ULevi 27:9 - iBhayibhili Elingcwele 1978

⁹ Uba kuyinyamazana okunganikelwa ngayo eNkosini, konke okunje okunikelwa ngakho eNkosini kungcwele.

IBhayibhili Elingcwele LesiNdebele

⁹ Nxa lokho akufungelayo kuyisifuyo esamukelekayo njengomnikelo kuThixo, isifuyo esinikelwe kanjalo kuThixo siba ngcwele.

ULevi 27:9 Mawu Ofanana

Izaga 20:25

Kuyingozi ukuba umuntu anikele isiphiwo ngokungananzeleli, lokuba afunge izifungo, abesezisola ngalokho.

UmTshumayeli 5:6

Ungavumeli ulimi lwakho lukungenise esonweni, ubususithi phambi kukaNkulunkulu bekuyisiphosiso; uNkulunkulu angakuthukuthelela ngamazwi akho, achithe lemisebenzi yakho yonke.

UHezekhiyeli 48:14

Kabayikusithengisa, loba benanise ngaso, kabayikusinika abanye lesisigaba esihle selizwe, ngoba singcwele eNkosini.

ULevi 27:10

Umuntu angathathi okunye endaweni yayo, futhi angenaniseli ngayo, loba enhle ngembi loba embi ngenhle. Uba usenaniselana lomunye inyamazana ngenyamazana, zombili zizakuba ngcwele.

ULevi 27:8

Uba umuntu othembisileyo engumyanga, esehluleka ukunika ngokunjalo, uzakuletha lowomuntu kumpristi; umpristi uzakumlinganisa njengokwamandla akhe owathembisayo.

ULevi 5:15

Uba umuntu esenza isiphambeko mayelana lezinto ezingcwele afanele ukuba azinikele eNkosini, kodwa angoni ngabomu, kalethe umnikelo wakhe wecala, athathe emhlambini inqama engelasici, elentengo yamashekeli esiliva ngokweshekeli lendlu engcwele, ibe ngumnikelo wecala.

UMatewu 15:5

Kodwa lina lithi: Aluba umuntu esithi kuyise ingabe kunina: Lokho obungasizwa yimi ngakho kungumnikelo; kakusaswelekanga ukuba ahloniphe uyise ingabe unina.