ULevi 4:7 - iBhayibhili Elingcwele 1978

⁷ Umpristi aninde igazi empondweni zealtare lempepha elephunga elimnandi phambi kweNkosi, elisethenteni lokuhlangana, athululele lonke igazi eliseleyo phansi ngasealtareni lomnikelo wokutshiswa, elingasemnyango wethente lokuhlangana.

IBhayibhili Elingcwele LesiNdebele

⁷ Umphristi uzafaka elinye igazi empondweni ze-alithare lempepha elephunga elimnandi eliphambi kukaThixo ethenteni lokuhlangana. Igazi lenkunzi eliseleyo uzalithela phansi kwe-alithari lomnikelo wokutshiswa, esangweni lethente lokuhlangana.

ULevi 4:7 Mawu Ofanana

AmaHubo 118:27

INkosi inguNkulunkulu, yona isinikile ukukhanya. Qalisani ukugida, lizunguze ingatsha, libhode ialtare.

U-Eksodasi 29:12

uthathe igazi lenkunzi, ulininde empondweni zealtare ngomunwe wakho, uthululele lonke igazi eliseleyo phansi ngasealtareni.

ULevi 1:5

Kayihlabe inkunzi phambi kweNkosi; amadodana kaAroni angabapristi azathatha igazi, alikhaphazele ealtareni, inxa zonke elingasemnyango wethente lokuhlangana.

ULevi 16:18

uzakuphumela ealtareni eliphambi kweNkosi, alenzele lalo indlela yokubuyisana, athathe igazi lenkunzi legazi lempongo, alininde empondweni zealtare inxa zonke;

ULevi 4:18

aninde igazi empondweni zealtare elisethenteni lokuhlangana, phambi kweNkosi, athululele lonke igazi eliseleyo phansi kwealtare lomnikelo wokutshiswa, elingasemnyango wethente lokuhlangana.

ULevi 4:25

Umpristi athathe igazi lomnikelo wesono ngomunwe wakhe, alininde empondweni zealtare lomnikelo wokutshiswa, athululele lonke igazi lawo eliseleyo phansi kwealtare lomnikelo wokutshiswa.

ULevi 4:30

Umpristi athathe igazi lawo ngomunwe wakhe, alininde empondweni zealtare lomnikelo wokutshiswa, athululele lonke igazi lawo eliseleyo phansi kwealtare.

ULevi 4:34

Umpristi kathathe igazi lomnikelo wesono ngomunwe wakhe, alininde empondweni zealtare lomnikelo wokutshiswa, athululele lonke igazi lawo eliseleyo phansi ngasealtareni.

ULevi 5:9

afafaze uhlangothi lwealtare ngegazi lomnikelo wesono, legazi eliseleyo lithululelwe phansi kwealtare; lokhu kungumnikelo wesono.

ULevi 6:30

Kodwa kakungadliwa umnikelo wesono okungeniswa igazi lawo ethenteni lokuhlangana ukuba kwenziwe ukubuyisana endaweni engcwele; kawutshiswe ngomlilo.

ULevi 8:15

UMose wayihlaba, wathatha igazi, walininda ngomunwe wakhe empondweni zealtare inxa zonke, wahlambulula ialtare, wathululela igazi phansi kwealtare, walahlukanisela iNkosi ukuba alenzele indlela yokubuyisana.

ULevi 9:9

Amadodana kaAroni amnika igazi, wacwilisa umunwe wakhe kulo, walininda empondweni zealtare, walithululela phansi kwealtare;

Abase-Efesu 2:13

Kodwa khathesi kuKristu Jesu lina elalikhatshana selilethwe eduze ngegazi likaKristu.

AmaHebheru 9:15

Ngakhoke ungumlamuli wesivumelwano esitsha, kuze kuthi ngokufa okungenxa yokukhululwa eziphambekweni ezenziweyo esivumelwaneni sokuqala ababiziweyo bazuze ilifa elingapheliyo elathenjiswayo.

AmaHebheru 9:21

Ngokunjalo wafafaza futhi ithente lezitsha zonke ezisetshenziswa enkonzweni.

Isambulo 6:9

Lalapho livula uphawu lwesihlanu, ngabona ngaphansi kwealtare imiphefumulo yalabo ababebulewe ngenxa yelizwi likaNkulunkulu langenxa yobufakazi ababelabo.