ULevi 5:2 - iBhayibhili Elingcwele 1978

² Uba umuntu ethinta into engcolileyo, engakwazi, loba iyisidumbu senyamazana engcolileyo, loba isidumbu senkomo engcolileyo, ingabe isidumbu salokho okuhuquzelayo okungcolileyo, ungcolile, ngakho ulecala.

IBhayibhili Elingcwele LesiNdebele

² Loba nxa umuntu angathinta ulutho olungabe lungcolile ngokomkhuba (kungaba yizidumbu zezinyamazana zeganga ezingcolileyo kumbe ezezifuyo ezingcolileyo kumbe ezezidalwa ezingcolileyo ezihamba emhlabathini) lanxa engananzelele ngalokho, uyabe esengcolile njalo eselecala.

ULevi 5:2 Mawu Ofanana

AmaHubo 19:12

Kodwa ngubani owazi iziphosiso zakhe na? Ngithethelela, Nkosi, kwezisithekileyo.

U-Isaya 52:11

Phumani, phumani kulo iBabiloni, lingathinti okungcolileyo; phumani phakathi kwalo, lizigcine lihlambulukile, lina eliphatha izitsha zeNkosi.

ULevi 11:11

Zizakuhlala zingcolile kini; lingadli inyama yazo; izidumbu zazo zizakunengeka kini.

ULevi 11:8

Lingabokudla inyama yazo, lingathinti izidumbu zazo; zingcolile kini.

ULevi 4:13

Uba lonke ibandla lakoIsrayeli lisona, lingoni ngabomu, lesono sifihlelwe abantu, benze lokho iNkosi elaye ngakho ukuthi bangakwenzi, babe lecala,

ULevi 5:17

Uba umuntu esona, esenza lokho iNkosi elaye ngakho ukuthi umuntu angakwenzi lanxa engakwazi, ulecala, njalo uzathwala ububi bakhe.

ULevi 5:3

Uba ethinta okungcolileyo komuntu, loba kuyini okungcolisayo umuntu, engazi akwenzileyo, lapho esekwazi uzakuba lecala.

ULevi 5:4

Uba umuntu efunga ngamawala ukwenza okubi loba okuhle, loba kuyini umuntu angafunga ngakho ngamawala, engakwazi, lapho esekwazi uzakuba lecala kulokho.

ULevi 7:21

Uba umuntu ethinta into engcolileyo, loba umuntu ongcolileyo, loba inyamazana engcolileyo, ingabe into engcolileyo eyisinengiso, abesesidla inyama yomhlatshelo weminikelo yokuthula eyeNkosi, lowo uzakukhutshwa ebantwini bakibo.

UHagayi 2:13

Wasesithi uHagayi: Uba umuntu ongcoliswe yisidumbu ethintana lalezizinto, ziyangcola na? Abapristi bamphendula bathi: Yebo, ziyangcola.

AmaNani 19:22

Lokho umuntu ongcolileyo akuthintayo kuzakuba ngokungcolileyo; lalowo okuthintayo uzakuba ngongcolileyo kuze kuhlwe.

ULukha 11:44

Maye kini! ngoba lifana lamaliba angasabonakaliyo, labantu bahambe phezu kwawo bengawazi.

2 AbaseKhorinte 6:17

Ngakhoke phumani phakathi kwabo, lahlukane labo, kutsho iNkosi; lingathinti okungcolileyo; ng’khonake ngizakulamukela.

UDutheronomi 14:8

lengulube ingcolile kini, ngoba idabule amangqina kodwa kayetshisi. Lingabokudla inyama yazo, lingathinti izidumbu zazo.