ULevi 7:34 - iBhayibhili Elingcwele 1978

³⁴ Ngoba isifuba esizunguzwayo lomlenze onikelwayo ngikuthethe ebantwini bakoIsrayeli, emihlatshelweni yeminikelo yabo yokuthula, ngakunika uAroni umpristi lamadodana akhe; lokhu kuyisimiso esingelakuphela kubantu bakoIsrayeli ezizukulwaneni zabo.

IBhayibhili Elingcwele LesiNdebele

³⁴ Ngithethe isifuba esizunguzwayo kanye lomlenze onikelwayo emnikelweni wobudlelwano wabako-Israyeli ngapha u-Aroni umphristi kanye lamadodana akhe njengesabelo sabo sezikhathi zonke esivela kwabako-Israyeli.’ ”

ULevi 7:34 Mawu Ofanana

U-Eksodasi 29:26

Uzathatha isifuba senqama yokugcotshwa kukaAroni, usizunguze ukuba sibe ngumnikelo wokuzunguzwa phambi kweNkosi, sibe yisabelo sakho.

U-Eksodasi 29:9

Ubabophe ngamabhanti uAroni lamadodana akhe, ubathwalise izingowane, baphathe ubupristi ngesimiso esingapheliyo. Ngalindlela uzakugcoba uAroni lamadodana akhe.

ULevi 3:17

Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

ULevi 7:33

Leyondodana kaAroni enikela ngegazi leminikelo yokuthula lamahwahwa izakuzuza umlenze wokunene ube yisabelo sayo.

AmaNani 5:9

Yonke iminikelo, zonke izinto ezingcwele zabakoIsrayeli abaziletha kumpristi, zizakuba ngezakhe.

AmaNani 6:20

umpristi akuzunguze kube ngumnikelo wokuzunguzwa phambi kweNkosi; ngoba kuyisabelo esingcwele sompristi kanye lesifuba esizunguziweyo lomlenze onikelweyo. Emva kwalokhu umNaziri anganatha iwayini.

AmaNani 8:11

loAroni anikele amaLevi eNkosini, abe yisipho esikhulu esivela ebantwini bakoIsrayeli, ukuba abe yilabo abawenzayo umsebenzi weNkosi.

UDutheronomi 18:3

Abantu abanikela umhlatshelo, inkabi loba imvu, bamele ukumnika umpristi umkhono lemihlathi yomibili lolusu.