ULevi 1:4 - iBhayibhili Elingcwele 1978

⁴ Uzakubeka isandla sakhe enhlokweni yomnikelo wokutshiswa, ukuze wamukelwe ngenxa yakhe, umenzele indlela yokubuyisana.

IBhayibhili Elingcwele LesiNdebele

⁴ Kuzamele abeke isandla sakhe ekhanda lomnikelo wokutshiswa, ngalokho uzakwamukelwa esikhundleni sakhe, uphendle indlela yokubuyisana.

ULevi 1:4 Mawu Ofanana

U-Eksodasi 28:38

Izakuba sebunzini likaAroni ukuba athwale icala eliqondene lezinto ezingcwele, abantu bakoIsrayeli abazakuzenza zibe yiziphiwo zabo ezingcwele; izahlala isebunzini lakhe ukuba bamukeleke eNkosini.

U-Eksodasi 29:10

Uzakuletha inkunzi phambi kwethente lokuhlangana, ukuba uAroni lamadodana akhe babeke izandla zabo ekhanda lenkunzi;

U-Eksodasi 29:15

Uzathatha inqama ibenye; uAroni lamadodana akhe babeke izandla zabo ekhanda lenqama.

U-Eksodasi 29:19

Uzathatha enye inqama; uAroni lamadodana akhe babeke izandla zabo ekhanda layo.

U-Eksodasi 29:33

badle lezozinto okwenziwa ngazo indlela yokubuyisana ekugcotshweni kwabo lekwahlukaniselweni kwabo; kodwa owemzini angazidli ngoba zingcwele.

U-Isaya 56:7

laba ngizabaletha entabeni yami engcwele, ngibathokozise endlini yami yokukhulekela; iminikelo yabo yokutshiswa lemihlatshelo yabo izakuvunywa ealtareni lami, ngoba indlu yami izakubizwa ngokuthi yindlu yokukhulekela yezizwe zonke.

UHezekhiyeli 45:15

imvu eyodwa emhlambini wezimvu ezingamakhulu amabili, emizini yakoIsrayeli. Nanku umnikelo weminikelo yempuphu, leminikelo yokutshiswa, leminikelo yokuthula yokubenzela ukubuyisana, kutsho iNkosi uNkulunkulu.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

ULevi 16:21

uAroni abeke izandla zakhe enhlokweni yempongo ephilayo, avume bonke ububi babantu bakoIsrayeli, leziphambeko zabo, lezono zabo zonke, azibeke enhlokweni yempongo, ayithumele ngomuntu olungiselwe lokho, iye enkangala.

ULevi 16:24

ageze umzimba wakhe ngamanzi endaweni engcwele, agqoke izambatho zakhe, aphume, anikele umnikelo wakhe wokutshiswa lomnikelo wokutshiswa wabantu, azenzele yena labantu indlela yokubuyisana.

ULevi 22:21

Nxa umuntu enikela eNkosini umhlatshelo weminikelo yokuthula owokugcwalisa isithembiso loba owesihle, inkomo loba imvu enikelwayo ifanele ibe ngelungileyo ukuze yamukeleke, ingabi lasici.

ULevi 22:27

Nxa kuzalwa inkunzi loba imvu loba imbuzi, izakuhlala kunina insuku eziyisikhombisa. Kusukela osukwini lwesificaminwembili izakwamukeleka ibe ngumnikelo owenzelwe iNkosi ngomlilo.

ULevi 3:13

abeke isandla sakhe enhlokweni yayo, ayihlabe ngaphambi kwethente lokuhlangana; amadodana kaAroni akhaphazele igazi layo ealtareni inxa zonke.

ULevi 3:2

Uzakubeka isandla sakhe ekhanda lomnikelo wakhe, awuhlabe ngasemnyango wethente lokuhlangana; amadodana kaAroni angabapristi akhaphazele igazi ealtareni inxa zonke.

ULevi 3:8

abeke isandla sakhe enhlokweni yomnikelo wakhe, awuhlabe ngaphambi kwethente lokuhlangana; amadodana kaAroni akhaphazele igazi lawo ealtareni inxa zonke.

ULevi 4:15

Abalisa bebandla bazabeka izandla zabo enhlokweni yenkunzi phambi kweNkosi, inkunzi ihlatshwe phambi kwayo.

ULevi 4:20

Kenze njalo ngenkunzi le, njengalokhu enza ngenkunzi yomnikelo wesono. Umpristi abenzele indlela yokubuyisana ukuba bathethelelwe.

ULevi 4:24

ibeke isandla sayo enhlokweni yembuzi, iyihlabe endaweni lapho kuhlatshelwa khona umnikelo wokutshiswa phambi kweNkosi; kungumnikelo wesono.

ULevi 4:26

Wonke amahwahwa awo uzakuwatshisa ealtareni njengamahwahwa omhlatshelo weminikelo yokuthula. Ngalokho umpristi uzayenzela indlela yokubuyisana ngesono sayo, ithethelelwe.

ULevi 4:29

Uzabeka isandla sakhe enhlokweni yomnikelo wesono, awuhlabe endaweni yomnikelo wokutshiswa.

ULevi 4:31

Wonke amahwahwa awo uzakuwasusa, njengalokhu amahwahwa esuswa kuwo umhlatshelo weminikelo yokuthula, umpristi awatshise ealtareni abe liphunga elimnandi eNkosini. Ngalokho umpristi uzamenzela indlela yokubuyisana, athethelelwe.

ULevi 4:33

abeke isandla sakhe enhlokweni yomnikelo wesono, awuhlabe ube ngumnikelo wesono endaweni lapho kuhlatshelwa khona umnikelo wokutshiswa.

ULevi 4:35

Wonke amahwahwa awo uzakuwasusa njengalokhu amahwahwa emvu esuswa kuwo umhlatshelo weminikelo yokuthula, umpristi awatshise ealtareni phezu kweminikelo eyenzelwe iNkosi ngomlilo. Ngalokho umpristi uzamenzela indlela yokubuyisana ngesono asenzileyo, athethelelwe.

ULevi 4:4

Kayise inkunzi eNkosini ngasemnyango wethente lokuhlangana, abeke isandla sakhe enhlokweni yenkunzi, ayihlabe phambi kweNkosi.

ULevi 5:6

alethe umnikelo wecala lakhe eNkosini ngesono asenzileyo, athathe ensikazi emhlambini, imvu loba imbuzi, ibe ngumnikelo wesono, umpristi amenzele indlela yokubuyisana ngesono sakhe.

ULevi 6:7

umpristi amenzele indlela yokubuyisana phambi kweNkosi, athethelelwe konke akwenzileyo waba lecala ngakho.

ULevi 8:14

Waseletha inkunzi yomnikelo wesono; uAroni lamadodana akhe babeka izandla zabo enhlokweni yenkunzi yomnikelo wesono.

ULevi 8:18

Waseletha inqama yomnikelo wokutshiswa; uAroni lamadodana akhe babeka izandla zabo enhlokweni yenqama.

ULevi 8:22

Waseletha enye inqama, inqama esetshenziswa ekugcotshweni kompristi; uAroni lamadodana akhe babeka izandla zabo enhlokweni yenqama.

ULevi 9:7

UMose wathi kuAroni: Sondela ealtareni, unikele umnikelo wakho wesono lomnikelo wakho wokutshiswa, uzenzele wena labantu indlela yokubuyisana; letha lomnikelo wabantu, ubenzele indlela yokubuyisana, njengokulaya kweNkosi.

AmaNani 15:25

Umpristi uzakwenzela lonke ibandla labakoIsrayeli indlela yokubuyisana, bathethelelwe, ngoba kakwenziwanga ngabomu, futhi sebelethile eNkosini umnikelo wabo owenzelwe iNkosi ngomlilo, lomnikelo wabo wesono, ngenxa yesiphambeko sabo.

AmaNani 15:28

Umpristi uzamenzela lowomuntu indlela yokubuyisana phambi kweNkosi, uba engonanga ngabomu, uzathethelelwa.

AmaNani 25:13

yena lenzalo yakhe emva kwakhe bazakuba lesivumelwano sobupristi obungelakuphela, ngoba wayelomhawu ngoNkulunkulu wakhe, wabenzela abakoIsrayeli indlela yokubuyisana.

AmaNani 8:10

Nxa umisa amaLevi phambi kweNkosi, abakoIsrayeli bazakubeka izandla zabo phezu kwamaLevi,

AmaNani 8:12

AmaLevi azakubeka izandla zawo enhlokweni zezinkunzi; wena unikele enye ibe ngumnikelo wesono, lenye ibe ngumnikelo wokutshiswa eNkosini, ukuba wenzele amaLevi indlela yokubuyisana.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 3:25

ammisayo uNkulunkulu ukuba abe yinhlawulo ngegazi lakhe, emukelwe ngokukholwa. UNkulunkulu wakwenza lokhu ukuba abonakalise ukulunga kwakhe, ngoba ngokubekezela kwakhe wayekela izono ezenziwa ngaphambili;

AbaseRoma 5:11

Kakusikho lokhu kuphela, kodwa sizincoma futhi ngoNkulunkulu ngeNkosi yethu uJesu Kristu, esesamukelisiwe ngaye ukubuyisana.

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

AmaHebheru 10:4

ngoba kakulakwenzeka ukuba igazi lezinkunzi lelezimbuzi lisuse izono.

1 UJohane 2:2

Yena uyinhlawulo yezono zethu, kungesizo ezethu zodwa, kodwa lezomhlaba wonke.