UMalaki 1:4 - iBhayibhili Elingcwele 1978

⁴ Uba abakoEdoma, abantwana bakaEsawu, besithi: Imizi yethu ichithiwe, kodwa sizabuya siyakhe; iNkosi yamabandla ithi: Bangakha, kodwa mina ngizadilizela phansi, baze babizwe ngokuthi yilizwe elibi, labantu iNkosi ebathukutheleleyo kokuphela.

IBhayibhili Elingcwele LesiNdebele

⁴ U-Edomi angathi, “Kungaze kube sinyathezelwe phansi kodwa sizawavuselela amanxiwa.” Kodwa nanku okutshiwo nguThixo uSomandla, uthi: “Bangakha, kodwa ngizadiliza. Bazakuthiwa Yilizwe Elibi, abantu abazahlala bethukuthelelwe nguThixo.

UMalaki 1:4 Mawu Ofanana

UJobe 12:14

Uba ediliza, kakho ongakha futhi; uba evalela umuntu, kakho ongamvulela.

UJobe 34:29

Lapho yena ethula, ngubani ongamlahla na? Lalapho efihla ubuso bakhe, ngubani ongambona na?

UJobe 9:4

Ulenhliziyo ehlakaniphileyo, ulamandla amakhulu. Ngubani ongamelana laye aphumelele na?

AmaHubo 127:1

Uba iNkosi ingayakhi indlu, basebenzela ize abayakhayo. Uba iNkosi ingawulondolozi umuzi, kuyize ukulinda komlindi.

AmaHubo 137:7

Khumbula, Nkosi, ukuthi amaEdoma enzani ngosuku lokuthathwa kweJerusalema, lokuthi athi: Lidilizeni, lidilizeni, kuze kube sesisekelweni salo.

AmaHubo 33:10

INkosi ichitha icebo lezizwe, iphuthisa imicabango yabantu.

Izaga 21:30

Ukuhlakanipha lokuqedisisa lokweluleka kakusilutho phambi kweNkosi.

U-Isaya 10:4

Okwenu yikuba liguqe phakathi kwabathunjiweyo, lilale phakathi kwababuleweyo. Kukho konke lokhu ukuthukuthela kwayo kakupheli, isiphakamisile isandla sayo sokutshaya futhi.

U-Isaya 11:14

Kodwa bazakwehlela ewatheni lelizwe lamaFilistiya ngasentshonalanga, kanyekanye baphange abantu basempumalanga. Bazakunqoba iEdoma leMowabi, babuse amaAmoni,

U-Isaya 34:10

Lizakutsha ebusuku lemini, kaliyikucima, lentuthu yalo izakuthunqa kokuphela. Lizakuba yinkangala ezizukulwaneni zonke, kakulamuntu ozadabula phakathi kwalo kuze kube nininini.

U-Isaya 34:5

Umkhonto weNkosi uyabonakala ezulwini, uzakwehlela phezu kukaEdoma ngokwahlulela, phezu kwabantu ebanikele ekubulaweni.

UJeremiya 31:17

Kuzakulunga esikhathini esizayo, kutsho iNkosi; abantwana bakho bazabuya elizweni lakibo.

UJeremiya 49:20

Ngakho, zwanini icebo iNkosi elenzayo ngeEdoma, lemikhumbulo elayo ngabantu abahlala eTemani ukuthi: Abancinyane bomhlambi bazadonswa basuswe; lendawo yabo imangale ngokuphela kwabo.

UJeremiya 49:7

Mayelana leEdoma. INkosi yamabandla ithi: Kakusekho yini ukuhlakanipha eTemani? Amacebo aphelile kwabaqondileyo na? Ukuhlakanipha kwabo kuphelile na?

UJeremiya 49:8

Balekani, libuyele emuva, licatshe endaweni eziminyeneyo, lina bahlala eDedani. Ngoba ngizakwehlisela inhlupheko phezu kukaEsawu ngesikhathi sokumtshaya kwami.

UJeremiya 5:17

Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

Izililo 3:37

Ngubani ongalawula, kwenzeke, nxa iNkosi ikwalile na?

UHezekhiyeli 11:10

Lizabulawa yimpi, ngilithonisise emikhawuleni yakoIsrayeli; lizakwazi ukuba ngiyiNkosi.

UHezekhiyeli 25:13

ngalokho iNkosi uNkulunkulu ithi: Ngizaphakamisela isandla sami ngakilo iEdoma, ngiqede kilo abantu lezinyamazana, ngilenze libe yinkangala; kusukela eTemani kuze kufike eDedani bazabulawa yimpi.

UHezekhiyeli 25:14

Ngizaphindisela kulo iEdoma ngesandla sabantu bami uIsrayeli, benze kilo okufanele ukuthukuthela kwami lolaka lwami; bazakwazi impindiselo yami, kutsho iNkosi uNkulunkulu.

UHezekhiyeli 26:14

Ngizakukwenza ube lidwala elingelalutho, indawo yokuchaya amambule, ungaphindi wakhiwe futhi; ngoba mina Nkosi ngikhulumile, kutsho iNkosi uNkulunkulu.

UHezekhiyeli 35:4

Ngizachitha imizi yakho, uzakuba yinkangala; uzakwazi ukuba ngiyiNkosi.

UHezekhiyeli 35:9

Ngizakukwenza ube yinkangala engelakuphela, kungahlali muntu emizini yakho. Ng’khona uzakwazi ukuba ngiyiNkosi.

uAmosi 1:11

INkosi ithi: Ngenxa yeziphambeko ezinengi zamaEdoma kangiyikuwayekela, ngoba axotshana labafowabo ngomkhonto, aswela isihawu, lolaka lwawo lwavutha njalonjalo, ahlala ethukuthela kokuphela.

uAmosi 3:15

Ngizatshaya indlu yasebusika lendlu yasehlobo, izindlu zempondo zendlovu zizadilika, lezindlu ezinengi ziwohloke; kutsho iNkosi.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

uAmosi 6:11

Ngoba ngokulaya kweNkosi, indlu enkulu izakuba yizihlephu, lencinyane ibe yizicucu.

uAmosi 6:2

Dlulelani eKaline libone, lisuke lapho liye eHamathi elikhulu, beselisehlela eGathi lamaFilistiya. Bona bangcono kulalimibuso na? ilizwe labo likhulu kulelizwe lenu na?

uObadiya 1:1

Lo ngumbono kaObadiya. INkosi uNkulunkulu ithi ngoEdoma: Sizwile imibiko evela eNkosini, kuthunywe isithunywa phakathi kwezizwe ukuba sithi: Vukani, simvukele silwe laye!

uObadiya 1:10

Ngenxa yesihluku esenziwa kumfowenu uJakobe uzabanjwa zinhloni, uchithwe uphele nya.

UMalaki 1:3

uEsawu ngamzonda; ngalichitha ilizwe lakhe elilamaqaqa, lelifa lakhe ngalinika amakhanka asenkangala.

UMatewu 12:30

Ongelami umelene lami; ongabuthi lami uyachitha.