ULevi 8:7 - iBhayibhili Elingcwele 1978

⁷ UAroni wamambathisa ibhatshi, wambopha ngebhanti, wamgqokisa isigqoko lengubo yamahlombe, wambopha ngebhanti elalukiweyo lengubo yamahlombe, wayibophela kuye ngalo.

IBhayibhili Elingcwele LesiNdebele

⁷ Wagqokisa u-Aroni ibhatshi, wasemgaxa ibhanti, wamgqokisa isembatho semahlombe, waphinda wabopha isembatho semahlombe ngozwezwe lwaso olwelukwe ngobungcitshi; walibophela kuye.

ULevi 8:7 Mawu Ofanana

U-Eksodasi 28:2

Umenzele uAroni umfowenu izambatho ezingcwele, ezobukhosi lezokucecisa.

U-Eksodasi 28:4

Yilezi izambatho abazakuzenza; ingubo yesifuba lengubo yamahlombe, lesigqoko, lebhatshi elilamabala, leqhiye, lebhanti; bamenzele uAroni umfowenu lamadodana akhe izambatho ezingcwele ukuba babe ngabapristi bokuphatha umsebenzi wami.

U-Eksodasi 28:6

bayenze ingubo yamahlombe ngelembu elihle lentambo ephothiweyo yegolide leluhlaza leyibubende lebomvu, kube ngumsebenzi wengcitshi.

U-Eksodasi 29:5

uthathe izambatho, ugqokise uAroni ibhatshi, lesambatho esiyingubo yamahlombe, lengubo yamahlombe, lengubo yesifuba, umbophe ngebhanti elalukiweyo lengubo yamahlombe,

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

UHezekhiyeli 42:14

Lapho abapristi bengena endaweni engcwele, kabayikuphumela egumeni elingaphandle bengazibekanga lapho izambatho abakhonza ngazo, ngoba lezi zingcwele. Bazagqoka ezinye izambatho bengakasondeli eduze lalokho okungokwabantu.

AbaseRoma 13:14

Kodwa yambathani iNkosi uJesu Kristu; lingananzeleli ngokusuthisa inkanuko zomzimba.

AbaseRoma 3:22

ngitsho ukulunga kukaNkulunkulu okungokukholwa kuKristu kibo bonke abakholwayo. Ngoba kawukho umahluko.

AbaseGalathiya 3:27

Lonke elabhaphathizelwa kuKristu lambethe uKristu.

1 USamuyeli 2:28

Ngamkhetha yena kuzo zonke izizwe zakoIsrayeli ukuba abe ngumpristi wami, aye ealtareni lami, atshise impepha, agqoke ingubo yamahlombe phambi kwami; ngayinika indlu kayihlo yonke iminikelo yokutshiswa yabantu bakoIsrayeli.