ULevi 26:41 - iBhayibhili Elingcwele 1978

⁴¹ Lami ngizahamba ngokuphambene labo, ngibase elizweni lezitha zabo; ng’khona inhliziyo zabo ezingcolileyo zizakuzithoba, bavume ukutshaywa ngenxa yobubi babo.

IBhayibhili Elingcwele LesiNdebele

⁴¹ okwenza lami ngaba yisitha kubo ngaze ngabasa elizweni lezitha zabo, kuthi lapho inhliziyo zabo ezingasokwanga sezithobekile, behlawulela lezono zabo futhi,

ULevi 26:41 Mawu Ofanana

1 AmaKhosi 21:29

Ubonile yini ukuthi uAhabi uzithobe njani phambi kwami na? Ngoba ezithobile phambi kwami kangiyikwehlisa lobobubi ensukwini zakhe, kodwa ensukwini zomntanakhe.

2 ImiLando 12:12

Isizithobile, ulaka lweNkosi uNkulunkulu lwadeda kuyo ukuze ingayibhubhisi; futhi izinto zasezilungile koJuda.

2 ImiLando 32:26

UHezekiya wasezithoba ngenxa yokuziphakamisa kwenhliziyo yakhe, yena labaseJerusalema, ngakho ulaka lweNkosi kalwehlelanga kibo futhi ensukwini zikaHezekiya.

2 ImiLando 33:19

Umkhuleko wakhe, lokuthi uNkulunkulu wakwamukela kanjani ukuncenga kwakhe, lesono sakhe sonke, lokungathembeki kwakhe, lezindawo amisa kuzo indawo eziphakemeyo zokukhonzela, lensika zikankulunkulukazi uAshera, lezithombe, engakazithobi, konke kulotshiwe ogwalweni lwezindaba zababoni.

2 ImiLando 33:23

Kazithobanga phambi kweNkosi njengoyise uManase, kodwa uAmoni lo wenza amacala ngamacala.

U-Ezra 9:13

Ngemva kwakho konke okusehleleyo ngenxa yezenzo zethu ezimbi langenxa yesono sethu esikhulu, lanxa wena Nkulunkulu wethu usitshaye ngokungalingani lezono zethu, wasiyekela siyingcosana enje,

U-Ezra 9:15

Nkosi, Nkulunkulu kaIsrayeli, wena ulungile, usitshiyile siyingcosana ephunyukileyo njengalamhlanje. Sesikhona phambi kwakho lezono zethu: ngenxa yazo kakho loyedwa ongema phambi kwakho.

UNehemiya 9:33

Wena ubulungile kukho konke okusehleleyo, wena ubuthembekile, thina senza okubi;

AmaHubo 39:9

Ngiyathula, kangivuli umlomo wami, ngoba nguwe okwenzileyo.

U-Eksodasi 10:3

UMose loAroni baya kuFaro bathi kuye: INkosi, uNkulunkulu wamaHeberu, ithi: Koze kube nini usala ukuzithoba phambi kwami na? Vumela abantu bami ukuba bahambe, bayengikhonza.

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

UJeremiya 6:10

Ngizakhuluma lobani ngimxwayise ukuba bezwe na? Indlebe zabo zivalekile, kabalakulalela; ilizwi leNkosi liyinhlekisa kibo, kalibathokozisi.

UHezekhiyeli 14:23

Kuzakukutshengisa ukuthi kufanele nxa usubonile ukwenza kwabo lalokho abakwenzileyo, ngoba uzakwazi ukuthi kangikwenzanga lokhu kibo ngaphandle kwesizatho, kutsho iNkosi uNkulunkulu.

UHezekhiyeli 20:43

Laphoke lizakhumbula indlela zenu lezenzo zenu zonke elazingcolisa ngazo; lizazizonda ngenxa yazo zonke izinto ezimbi elazenzayo.

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

UHezekhiyeli 44:9

Ngalokho iNkosi uNkulunkulu ithi: Kakulamuntu wezizwe ongasokanga enhliziyweni lenyameni kubo bonke abezizwe abaphakathi kwabakoIsrayeli ozangena endlini yami engcwele.

UHezekhiyeli 6:9

Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

ULevi 26:24

lami ngizahamba ngokuphambene lani, ngilitshaye kasikhombisa ngenxa yezono zenu.

ULevi 26:28

lami ngizakuhamba ngokuphambene lani ngilolaka, ngilitshaye kasikhombisa ngenxa yezono zenu.

AmaNani 5:7

uzakuvuma isono sakhe asenzileyo, ahlawule icala lakhe ngokupheleleyo, abesesengezelela okwesihlanu, anike lowomuntu amenzele okubi.

UMatewu 23:12

Lowo oziphakamisayo uzakuthotshiswa, lalowo ozithobayo uzakuphakanyiswa.

ULukha 14:11

Ngoba ilowo lalowo oziphakamisayo uzakuthotshiswa; lozithobayo uzakuphakanyiswa.

ULukha 18:14

Ngithi kini: Lumuntu wehlela endlini yakhe elungisisiwe emehlweni kaNkulunkulu kulalowo omunye. Ngoba ilowo lalowo oziphakamisayo uzakuthotshiswa, kodwa ozithobayo uzakuphakanyiswa.

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 31:21

Nxa sebehlelwe ngokubi okunengi lenhlupheko ezinengi, lingoma izakuba yibufakazi phambi kwabo; ngoba kayiyikukhohlakala emilonyeni yenzalo yabo. Ngiyawazi amacebo asebewenza khathesi, ngingakabangenisi elizweni engathembisa ukubanika lona.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseKholose 2:11

Lasokelwa kuye ngokusoka okungenziwanga ngezandla, kodwa okulikhulula emandleni omzimba; lokhu kuyikusoka kukaKristu.