ULevi 10:9 - iBhayibhili Elingcwele 1978

⁹ Unganathi iwayini lotshwala, wena lamadodana akho, nxa lingena ethenteni lokuhlangana ukuba lingafi. Lokhu kuzakuba yisimiso esingelakuphela ezizukulwaneni zenu.

IBhayibhili Elingcwele LesiNdebele

⁹ “Wena lamadodana akho akumelanga linathe iwayini loba okunye okunathwayo okubilileyo nxa lisiyangena ethenteni lokuhlangana, funa life. Lo ngumlayo omi kuze kube nininini kuzizukulwane ezizayo.

ULevi 10:9 Mawu Ofanana

U-Eksodasi 27:21

Ethenteni lokuhlangana ngaphandle kweveli eliphambi kobufakazi, uAroni lamadodana akhe bazakuzilondoloza phambi kweNkosi, kusukela kusihlwa kuze kube sekuseni; kuzakuba yisimiso esingapheliyo esizagcinwa ngabakoIsrayeli ezizukulwaneni zonke.

Izaga 20:1

Iwayini lenza umuntu adelele, lotshwala bumenze axabane labantu; obumdakayo kahlakaniphanga.

U-Isaya 28:7

Lalaba bayadakwa liwayini, badayizele ngenxa yotshwala; umpristi lomprofethi badakwa ngutshwala, baphambene ngenxa yewayini, badayizele ngenxa yotshwala; ngakho abaprofethi baphambanisa imibono, labapristi bakhubeke ekwahluleleni kwabo.

UHezekhiyeli 44:21

Kakulampristi ozakunatha iwayini lapho ezangena egumeni elingaphakathi.

UHosiya 4:11

Iwayini elidala lelitsha liyaqeda ukuqedisisa kwabantu bami;

ULevi 10:8

INkosi yakhuluma kuAroni yathi:

ULevi 3:17

Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

AmaNani 6:20

umpristi akuzunguze kube ngumnikelo wokuzunguzwa phambi kweNkosi; ngoba kuyisabelo esingcwele sompristi kanye lesifuba esizunguziweyo lomlenze onikelweyo. Emva kwalokhu umNaziri anganatha iwayini.

AmaNani 6:3

uzakuzila iwayini lotshwala, anganathi umhluzi wezithelo zevini, angadli izithelo zevini ezimanzi lezomileyo.

ULukha 1:15

Ngoba uzakuba mkhulu emehlweni eNkosi; kasoze anathe iwayini lokunye okudakisayo; uzakugcwaliswa ngoMoya oNgcwele esesesiswini sikanina.

Abase-Efesu 5:18

Lingadakwa liwayini, ngoba kuvela kukho umsindo lenkanuko ezimbi; kodwa ligcwaliswe nguMoya.

1 uTimothi 3:3

angabi yisidakwa, angabi ngothanda ukulwa kodwa abe mnene, angabi ngothanda ukuxabana, angabi ngothanda imali.

1 uTimothi 3:8

Ngokunjalo lezikhonzi kufanele zibe ngabantu abahloniphekayo, labangelalimi, labangathandi ukunatha kakhulu, labangafisi inzuzo embi,

1 uTimothi 5:23

Ungabe usanatha amanzi wodwa, kodwa natha lewayini elincinyane ngenxa yesisu sakho lokungaphili kuhle kwakho.

UThithu 1:7

Ngoba umalusi webandla uyinceku kaNkulunkulu, kumele abe ngongasolekiyo longaziqakisiyo, longathukutheli masinyane, longesiso isidakwa, longathandi ukulwa, longafisi inzuzo.