ULevi 19:5 - iBhayibhili Elingcwele 1978

⁵ Nxa linikela eNkosini umhlatshelo weminikelo yokuthula, liwunikele ukuze lamukeleke.

IBhayibhili Elingcwele LesiNdebele

⁵ Nxa lisenza umhlatshelo womnikelo wobudlelwano kuThixo, wenzeni ngendlela ezakwenza wamukeleke ukusiza lina.

ULevi 19:5 Mawu Ofanana

2 ImiLando 31:2

UHezekiya wasebeka abapristi lamaLevi ezikhundleni zabo, izigaba ngezigaba, wanika lowo lalowompristi lomLevi umsebenzi wakhe owokunikela umnikelo wokutshiswa lomnikelo wokuthula, lowokubongwa lokudumisa, lowokusebenza emasangweni ethempeli.

U-Eksodasi 24:5

Wathuma insizwa zabantu bakoIsrayeli ukuba zinikele iminikelo yokutshiswa, zihlabele iNkosi imihlatshelo yokuthula yezinkabi.

UHezekhiyeli 46:12

Nxa isikhulu sinika umnikelo wesihle eNkosini, kungaba ngumnikelo wokutshiswa loba umnikelo wokuthula, sizavulelwa isango elikhangele empumalanga; sizanikela umnikelo waso wokutshiswa loba umnikelo wokuthula njengokwenza kwaso ngosuku lweSabatha. Siphumeke, nxa sesiphumile lizakuvalwa isango.

UHezekhiyeli 46:2

Isikhulu sizangena endlini esekungeneni kwesango sivela ngaphandle, sime ensikeni yesango. Abapristi banikele umnikelo waso wokutshiswa leminikelo yaso yokuthula, sona sizakhonza sisedundulwini lesango. Besesiphumake, kodwa isango kaliyikuvalwa kuze kube kusihlwa.

ULevi 1:3

Uba umnikelo wakhe ungumnikelo wokutshiswa owenkomo, uzakunikela ngenkunzi engelasici, ayinikele ngasemnyango wethente lokuhlangana, ukuba amukeleke phambi kweNkosi.

ULevi 19:4

Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.

ULevi 19:6

Uzakudliwa ngosuku lokunikela kwenu loba ngakusasa; konke okuseleyo ngosuku lwesithathu kuzatshiswa ngomlilo.

ULevi 22:19

ukuze lamukeleke lina nikelani ngenduna engelasici, inkunzi loba imvu loba imbuzi.

ULevi 22:21

Nxa umuntu enikela eNkosini umhlatshelo weminikelo yokuthula owokugcwalisa isithembiso loba owesihle, inkomo loba imvu enikelwayo ifanele ibe ngelungileyo ukuze yamukeleke, ingabi lasici.

ULevi 22:23

Inkunzi loba imvu elezitho ezingalinganiyo linganikela ngayo ibe ngumnikelo wesihle; kodwa kayiyikwamukeleka uba ingumnikelo wokugcwalisa isithembiso.

ULevi 22:29

Nxa lihlabela iNkosi umhlatshelo wokubonga, kwenzeni ukuba lamukeleke.

ULevi 7:16

Uba umhlatshelo womnikelo wakhe ungumnikelo wokugcwalisa isithembiso loba umnikelo wesihle, uzakudliwa ngosuku anikela ngalo ngomhlatshelo wakhe, okuseleyo kuwo kudliwe kusisa;

ULevi 7:18

Uba inyama yomhlatshelo weminikelo yakhe yokuthula idliwa ngosuku lwesithathu, kayiyikwamukeleka, kayiyikubalelwa kuye; izakuba yisinengiso, lomuntu oyidlayo uzakuthwala ububi bakhe.