ULevi 3:5 - iBhayibhili Elingcwele 1978

⁵ Amadodana kaAroni azakukutshisa ealtareni kanye lomnikelo wokutshiswa phezu kwenkuni ezisemlilweni; kungumnikelo owenziwe ngomlilo olephunga elimnandi eNkosini.

IBhayibhili Elingcwele LesiNdebele

⁵ Ngakho amadodana ka-Aroni azakutshisela e-alithareni, phezu komnikelo wokutshiswa ophezu kwenkuni ezibhebhayo njengomnikelo owenziwa ngomlilo, uqhatshi olumnandi kuThixo.

ULevi 3:5 Mawu Ofanana

1 AmaKhosi 8:64

Ngalona lolosuku uSolomoni wayahlukanisela iNkosi indawo ephakathi kweguma elalingaphambi kwethempeli, ngoba lapho wanikela iminikelo yokutshiswa leminikelo yempuphu, lamahwahwa eminikelo yokuthula, ngoba ialtare lethusi elaliphambi kweNkosi lalilincinyane kakhulu ukutshisela kulo umnikelo wokutshiswa lomnikelo wempuphu lamahwahwa eminikelo yokuthula.

2 ImiLando 35:14

Ngemva kwalokho basebezilungisela bona labapristi, ngoba abapristi abakoAroni babebambekile ekunikeleni iminikelo yokutshiswa kanye lamahwahwa kwaze kwahlwa; ngakho amaLevi azilungisela wona labapristi bakoAroni.

U-Eksodasi 29:13

Uzathatha lonke idanga lemibilini, lamahwahwa angaphezu kwesibindi, lezinso zombili lamahwahwa azo, ukutshise ealtareni.

UHezekhiyeli 44:15

Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:17

ayidonse ngamaphiko, kodwa angayidabuli; umpristi ayitshise ealtareni, phezu kwenkuni ezisemlilweni, kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:9

Imibilini yayo lemilenze yayo kayigeziswe ngamanzi; umpristi akutshise konke ealtareni kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 3:11

Umpristi uzakukutshisa ealtareni kube yikudla, kube ngumnikelo owenzelwe iNkosi ngomlilo.

ULevi 3:4

lezinso zombili lamahwahwa azo angasezinkalweni, lamahwahwa angaphezu kwesibindi ozakuwasusa lezinso.

ULevi 4:31

Wonke amahwahwa awo uzakuwasusa, njengalokhu amahwahwa esuswa kuwo umhlatshelo weminikelo yokuthula, umpristi awatshise ealtareni abe liphunga elimnandi eNkosini. Ngalokho umpristi uzamenzela indlela yokubuyisana, athethelelwe.

ULevi 4:35

Wonke amahwahwa awo uzakuwasusa njengalokhu amahwahwa emvu esuswa kuwo umhlatshelo weminikelo yokuthula, umpristi awatshise ealtareni phezu kweminikelo eyenzelwe iNkosi ngomlilo. Ngalokho umpristi uzamenzela indlela yokubuyisana ngesono asenzileyo, athethelelwe.

ULevi 6:12

Umlilo ophezu kwealtare uzakuvutha njalo, ungacimi; zonke insuku ekuseni umpristi uzakuwukhwezela afake inkuni, abeke kuhle umnikelo wokutshiswa phezu kwealtare, atshise kulo amahwahwa eminikelo yokuthula.

ULevi 7:28

INkosi yathi kuMose:

ULevi 9:17

Waseletha umnikelo wempuphu, wagcwalisa isandla sakhe ngawo, wawutshisa ealtareni kanye lomnikelo wokutshiswa wasekuseni.

AmaNani 15:8

Nxa lilungisa inkunzi ibe ngumnikelo wokutshiswa loba ngumhlatshelo, owokugcwalisa isithembiso, ingabe kube yiminikelo yokuthula eNkosini,

AmaNani 18:17

Kodwa izibulo lenkomo lezibulo lemvu, lezibulo lembuzi ungawahlengi, ngoba angcwele. Uzakukhaphazela igazi lawo ealtareni, utshise amahwahwa awo abe ngumnikelo owenziwe ngomlilo, kube liphunga elimnandi eNkosini.

AmaNani 28:12

lengxenye yehefa lempuphu ecolekileyo kube ngumnikelo wempuphu ixubene lamafutha, ngaleyo laleyonkunzi, kanye lokwetshumi okubili kwempuphu ecolekileyo kube ngumnikelo wempuphu, ixubene lamafutha ngenqama eyodwa,

AmaNani 28:3

Uthi kibo: Lo ngumnikelo owenziwe ngomlilo elizakuwunikela eNkosini; amawundlu amabili amaduna alomnyaka munye, angelasici, linikele ngawo insuku ngensuku.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.