ULevi 11:3 - iBhayibhili Elingcwele 1978

³ Zonke inyamazana esilamangqina ehlukeneyo lezetshisayo lingazidla.

IBhayibhili Elingcwele LesiNdebele

³ lingadla zonke izinyamazana ezilenklagu ezivulekileyo lezentshisayo.

ULevi 11:3 Mawu Ofanana

Izaga 2:10

ngoba ukuhlakanipha kuzangena engqondweni yakho, lokwazi kube mnandi enhliziyweni yakho.

Izaga 9:6

yekelani ubuthutha liphile, lihambe ngendlela yokuqedisisa.

ULevi 11:2

Tshonini ebantwini bakoIsrayeli lithi: Nanzi izinto eziphilayo elingazidla kuzo zonke inyamazana zasemhlabeni.

ULevi 11:26

Zonke inyamazana ezilamangqina ehlukeneyo, kodwa zingetshisi, zingcolile kini; bonke abazithintayo bazakungcola.

ULevi 11:4

Kodwa kuzo ezetshisayo lezilamangqina ehlukeneyo lingadli ikamela, ngoba liyetshisa, kodwa kalilamangqina ehlukeneyo; lingcolile kini.

ULevi 11:5

Lingadli lembila, ngoba iyetshisa, kodwa kayilamangqina ehlukeneyo; ingcolile kini.

ULevi 11:6

Lingadli lomvundla, ngoba uyetshisa, kodwa kawulamangqina ehlukeneyo; ungcolile kini.

ULevi 11:7

Lingadli lengulube, ngoba ilamangqina ehlukeneyo, kodwa kayetshisi; ingcolile kini.

Imisebenzi 17:11

LababaJuda babelungile kulalabo abaseTesalonika, ngoba balamukela ilizwi ngenhliziyo yonke, behlolisisa imibhalo insuku ngensuku ukubona ukuba zinjalo yini lezizinto.

2 AbaseKhorinte 6:17

Ngakhoke phumani phakathi kwabo, lahlukane labo, kutsho iNkosi; lingathinti okungcolileyo; ng’khonake ngizakulamukela.

UDutheronomi 14:6

Lingadla zonke inyamazana ezidabule amangqina ezetshisayo.

UDutheronomi 14:8

lengulube ingcolile kini, ngoba idabule amangqina kodwa kayetshisi. Lingabokudla inyama yazo, lingathinti izidumbu zazo.

1 uTimothi 4:15

Nanzelela lezizinto, uzikhuthalele, ukuze bonke babone ukuqhubeka kwakho.