UMalaki 1:9 - iBhayibhili Elingcwele 1978

⁹ Ake lincenge uNkulunkulu ukuba abe lomusa kithi. Uba linika isipho esinjalo, uzakuba lomusa kini na? kutsho iNkosi yamabandla.

IBhayibhili Elingcwele LesiNdebele

⁹ “Ngakho-ke ncengani uNkulunkulu ukuthi abe lobubele kithi. Ngeminikelo enjalo ephuma ezandleni zenu, kambe angalamukela?” kutsho uThixo uSomandla.

UMalaki 1:9 Mawu Ofanana

2 ImiLando 30:27

Basebesukuma abapristi lamaLevi, babusisa abantu; ilizwi labo lezwakala, umkhuleko wabo wafinyelela ezulwini endaweni engcwele kaNkulunkulu.

U-Eksodasi 32:11

Kodwa uMose wayincenga iNkosi uNkulunkulu wakhe wathi; Nkosi, ulaka lwakho lubavuthelelani abantu bakho owabakhupha elizweni laseGibithe ngamandla amakhulu langesandla esiqinileyo na?

UJeremiya 26:19

Kambe inkosi yakoJuda uHezekiya labo bonke abakoJuda bambulala yena yini? Angithi bayesaba iNkosi, bayincenga, kayiyekelanga yini iNkosi ukukwenza okubi eyayikukhulume ngabo na? Sizakwehlisela phezu kwethu ububi obukhulu na?

UJeremiya 27:18

Uba bengabaprofethi, belalo ilizwi leNkosi, kabayincenge iNkosi yamabandla, ukuba izitsha eziseleyo ethempelini, lesigodlweni senkosi yakoJuda, laseJerusalema, zingasiwa eBabiloni.

Izililo 2:19

Vuka, ukhale ebusuku, ekuqaleni kwemilindo, uvule inhliziyo yakho yonke phambi kweNkosi, uphakamisele izandla zakho kuyo, ngenxa yokuphila kwabantwana bakho, ababulawa yindlala ekuhlanganeni kwendlela zonke.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UJoweli 2:17

Abapristi, izikhonzi zeNkosi, kabakhale phakathi komkoto lealtare, bathi: Bahawukele abantu bakho, Nkosi, ungabenzi babe yinhlamba, lesiga phakathi kwezizwe. Bazakutsholoni phakathi kwezizwe ukuthi: Ungaphi uNkulunkulu wabo na?

uAmosi 5:22

Lanxa linikela kimi iminikelo yenu yokutshiswa kanye leyempuphu, kangiyikuyamukela, leminikelo yenu yokuthula eyezinkomo ezinonileyo kangiyikuyinanza.

UJohane 9:31

Siyazi ukuthi uNkulunkulu kazizwa izoni, kodwa uba umuntu engokhonza uNkulunkulu, esenza intando yakhe, uNkulunkulu uyamuzwa lowo.

AbaseRoma 2:11

Ngoba uNkulunkulu kakhethi muntu;

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.