ULevi 20:2 - iBhayibhili Elingcwele 1978

² Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

IBhayibhili Elingcwele LesiNdebele

² “Tshela abako-Israyeli uthi: ‘Loba ngubani kwabako-Israyeli kumbe owezizweni ohlala kini onikela abantwana bakhe kunkulunkulu uMoleki, kumele abulawe. Izakhamizi kazimkhande ngamatshe.

ULevi 20:2 Mawu Ofanana

1 AmaKhosi 11:7

Wakhela uKemoshi unkulunkulu onengekayo wamaMowabi indawo ephakemeyo yokukhonzela, phezu kwentaba ngasempumalanga kweJerusalema, loMoloki unkulunkulu onengekayo wamaAmoni.

2 AmaKhosi 17:17

Batshisa amadodana lamadodakazi abo abe yiminikelo, bavumisa bathakatha, bazinikela ekwenzeni okubi phambi kweNkosi beyithukuthelisa.

2 AmaKhosi 23:10

Wangcolisa iTofethi elisesihotsheni saseBeni‐Hinomu ukuze kungabi khona umuntu otshisa indodana yakhe kumbe indodakazi yakhe ibe ngumnikelo kunkulunkulu uMoloki.

2 ImiLando 28:3

watshisa impepha esihotsheni saseBeni‐Hinomu, watshisa lamadodana akhe aba ngumnikelo, elingisa amanyala enziwa yizizwe iNkosi eyazixotsha phambi kwabakoIsrayeli.

2 ImiLando 33:6

Watshisa abantwana bakhe baba ngumnikelo esihotsheni saseBeni‐Hinomu, wavumisa, wenza imilingo lamalumbo, wasebenza labalamadlozi labathakathi. Wenza okubi kakhulu phambi kweNkosi, wayithukuthelisa.

AmaHubo 106:38

bachitha igazi elingelacala, igazi lamadodana lamadodakazi abo, abanikela ngawo ezithombeni zaseKanani; ilizwe lagcwala igazi.

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UJeremiya 7:31

Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 20:31

Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 23:37

Ngoba bafebile, lezandla zabo zigcwele igazi. Bafebile lezithombe zabo, banikela kuzo lamadodana abangizalele wona abe yikudla kwazo.

UHezekhiyeli 23:39

Ngoba ekubulaleni abantwana babo ukuba babe ngumhlatshelo wezithombe zabo, bangena endlini yami engcwele bayingcolise. Yikho lokho abakwenza endlini yami.

ULevi 17:13

Uba omunye wabantu bakoIsrayeli, loba owemzini ohlala phakathi kwabo, ezingela abambe inyamazana ingabe inyoni edliwayo, kachithe igazi layo, aligqibele ngomhlabathi.

ULevi 17:15

Futhi wonke umuntu, loba engowokuzalwa elizweni loba engowemzini, odla lokho okuzifeleyo loba lokho okubanjwe yizilo, kagezise ingubo zakhe, ageze ngamanzi, ahlale engcolile kuze kuhlwe; emva kwalokho uzakuhlambuluka.

ULevi 17:8

Tshono kubo uthi: Yilowo lalowomuntu wendlu kaIsrayeli, loba owemzini ohlala phakathi kwabo, onikela umnikelo wokutshiswa loba umhlatshelo,

ULevi 18:21

Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

ULevi 20:1

INkosi yathi kuMose:

ULevi 20:27

Owesilisa lowesifazana abalamadlozi loba abayizanuse, kababulawe, bakhandwe ngamatshe, bafanele ukufa.

ULevi 24:14

Khuphela ngaphandle kwezihonqo lowo owathukayo; bonke abamuzwayo kababeke izandla zabo ekhanda lakhe, batshengise ukuthi ulecala, lebandla lonke limkhande ngamatshe.

ULevi 24:16

Ohlambaza ibizo leNkosi kabulawe; lonke ibandla lizakumkhanda ngamatshe. Owezizweni ohlala phakathi kwenu laye owokuzalwa elizweni, nxa behlambaza iBizo elingcwele, bazakubulawa.

ULevi 24:23

UMose wakhulumake ebantwini bakoIsrayeli. Bamkhuphela ngaphandle kwezihonqo lowo owathukayo, bamkhanda ngamatshe. Abantu bakoIsrayeli benza njengokutsho kweNkosi kuMose.

Imisebenzi 7:43

Atshi, lathatha ithente likaMoloki lenkanyezi kankulunkulu wenu uRefani, imifanekiso elayenza ukuba likhuleke kuyo. Ngizakulithuthela ngaphambili kweBabiloni.

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

UDutheronomi 17:2

Uba kukhona phakathi kwenu, emizini yenu iNkosi uNkulunkulu wenu elinika yona, owesilisa loba owesifazana owenza okubi emehlweni eNkosi uNkulunkulu wenu ngokwaphula isivumelwano sayo,

UDutheronomi 18:10

Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,

UDutheronomi 21:21

Ng’khona wonke amadoda alowomuzi azayikhanda ngamatshe. Ngalokho lizaqeda ububi phakathi kwenu; wonke uIsrayeli uzakuzwa, esabe.

UDutheronomi 22:21

bazayisa ngasemnyango wendlu kayise, amadoda omuzi wakibo ayikhande ngamatshe ayibulale; ngoba yenzile okubi koIsrayeli ngokwenza ubuwule endlini kayise. Ngalokhu lizakuqeda ububi phakathi kwenu.