UMalaki 2:2 - iBhayibhili Elingcwele 1978

² Uba lingalaleli, uba lingananzi ukulidumisa ibizo lami, kutsho iNkosi yamabandla, ngizalithumela isiqalekiso, ngiphendule izibusiso zenu zibe yiziqalekiso. Yebo, sengisenza njalo, ngoba kalinanzi ukwenza lokho.

IBhayibhili Elingcwele LesiNdebele

² Nxa lingalaleli, njalo nxa lingalungisi inhliziyo zenu ukuhlonipha ibizo lami,” kutsho uThixo uSomandla, “ngizaletha isiqalekiso phezu kwenu, njalo ngiziqalekise izibusiso zenu. Yebo, kuvele nje sengiziqalekisile ngoba kalizimiselanga ezinhliziyweni zenu ukungesaba.

UMalaki 2:2 Mawu Ofanana

AmaHubo 69:22

Ukudla kwabo kakube ngumjibila kibo, leminikelo yabo ibabambe.

Izaga 3:33

Isiqalekiso seNkosi sisendlini yababi, kodwa iyawubusisa umuzi wabalungileyo.

U-Isaya 42:25

Yehlisela phezu kwakhe ukuvutha kolaka lwayo lamandla empi; yamfaka phakathi komlilo, kodwa kaqedisisanga; yamtshisa, kodwa kalalelanga.

U-Isaya 47:7

Wathi: Ngizakuba yinkosikazi kuze kube nininini; kawuzikhathazanga ngalezizinto, kawukhumbulanga ukucina kwazo.

U-Isaya 57:11

Wesaba bani kangaka ukuze uqambe amanga ungangikhumbuli, ungangifaki enhliziyweni yakho na? Kawusangesabi ngoba ngithule okwesikhathi eside na?

UJeremiya 34:17

Ngakhoke kutsho iNkosi: Kalingilalelanga, kalimemezelanga inkululeko, kube yilowo lalowo kumhlobo wakhe lakumakhelwana wakhe; khangelani, sengizavumela impi lomkhuhlane lendlala ukuba kulehlele. Ngizalenza libe yinto eyesabekayo kuyo yonke imibuso yomhlaba.

UHezekhiyeli 3:7

Kodwa abakoIsrayeli kabayikukuzwa, ngoba kabathandi ukungizwa mina; bonke balukhuni, kabezwa.

UHagayi 1:6

Lihlanyele okunengi, lavuna okuyingcosana; liyadla, kodwa kalisuthi; liyanatha, kodwa kalikholwa; ligqoke lingakhudumali, lohola imali uholela ukuyifaka esikhwameni esivuzayo.

UHagayi 1:9

Beliqaphele okunengi, kodwa kube yingcosana elikuzuzileyo; lapho likuletha ekhaya, ngikuphephule konke. Kungani na? kutsho iNkosi yamabandla. Kungenxa yendlu yami elunxiwa, lina lilibele ngezindlu zenu.

UMalaki 2:1

Khathesike nanku owenu umlayo, bapristi.

UMalaki 3:9

Liqalekisiwe ngesiqalekiso, isizwe sonke siqalekisiwe, ngoba liyangiphanga.

ULukha 17:18

Kakho loyedwa yini obengabuya ukunika uNkulunkulu udumo, kuphela lo owezizweni na?

UJoshuwa 7:19

UJoshuwa wasesithi kuAkani: Ndodana yami, inike iNkosi, uNkulunkulu wakoIsrayeli, udumo, uvume isono sakho kuyo; ungitshele lokho okwenzileyo, ungangifihleli.

1 UPhethro 4:11

Uba umuntu ekhuluma, kakhulume ngokungathi ukhuluma amazwi kaNkulunkulu; uba umuntu esebenza, kasebenze ngamandla awanikwa nguNkulunkulu, ukuze uNkulunkulu adunyiswe kukho konke ngoJesu Kristu. Kukhona kuye ubukhosi lamandla kuze kube nininini. Ameni.

Isambulo 14:7

Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

Isambulo 16:9

Abantu batshiswa yikutshisa okukhulu; kodwa balithuka ibizo likaNkulunkulu obelamandla phezu kwalezizifo, kabaphendukanga ukuba bamdumise.