ULevi 10:11 - iBhayibhili Elingcwele 1978

¹¹ lifundise abantu bakoIsrayeli zonke izimiso iNkosi ezikhulume kubo ngoMose.

IBhayibhili Elingcwele LesiNdebele

¹¹ njalo kumele lifundise abako-Israyeli zonke izimiso uThixo abaphe zona ngoMosi.”

ULevi 10:11 Mawu Ofanana

2 ImiLando 15:3

Isikhathi eside abakoIsrayeli babengelaye uNkulunkulu weqiniso, bengelaye umpristi wokubafundisa, bengelawo umlayo.

2 ImiLando 17:9

Bafundisa koJuda, belogwalo lomlayo weNkosi uNkulunkulu; bayihambela yonke imizi yakoJuda, befundisa abantu.

2 ImiLando 30:22

UHezekiya wawakhuthaza wonke amaLevi atshengisa ukuhlakanipha enkonzweni yeNkosi. Abantu badla ukudla komkhosi insuku eziyisikhombisa benikela iminikelo yokuthula, beyibonga iNkosi, uNkulunkulu wabokhokho babo.

UNehemiya 8:2

UEzra umpristi wawuletha umlayo phambi kwebandla labesilisa labesifazana, labantwana bonke ababelamandla okuqedisisa. Kwakulusuku lokuqala lwenyanga yesikhombisa.

UNehemiya 8:8

Babala ogwalweni lomlayo kaNkulunkulu ngokucacileyo, bechasisela abantu ukuba bawuzwisise.

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 2:8

Abapristi kabatshongo ukuthi: Ingaphi iNkosi na? Lalabo abaphatha umlayo kabangazanga. Ababusi baphambuka kimi, labaprofethi batshumayela ngoBali, balandela izithombe ezingasizi lutho.

UMalaki 2:7

Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

Imisebenzi 20:27

Ngoba kangiyekelanga ukulitshela lonke icebo likaNkulunkulu.

UDutheronomi 17:10

Lizakwenza njengesiqumo sabo abazakulitshela sona endaweni iNkosi ezayikhetha; linanzelele ukwenza konke njengokulilaya kwabo;

UDutheronomi 17:11

lenze njengokulitshela kwabo lanjengesiqumo abalitshela sona; lingaphambukeli ngakwesokunene langakwesokhohlo kwesiqumo abalitshela sona.

UDutheronomi 24:8

Nxa ubulawa yibulephero, qaphelisisa ukuba wenze konke abapristi abangamaLevi abakulaya khona; njengalokhu ngibalaya, qaphela ukuba lawe wenze njalo.

UDutheronomi 33:10

Bazamfundisa uJakobe izimiso zakho, loIsrayeli umlayo wakho; bazabeka impepha phambi kwakho, lomnikelo wonke wokutshiswa ealtareni lakho.

1 AbaseThesalonika 4:2

Ngoba liyayazi imilayo esalinika yona ngayo iNkosi uJesu.