ULevi 10:3 - iBhayibhili Elingcwele 1978

³ UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

IBhayibhili Elingcwele LesiNdebele

³ UMosi wasesithi ku-Aroni, “Lokhu yikho okwakhulunywa nguThixo aze athi: ‘Kulabo abasondela kimi Ubungcwele bami buzabonakala, phambi kwabo bonke abantu Ngizadunyiswa.’ ” U-Aroni wala ethule.

ULevi 10:3 Mawu Ofanana

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

UJobe 2:10

Kodwa yena wathi kuye: Ukhulumisa okowesifazana oyisithutha. Sizakwamukela okuhle kuphela esandleni sikaNkulunkulu, singamukeli lokubi na? Kukho konke lokhu uJobe konanga ngomlomo wakhe.

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 148:14

Iphakamisile abantu bayo; ngalokhu abangcwele bayo bayayidumisa, abantu bakoIsrayeli abaseduze layo. Dumisani iNkosi!

AmaHubo 39:10

Ungabe usangitshaya, ngoba ngibulewe yizidutshulo zesandla sakho.

AmaHubo 39:9

Ngiyathula, kangivuli umlomo wami, ngoba nguwe okwenzileyo.

AmaHubo 46:10

Thulani, lazi ukuba mina nginguNkulunkulu, ngiphakanyiswa phakathi kwezizwe, ngiphakanyiswa emhlabeni.

AmaHubo 89:7

uNkulunkulu owesabekayo emhlanganweni wabangcwele, omkhulu lowesabekayo kubo bonke abahlala laye na?

AmaHubo 93:5

Izimiso zakho ziqinisekile; ubungcwele buyifanele indlu yakho, Nkosi, kuze kube nini lanini.

U-Eksodasi 14:17

Ngizazenza zibe lukhuni inhliziyo zamaGibithe ukuba abalandele. Ngizazuza udumo ngoFaro langempi yakhe langezinqola zakhe langabagadi bamabhiza.

U-Eksodasi 14:4

Ngizayenza ibe lukhuni inhliziyo kaFaro, abalandele, ngizuze udumo ngoFaro langayo yonke impi yakhe, ukuba amaGibithe azi ukuthi ngiyiNkosi. Benza njalo.

U-Eksodasi 19:22

Labapristi abasondela eNkosini bazihlambulule funa iNkosi ibadumele.

U-Eksodasi 19:24

INkosi yathi kuye: Yehla, ubuye ukhwele uze kimi kanye loAroni; kodwa abapristi labantu ungabavumeli ukuba bafohle beze eNkosini, funa ibadumele.

U-Eksodasi 30:30

Ubagcobe uAroni lamadodana akhe, ubalukhanisele ukuba babe ngabapristi bokuphatha umsebenzi wami.

U-Isaya 39:8

UHezekiya wasesithi kuIsaya: Ilizwi leNkosi olikhulumileyo lilungile. Ngoba wacabanga wathi: Kuzakuba khona ukuthula lokuvikeleka ensukwini zami.

U-Isaya 49:3

Yathi kimi: Uyinceku yami, wena Israyeli engizazuza udumo ngawe.

U-Isaya 52:11

Phumani, phumani kulo iBabiloni, lingathinti okungcolileyo; phumani phakathi kwalo, lizigcine lihlambulukile, lina eliphatha izitsha zeNkosi.

UHezekhiyeli 20:41

Ngizalamukela njengephunga elimnandi nxa ngilikhupha ezizweni, ngiliqoqa emazweni lapho belichithachithelwe khona; ngizabonakalisa ubungcwele bami phakathi kwenu phambi kwezizwe.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UHezekhiyeli 40:46

lendlu ekhangele inyakatho ngeyabapristi abaphethe ialtare. Ngitsho amadodana kaZadoki okuyiwona wodwa phakathi kwamadodana kaLevi angasondela eNkosini ukuyikhonza.

UHezekhiyeli 42:13

Wasesithi kimi: Izindlu ezingasenyakatho leziqondene lazo ngaseningizimu ziyizindlu ezingcwele, lapho abapristi abeza eNkosini bazadlela khona iminikelo engcwele kakhulu; babeke khona iminikelo engcwele kakhulu, umnikelo wamabele, lomnikelo wesono, lomnikelo wecala, ngoba indawo ingcwele.

ULevi 21:15

ukuba angangcolisi abantwana bakhe phakathi kwabakibo. NgiyiNkosi engimenzayo ukuba abe ngcwele.

ULevi 21:17

Tshono kuAroni uthi: Kakho owenzalo yakho ezizukulwaneni olesici ongasondela ukunikela ngokudla kukaNkulunkulu wakhe.

ULevi 21:21

Umuntu owenzalo kaAroni umpristi olesici angasondeli ukunikela iminikelo eyenzelwe iNkosi ngomlilo; ngoba elesici, angasondeli ukunikela ngokudla kukaNkulunkulu wakhe.

ULevi 21:6

Bazakuba ngcwele kuNkulunkulu wabo, bangahlambazi ibizo likaNkulunkulu wabo. Ngoba yibo abanikela eNkosini iminikelo eyenziwe ngomlilo, ukudla kukaNkulunkulu wabo. Ngakho bazakuba ngcwele.

ULevi 21:8

Mahlukaniseleni iNkosi, ngoba unikela ngokudla kukaNkulunkulu wenu. Uzakuba ngcwele kini, ngoba mina Nkosi engilenza libe ngcwele ngingcwele.

ULevi 22:9

Ngakhoke kabagcine imilayezelo yami, bangabi lasono ngayo; uba beyihlambaza, bazakufa. NgiyiNkosi ebenzayo ukuba babe ngcwele.

ULevi 8:35

Lizakuhlala ngasemnyango wethente lokuhlangana insuku eziyisikhombisa, emini lasebusuku, lenze izilayezelo zeNkosi ukuba lingafi; ngoba mina ngilayiwe kanjalo.

AmaNani 16:5

Wathi kuKora leqembu lakhe: Ekuseni iNkosi izatshengisa ukuthi ngubani ongowayo lokuthi ngubani ongcwele, imvumele ukuba asondele kuyo; lowo ezakumkhetha nguye ongasondela kuyo.

AmaNani 20:12

INkosi yathi kuMose loAroni: Njengokuba lingangithembanga, lingangizivezanga ngingcwele emehlweni abakoIsrayeli, ngakho kaliyikungenisa ibandla leli elizweni engibanike lona.

UMatewu 10:37

Othanda uyise ingabe unina kulami kafanele mina; lothanda indodana ingabe indodakazi kulami kafanele mina:

UJohane 12:28

Baba, dumisa ibizo lakho. Kwasekuzwakala ilizwi livela ezulwini, lisithi: Ngilidumisile, ngizakuphinda ngilidumise futhi.

UJohane 14:13

Loba yini elikucelayo ngebizo lami ngizakukwenza ukuze uBaba adunyiswe eNdodaneni.

UDutheronomi 32:51

Ngoba waphambana lami phakathi kwabantu bakoIsrayeli ngasemanzini aseMeriba‐Kadeshi enkangala yaseZini; ngoba ungangihloniphanga njengongcwele phakathi kwabakoIsrayeli.

2 AbaseThesalonika 1:10

mhla efika ukuba adunyiswe yibo abangcwele bakhe, abe ngomangalisayo kubo bonke abakholwayo; ngoba lakholwa ukufakaza kwethu.

1 UPhethro 4:17

Ngoba sekuyisikhathi sokuba ukuthonisiswa kuqale endlini kaNkulunkulu; uba kuqala ngathi, kuzakuba yini ukuphela kwalabo abangalalelanga ivangeli likaNkulunkulu na?

1 USamuyeli 2:30

Ngakhoke iNkosi uNkulunkulu kaIsrayeli uthi: Ngathembisa ukuthi indlu yakho lendlu kayihlo zizakhonza phambi kwami kuze kube nininini; kodwa khathesi iNkosi ithi: Kakuyikuba njalo; ngoba labo abangihloniphayo, ngizabahlonipha, labangidelelayo ngizabadelela.

1 USamuyeli 3:18

Ngakho uSamuweli wasemtshela konke, kazamfihlela lutho. Yena wathi: YiNkosi, kayenze lokho ekubona kulungile kuyo.

1 USamuyeli 6:20

Ngakhoke abantu baseBeti‐Shemeshi basebesithi: Ngubani ongema phambi kweNkosi, loNkulunkulu ongcwele na? Sizakumusa kubani ukuba asuke kithi na?