ULevi 23:4 - iBhayibhili Elingcwele 1978

⁴ Nansi imikhosi emisiweyo yeNkosi, izinkonzo ezinkulu elizakuzimemezela ngezikhathi zayzo ezimisiweyo.

IBhayibhili Elingcwele LesiNdebele

⁴ “ ‘Le yiyo imikhosi kaThixo emisiweyo, imihlangano engcwele elizayimemezela ngezikhathi zayo ezimisiweyo:

ULevi 23:4 Mawu Ofanana

UNehemiya 8:15

lokuba bamemezele kuzwakale kuyo yonke imizi yabo laseJerusalema bathi: Yanini ezintabeni liyegamula ingatsha zezihlahla zamaoliva, lezamaphane, lezomtshekisane, lezamalala lezezinye izihlahla ezilamahlamvu amanengi ukuba lakhe amadumba, njengokulotshiweyo.

U-Eksodasi 12:14

Usuku lolu luzakuba yisikhumbuzo kini; lugcineni lube ngumkhosi weNkosi ngokomthetho kuzo zonke izizukulwana zenu kuze kube nininini.

U-Eksodasi 23:14

Kathathu ngomnyaka uzangigcinela umkhosi.

U-Isaya 29:1

Maye kulo iAriyeli, umuzi lapho uDavida ayehlala khona! Yengezelela umnyaka emnyakeni, lemikhosi iqhubeke ngokumiswa kwayo;

UHezekhiyeli 44:24

Lapha kukhona ukuphikisana bazakwahlulela, bahlulele ngokufanele izahlulelo zami. Bazagcina imilayo yami lezimiso zami kiyo yonke imikhosi yami emisiweyo, bagcine amaSabatha ami abe ngcwele.

ULevi 23:2

Tshono ebantwini bakoIsrayeli uthi: Nansi imikhosi yeNkosi elizakuyimemezela ibe zinkonzo ezinkulu, imikhosi yami emisiweyo.

ULevi 23:21

Lizamemezela ngalolosuku, lenze inkonzo enkulu, lingasebenzi. Lokhu kuyisimiso esingelakuphela kuyo yonke imizi yenu ezizukulwaneni zenu.

ULevi 23:37

Leyo yimikhosi emisiweyo yeNkosi elizakuyimemezela ibe zinkonzo ezinkulu, ukuba kunikelwe iminikelo eyenzelwe iNkosi ngomlilo, iminikelo yokutshiswa, leminikelo yempuphu, imihlatshelo leminikelo yokuthululwa, kube yilowo lalowomnikelo ngosuku lwawo,

UNahume 1:15

Bonani ezintabeni inyawo zakhe oletha indaba ezinhle, omemezela ukuthula. Gcina imikhosi yakho, Juda, ugcwalise izifungo zakho, ngoba omubi kasayikumelana lawe futhi, uchithiwe waphela nya.