ULevi 26:4 - iBhayibhili Elingcwele 1978

⁴ ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

IBhayibhili Elingcwele LesiNdebele

⁴ ngizalehlisela izulu ngesikhathi salo, umhlabathi uthele amabele, lezihlahla zeganga zithele izithelo zazo.

ULevi 26:4 Mawu Ofanana

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

UJobe 5:10

Yena unisa izulu emhlabeni, athumele amanzi emasimini,

AmaHubo 104:13

Uthelela izintaba ngamanzi avela endlini yakho ephezulu; umhlaba ugcwala izithelo zemisebenzi yakho.

AmaHubo 67:6

Umhlaba uthelile izithelo zawo; uNkulunkulu, uNkulunkulu wethu usibusisile.

AmaHubo 67:7

UNkulunkulu usibusisile, kabamesabe abantu endaweni zonke.

AmaHubo 68:9

Walinisa izulu elikhulu, Nkulunkulu, walivuselela ilizwe lakho selichitheka;

AmaHubo 85:12

Yebo, iNkosi izakuveza okuhle, lelizwe lakithi lizakuthela izithelo zalo.

AmaHubo 85:13

Ukulunga kuzakuhamba phambi kwayo, kwenzele inyawo zayo indlela.

U-Isaya 30:23

Izakunisela izulu inhlanyelo yenu eliyihlanyela emhlabathini, ilinike amabele, inala enkulu lenhle kakhulu. Ngalesosikhathi inkomo zenu zizakudla emadlelweni abanzi;

U-Isaya 5:6

Ngizasenza sibe liganga, singathenwa, singahlakulwa, simile ameva lokhula. Ngizalaya amayezi ukuba angasinethisi ngezulu.

UJeremiya 14:22

Kambe bakhona yini phakathi konkulunkulu bamanga bezizwe abanganisa izulu? Kumbe iphezulu lona lingehlisa izihlambo na? Atshi! angithi nguwe kuphela, Nkosi, Nkulunkulu wethu? Thina sithembela kuwe, ngoba nguwe ozenzayo zonke lezizinto.

UHezekhiyeli 36:30

Ngizakwenza izithelo zezihlahla lezithelo zeganga zibe zinengi, ukuba lingaphindi futhi lithwale ihlazo lendlala phakathi kwezizwe.

UJoweli 2:22

Lingesabi, zinyamazana zeganga, ngoba amadlelo enkangala asehlumile; izihlahla zithela izithelo zazo, umkhiwa levini kuthelile kakhulu.

ULevi 25:19

Ilizwe lizakuthela izithelo zalo, lidle lisuthe, lihlale kulo livikelekile.

ULevi 25:21

ngizakwenza ukuba libusiswe ngomnyaka wesithupha, ukuze ilizwe lithele izithelo zeminyaka emithathu.

UZakhariya 8:12

Ngoba kuzahlanyelwa ngokuthula, ivini lizathela izithelo zalo lomhlabathi wandise inala yawo, lephezulu lehlise amazolo alo; ngizabanika abaseleyo balababantu zonke lezizinto.

UMatewu 5:45

ukuba libe ngabantwana bakaYihlo osezulwini; ngoba yena uyaliphumisela ilanga lakhe ababi labahle, alinisele izulu abalungileyo labangalunganga.

Imisebenzi 14:17

Kodwa kayekelanga ukuzifakazela ngokwenza okuhle, walinika izulu livela ezulwini lezikhathi zenala, esuthisa inhliziyo zenu ngokudla langokujabula.

UDutheronomi 11:13

Uba lilalela imithetho yami engililaya yona lamuhla, lithande iNkosi uNkulunkulu wenu, liyikhonze ngenhliziyo yenu yonke langomphefumulo wenu wonke,

UDutheronomi 11:14

izakulinika ilizwe lakini izulu ngesikhathi salo, izulu elokuqala lelokucina, ukuba livune amabele enu lewayini lenu lamafutha enu.

UDutheronomi 28:12

INkosi izakulivulela indlu yayo yenotho ephezulu, ilinise izulu elizweni lenu ngesikhathi salo, ibusise wonke umsebenzi wezandla zenu; lizakweboleka izizwe ezinengi, kodwa lingeboleki lutho kuzo.

UJakhobe 5:7

Bazalwane, bekezelani ize ifike iNkosi. Khangelani, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.

Isambulo 11:6

Balamandla laba okuvala izulu ukuba lingani ngezinsuku zokutshumayela kwabo; futhi balamandla phezu kwamanzi okuba bawaphendule abe ligazi lawokwehlisela umhlaba izifo zonke ngokuthanda kwabo.