ULevi 17:5 - iBhayibhili Elingcwele 1978

⁵ Ngalokho abantu bakoIsrayeli bafanele ukuletha eNkosini imihlatshelo abayihlaba egangeni, bayilethe kumpristi ngasemnyango wethente lokuhlangana, banikele ngayo ibe yiminikelo yokuthula eNkosini.

IBhayibhili Elingcwele LesiNdebele

⁵ Lokhu kuzakwenza abako-Israyeli balethe kuThixo imihlatshelo le abayenzela egangeni. Kabayilethe kumphristi, lokhu kuyikuthi, kuThixo, esangweni lethente lokuhlangana njalo banikele njengeminikelo yobudlelwano.

ULevi 17:5 Mawu Ofanana

UGenesisi 21:33

UAbrahama esehlanyele isihlahla esithiwa yitamarisiki eBerisheba wakhuleka khona ebizweni leNkosi, uNkulunkulu ongelakuphela.

UGenesisi 22:13

UAbrahama wasekhangela, wabona ngemva kwakhe inqama ibanjiwe esixukwini ngezimpondo zayo. UAbrahama waya khona wayithatha inqama, wanikela ngayo ukuba ibe ngumnikelo wokutshiswa esikhundleni sendodana yakhe.

UGenesisi 22:2

UNkulunkulu wathi: Thatha khathesi indodana yakho eyodwa oyithandayo, uIsaka, uye elizweni laseMoriya; unikele khona ngayo ibe ngumnikelo wokutshiswa kwenye intaba engizakukutshela yona.

UGenesisi 31:54

UJakobe wanikela ngomhlatshelo entabeni, wabiza abafowabo ukuba badle ukudla; badla, bahlala ubusuku bonke entabeni.

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

1 AmaKhosi 3:2

Abantu babelokhu benikela imihlatshelo endaweni eziphakemeyo zokukhonzela, ngoba yayingakakhiwa indlu lapho iNkosi ingadunyiselwa khona.

1 AmaKhosi 3:3

USolomoni wayithanda iNkosi, wahamba ngezimiso zikayise uDavida, kodwa laye wanikela imihlatshelo watshisa impepha endaweni eziphakemeyo zokukhonzela.

2 AmaKhosi 16:4

Wanikela imihlatshelo, watshisa impepha endaweni eziphakemeyo zokukhonzela laphezu kwamaqaqa langaphansi kwazo zonke izihlahla ezinkulu.

2 AmaKhosi 17:10

bazimisela insika zokukhonzela lensika zikankulunkulukazi uAshera phezu kwawo wonke amaqaqa langaphansi kwazo zonke izihlahla ezinkulu.

2 ImiLando 28:4

Wanikela imihlatshelo, watshisa impepha endaweni eziphakemeyo zokukhonzela laphezu kwamaqaqa langaphansi kwazo zonke izihlahla ezinkulu.

U-Eksodasi 24:5

Wathuma insizwa zabantu bakoIsrayeli ukuba zinikele iminikelo yokutshiswa, zihlabele iNkosi imihlatshelo yokuthula yezinkabi.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 22:9

Kukhona kuwe abantu abahlebayo ukuba bachithe igazi, labadlela phezu kwezintaba emathempelini, labawulayo.

UHezekhiyeli 43:27

Nxa seziphelile lezonsuku, kusukela osukwini lwesificaminwembili abapristi bazanikela phezu kwealtare iminikelo yenu yokutshiswa leminikelo yokuthula; ngizakulamukela, kutsho iNkosi.

UHezekhiyeli 44:15

Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.

ULevi 17:4

angayilethanga emnyango wethente lokuhlangana ukuba anikele ngayo eNkosini ngaphambi kweTabernakeli leNkosi, uzakuba lecala legazi, ngoba echithile igazi; uzakukhutshwa ebantwini bakibo.

ULevi 17:6

Umpristi uzakhaphazela igazi ealtareni leNkosi ngasemnyango wethente lokuhlangana, atshise amahwahwa, abe liphunga elimnandi eNkosini.

UDutheronomi 12:2

Impela lizakudiliza zonke indawo lapho izizwe elizakuzinqoba zazikhonzela khona onkulunkulu bazo, ezintabeni eziphakemeyo lasemaqaqeni langaphansi kwezihlahla zonke eziluhlaza;