ULevi 10:2 - iBhayibhili Elingcwele 1978

² Kwavela umlilo eNkosini, wabaqothula, bafela phambi kweNkosi.

IBhayibhili Elingcwele LesiNdebele

² Kwavela umlilo lapho uThixo ayekhona, wabatshisa bafa phambi kukaThixo.

ULevi 10:2 Mawu Ofanana

2 USamuyeli 6:7

INkosi uNkulunkulu yamthukuthelela uUza, yahle yamtshaya khona lapho, ngoba welulela isandla sakhe emtshokotshweni; wafela khona lapho phansi komtshokotsho kaNkulunkulu.

1 AmaKhosi 13:28

Wasehambake wafumanisa isidumbu sakhe siwele emgwaqweni, ubabhemi lesilwane kumi kuso. Isilwane sasingasidlanga isidumbu, singambulalanga lobabhemi.

1 AmaKhosi 18:38

Wasusehla umlilo kaNkulunkulu, watshisa umnikelo wokutshiswa lenkunzi lamatshe lenhlabathi, waqeda lamanzi asemgelweni.

2 AmaKhosi 1:10

Kodwa uElija wayiphendula induna wathi: Uba ngingumuntu kaNkulunkulu, kakwehle umlilo ovela ezulwini ukuqothule wena labantu bakho abangamatshumi amahlanu. Wasusehla umlilo uvela ezulwini, wayiqothula labantu bayo.

2 AmaKhosi 1:12

Kodwa uElija wabaphendula wathi kibo: Uba ngingumuntu kaNkulunkulu kakwehle umlilo ovela ezulwini ukuqothule wena labantu bakho abangamatshumi amahlanu. Umlilo kaNkulunkulu wasusehla uvela ezulwini, wayiqothula labantu bayo.

1 ImiLando 13:10

INkosi uNkulunkulu yamthukuthelela uUza, yahle yamtshaya khona lapho, ngoba welulela isandla sakhe emtshokotshweni; wafela khona lapho phambi kukaNkulunkulu.

1 ImiLando 15:13

Ngoba lina lalingekho kuqala, iNkosi uNkulunkulu wethu yasitshaya, ngoba singakhulekanga kuyo ngendlela efaneleyo.

1 ImiLando 24:2

Kodwa oNadabi loAbihu bafa uyise engakafi bengelabantwana; ngakho oEleyazare loIthamari baba ngabapristi.

UJobe 1:16

Kwathi sisakhuluma, kwafika esinye, sathi: Umlilo kaNkulunkulu wehlile uvela ezulwini, watshisa izimvu lezinceku, waziqeda du; yimi ngedwa kuphela engisilileyo ukuba ngikubikele.

AmaHubo 50:3

UNkulunkulu wethu uyeza, kayikuthula, phambi kwakhe kulomlilo oqothulayo, emaceleni akhe kulesiphepho esikhulu.

U-Eksodasi 24:1

UNkulunkulu wathi kuMose: Khwela uze eNkosini wena kanye loAroni loNadabi loAbihu labalisa bakoIsrayeli abangamatshumi ayisikhombisa, lingikhonze likhatshana.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

ULevi 10:5

Basondelake, babathwala bembethe amabhatshi abo, babakhuphela ngaphandle kwezihonqo, njengokutsho kukaMose.

ULevi 16:1

INkosi yakhuluma loMose emva kokufa kwamadodana amabili kaAroni afa ekusondeleni eNkosini;

ULevi 9:24

Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.

AmaNani 14:37

abulawa ngumkhuhlane phambi kweNkosi.

AmaNani 16:35

Kwavela eNkosini umlilo, waqothula labobantu abangamakhulu amabili lamatshumi amahlanu ababenikele ngempepha.

AmaNani 16:49

Labo abafa ngomkhuhlane babezinkulungwane ezilitshumi lane, lamakhulu ayisikhombisa, ngaphandle kwalabo abafa ngendaba kaKora.

AmaNani 26:61

Kodwa oNadabi loAbihu bafa lapho benikela ngomlilo ongafanelanga phambi kweNkosi.

Imisebenzi 5:10

Khonokho wasewela phansi ngasenyaweni zakhe, wafa; insizwa zangena, zamfumana esefile, zamthwalela ngaphandle, zammbela phansi kwendoda yakhe.

Imisebenzi 5:5

Kwathi uAnaniya esizwa lamazwi, wawela phansi, wafa; ukwesaba okukhulu kwabehlela bonke abakuzwayo lokhu.

1 AbaseKhorinte 10:11

Lezizinto zabehlela bona kube yisixwayiso kwabanye; zalotshelwa ukusilaya thina osekufike kithi ukucina kwesikhathi.

1 USamuyeli 6:19

Amadodana kaJekoniya kawathokozanga kanye labanengi baseBeti‐Shemeshi lapho besamukela umtshokotsho weNkosi; yabulala phakathi kwabo amatshumi ayisikhombisa. Abantu balila ngoba iNkosi yababulala abantu abanengi kangaka.