ULevi 4:12 - iBhayibhili Elingcwele 1978

¹² yonke inkunzi uzakuyikhuphela ngaphandle kwezihonqo, endaweni ehlambulukileyo, lapho kulahlwa khona umlotha, ayitshise ngezinkuni.

IBhayibhili Elingcwele LesiNdebele

¹² okutsho ingxenye yonke yenkunzi, kumele akukhuphele phandle kwezihonqo endaweni ehlanzekileyo ngokomkhuba, lapho okuchithelwa khona umlotha, abesekutshisela emlilweni wenkuni oyabe usenqumbini yomlotha.

ULevi 4:12 Mawu Ofanana

U-Eksodasi 29:14

Kodwa inyama yenkunzi lesikhumba sayo lomswane wayo ukutshise ngomlilo ngaphandle kwezihonqo, ngoba kungumnikelo wesono.

UHezekhiyeli 43:21

Uthathe inkunzi yomnikelo wesono, uyitshise endaweni elungisiweyo yethempeli ngaphandle kwendawo engcwele.

ULevi 13:46

Uzakuhlala engcolile sonke isikhathi sesifo sakhe; ungcolile, ngakho uzakuhlala yedwa endaweni engaphandle kwezihonqo.

ULevi 16:27

Inkunzi yomnikelo wezono lempongo yomnikelo wesono, elangeniswa igazi lazo ukwenza indlela yokubuyisana endaweni engcwele, zizakhutshelwa ngaphandle kwezihonqo; izikhumba zazo, lenyama yazo, lomswane wazo kutshiswe ngomlilo.

ULevi 4:21

Uzakuyikhuphela inkunzi ngaphandle kwezihonqo, ayitshise njengalokho wayitshisa inkunzi yokuqala; lokhu kungumnikelo wesono webandla.

ULevi 6:23

Yonke iminikelo yempuphu yompristi izakutshiswa, ingadliwa.

ULevi 6:30

Kodwa kakungadliwa umnikelo wesono okungeniswa igazi lawo ethenteni lokuhlangana ukuba kwenziwe ukubuyisana endaweni engcwele; kawutshiswe ngomlilo.

ULevi 6:4

kuzakuthi nxa esenza njalo, abe lecala, uzabuyisa lokho akuphangileyo, loba lokho owakuzuza ngokucindezela, loba lokho okwanikezwa kuye ukuba akulondoloze, loba lokho obekulahlekile akufumeneyo,

ULevi 8:17

Kodwa inkunzi, lesikhumba sayo, lenyama yayo, lomswane wayo wakutshisa ngomlilo ngaphandle kwezihonqo, njengalokhu iNkosi imlayile.

ULevi 9:11

Watshisa inyama lesikhumba ngomlilo ngaphandle kwezihonqo.

AmaNani 15:35

INkosi yathi kuMose: Lowomuntu kabulawe; lonke ibandla kalimkhande ngamatshe ngaphandle kwezihonqo.

AmaNani 19:3

lilinike uEleyazare umpristi, likhutshelwe ngaphandle kwezihonqo, lihlatshwe phambi kwakhe.

AmaNani 19:5

Ithokazi litshiswe phambi kwakhe; kutshiswe isikhumba salo lenyama yalo, legazi lalo, lomswane walo.

AmaNani 5:3

Khuphelani ngaphandle kwezihonqo abesilisa labesifazana ukuba bangangcolisi izihonqo engihlala phakathi kwazo.

AmaHebheru 13:11

Izidumbu zalezozinyamazana, igazi lazo elingeniswa ngumpristi omkhulu endaweni engcwele ngenxa yezono, zitshiswa ngaphandle komuzi.