEzra wayezimisele ukuwufunda umlayo weNkosi lokuwenza lokufundisa imithetho lezimiso koIsrayeli.

U-Ezra 7:25

Laweke Ezra, ngokuhlakanipha olakho okuvela kuNkulunkulu wakho beka abathonisisi labehluleli abazakwahlulela bonke abantu abaselizweni elingaphetsheya kweYufrathi, bonke abayaziyo imilayo kaNkulunkulu wakho; labo abangayaziyo uzabafundisa.

Izaga 5:2

ukuba ube lengqondo ehlakaniphileyo, lomlomo wakho ukhulume ngokwazi.

UmTshumayeli 5:5

Kungcono ukuba ungafungi kulokufunga isifungo ungasigcwalisi.

U-Isaya 42:19

Kambe ngubani oyisiphofu ukwedlula inceku yami, loyisacuthe njengesigijimi sami engisithumayo? Ngubani oyisiphofu njengothembekileyo wami, oyisiphofu njengenceku yeNkosi na?

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

UJeremiya 15:19

Ngakhoke kutsho iNkosi, uba ubuya, ngizakukwamukela ungisebenzele. Uba ukhuluma okuhle, ungakhulumi okubi, uzakuba njengomlomo wami. Bazakuza kuwe, kodwa wena kawuyikuya kubo.

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 2:8

Abapristi kabatshongo ukuthi: Ingaphi iNkosi na? Lalabo abaphatha umlayo kabangazanga. Ababusi baphambuka kimi, labaprofethi batshumayela ngoBali, balandela izithombe ezingasizi lutho.

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UHezekhiyeli 7:26

Ukuchitheka kuzalandela ukuchitheka, amahungahunga alandele amanye amahungahunga. Bazadinga umbono kumprofethi, kodwa kakusayikuba khona ukuqondisa kompristi leseluleko sabadala.

UDanyeli 11:33

Abahlakaniphileyo babantu bazafundisa abanengi, lanxa bezabulawa empini langomlilo, babanjwe, bathunjwe okwensuku ezithile.

UHosiya 4:6

Abantu bami bayabhubha ngokuswela ukwazi; ngoba ukwalile ukwazi, lami ngizakukwala, ungabi ngumpristi wami. Lokhu usuwukhohliwe umlayo kaNkulunkulu wakho, lami ngizakhohlwa abantwana bakho.

ULevi 10:11

lifundise abantu bakoIsrayeli zonke izimiso iNkosi ezikhulume kubo ngoMose.

UZefaniya 3:4

Abaprofethi bawo kabananzeleli, bayakhohlisa; abapristi bawo bangcolisa okungcwele, baphule umthetho.

UHagayi 1:13

UHagayi isithunywa seNkosi wasekhuluma ebantwini ilizwi leNkosi, wathi: Ngilani, kutsho iNkosi.

UZakhariya 7:3

lokubuza abapristi bendlu yeNkosi yamabandla labaprofethi ukuthi: Sizalilela ithempeli, sizile ukudla enyangeni yesihlanu njengokwenza kwethu iminyaka yonke na?

UMalaki 3:1

INkosi yamabandla ithi: Khangelani, ngiyasithuma isithunywa sami ukulungisa indlela phambi kwami. INkosi eliyidingayo izafika masinyane ethempelini layo; isithunywa sesivumelwano elithokoza ngaso siyeza.

AmaNani 27:21

Yena uzakuma phambi kukaEleyazare umpristi ozambuzela ngokwenza inkatho iUrimi phambi kweNkosi; ngelizwi lakhe bazakuphuma, langelizwi lakhe bazakungena, lonke ibandla lakoIsrayeli kanye loJoshuwa.

UJohane 13:20

Ngiqinisile, ngiqinisile ngithi kini: Owamukela ongimthumileyo wamukela mina: lowamukela mina wamukela ongithumileyo.

UJohane 20:21

UJesu wabuya wathi kibo: Ukuthula akube kini. Njengokuba uBaba engithumile mina, lami ngiyalithuma lina.

Imisebenzi 16:17

Yona yamlandela uPawuli lathi, isithi: Lababantu bazinceku zikaNkulunkulu oPhezukonke ezisitshumayeza indlela yokusiliswa.

2 AbaseKhorinte 5:20

Ngakhoke siyizithunywa zikaKristu okuyikuthi uNkulunkulu uyalincenga ngathi; lathi siyalincenga esikhundleni sikaKristu sithi: Buyisanani loNkulunkulu.

AbaseGalathiya 4:14

lanxa isimo somzimba wami sasiyisilingo kini, kalingeyisanga kalingidelelanga; kodwa langamukela ngokungathi ngiyisithunywa sikaNkulunkulu, ngokungathi nginguKristu Jesu uqobo.

UDutheronomi 21:5

Abapristi, amadodana kaLevi, bazakusondela; ngoba iNkosi uNkulunkulu wenu ibakhethile ukuba bayikhonze, babusise ebizweni layo, lokuba ngamazwi abo kungaqunywa indaba zokuxabana lokutshaya.

UDutheronomi 24:8

Nxa ubulawa yibulephero, qaphelisisa ukuba wenze konke abapristi abangamaLevi abakulaya khona; njengalokhu ngibalaya, qaphela ukuba lawe wenze njalo.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 USamuyeli 2:17

Ngalokhoke lesisono samadodana kaLevi saba sikhulu kakhulu emehlweni eNkosi; ngoba awenza umnikelo weNkosi udeleleke.