ULevi 2:2 - iBhayibhili Elingcwele 1978

² awulethe kumadodana kaAroni angabapristi, acuphe kuwo impuphu ecolekileyo lamafutha, kanye lenhlaka yawo yonke; umpristi akutshise lokhu ealtareni kube yisikhumbuzo, umnikelo owenziwe ngomlilo, olephunga elimnandi eNkosini.

IBhayibhili Elingcwele LesiNdebele

² abeseyisa emadodaneni ka-Aroni, abaphristi. Umphristi uzacupha ifulawa ecolekileyo egcwala isandla, ayihlanganise lamafutha lempepha ndawonye, abesekutshisa njengesikhumbuzo e-alithareni, umnikelo owenziwa ngomlilo, olephunga elimnandi kuThixo.

ULevi 2:2 Mawu Ofanana

UNehemiya 13:14

Nkulunkulu wami, akungikhumbule mayelana lalokho, ungayicimi imisebenzi yami emihle engiyenzele indlu kaNkulunkulu wami lenkonzo yakhona.

UNehemiya 13:22

Ngasengitshela amaLevi ukuba bazihlambulule, beze ukulinda amasango ukuze usuku lweSabatha lulondolozwe lube ngcwele. Nkulunkulu wami, ukukhumbule lalokho, ungihawukele ngenxa yomusa wakho omkhulu.

U-Eksodasi 30:16

Uzakuthatha imali yokubuyisana ebantwini bakoIsrayeli, uyimisele inkonzo yethente lokuhlangana, ukuba ibe yisikhumbuzo sabantu bakoIsrayeli phambi kweNkosi, ukuze kwenzelwe ukuphila kwenu indlela yokubuyisana.

U-Isaya 66:3

Ohlaba inkabi unjengobulala umuntu; onikela umhlatshelo ngewundlu unjengowephula intamo yenja; onikela umnikelo wempuphu unjengonikela umnikelo ngegazi lengulube; otshisa impepha kube ngumnikelo wesikhumbuzo unjengodumisa isithombe. Konke lokhu kuyizenzo abantu abazikhethela zona, labo abazithokozisa ngezinengiso zabo.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:17

ayidonse ngamaphiko, kodwa angayidabuli; umpristi ayitshise ealtareni, phezu kwenkuni ezisemlilweni, kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:9

Imibilini yayo lemilenze yayo kayigeziswe ngamanzi; umpristi akutshise konke ealtareni kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 2:16

Umpristi atshise ingxenye yamabele leyamafutha layo yonke inhlaka yawo, kube yisikhumbuzo; kungumnikelo owenzelwe iNkosi ngomlilo.

ULevi 2:9

Umpristi uzathatha emnikelweni wempuphu okuyisikhumbuzo, akutshise ealtareni, kube ngumnikelo owenziwe ngomlilo, olephunga elimnandi eNkosini.

ULevi 24:7

futhi ubeke inhlaka emizileni yomibili, ibe yisikhumbuzo kanye lesinkwa, lomnikelo owenzelwe iNkosi ngomlilo.

ULevi 4:31

Wonke amahwahwa awo uzakuwasusa, njengalokhu amahwahwa esuswa kuwo umhlatshelo weminikelo yokuthula, umpristi awatshise ealtareni abe liphunga elimnandi eNkosini. Ngalokho umpristi uzamenzela indlela yokubuyisana, athethelelwe.

ULevi 5:11

Kodwa uba esehluleka ukuletha amajuba amabili loba inkwilimba ezimbili, angaletha ngesono asenzileyo ingxenye yehefa yempuphu ecolekileyo ibe ngumnikelo wesono; angatheli mafutha kuyo, angabeki nhlaka phezu kwayo, ngoba ingumnikelo wesono.

ULevi 5:12

Kayilethe kumpristi, umpristi acuphe kuyo kube yisikhumbuzo, akutshise ealtareni, phezu kweminikelo eyenzelwe iNkosi ngomlilo; lokhu kungumnikelo wesono.

ULevi 6:15

Kakucutshwe impuphu ecolekileyo yomnikelo wempuphu, lamafutha awo kanye lenhlaka yonke ephezu komnikelo wempuphu, kutshiswe ealtareni kube yisikhumbuzo lephunga elimnandi eNkosini.

AmaNani 5:18

Umpristi uzakumisa owesifazana phambi kweNkosi, athukulule inwele zekhanda lakhe, abeke ezandleni zakhe umnikelo wempuphu wokukhumbuza, ongumnikelo wempuphu owenziwe ngenxa yobukhwele. Ezandleni zakhe umpristi uzakuphatha amanzi aletha ubuhlungu lesiqalekiso.

AmaNani 5:26

acuphe impuphu encinyane ibe yisikhumbuzo, ayitshise ealtareni, andubana amnathise owesifazana amanzi.

Imisebenzi 10:4

Wasijolozela esesaba, wathi: Kuyini, Nkosi? Sathi kuye: Imikhuleko yakho leziphiwo zakho kufinyelele kuNkulunkulu kwaba yisikhumbuzo phambi kwakhe.