ULevi 1:3 - iBhayibhili Elingcwele 1978

³ Uba umnikelo wakhe ungumnikelo wokutshiswa owenkomo, uzakunikela ngenkunzi engelasici, ayinikele ngasemnyango wethente lokuhlangana, ukuba amukeleke phambi kweNkosi.

IBhayibhili Elingcwele LesiNdebele

³ Nxa umnikelo ungowokutshiswa uvela emhlambini wenkomo, kumele anikele ngesifuyo esiduna esingelasici. Kumele asilethe esangweni lethente lokuhlangana ukwenzela ukuthi samukeleke kuThixo.

ULevi 1:3 Mawu Ofanana

UGenesisi 22:13

UAbrahama wasekhangela, wabona ngemva kwakhe inqama ibanjiwe esixukwini ngezimpondo zayo. UAbrahama waya khona wayithatha inqama, wanikela ngayo ukuba ibe ngumnikelo wokutshiswa esikhundleni sendodana yakhe.

UGenesisi 22:2

UNkulunkulu wathi: Thatha khathesi indodana yakho eyodwa oyithandayo, uIsaka, uye elizweni laseMoriya; unikele khona ngayo ibe ngumnikelo wokutshiswa kwenye intaba engizakukutshela yona.

UGenesisi 22:8

UAbrahama wathi: UNkulunkulu uzakuzibonela yena iwundlu lomnikelo wokutshiswa, mntanami. Bahambake bobabili.

UGenesisi 8:20

UNowa wakhela iNkosi ialtare; wathatha kuzo zonke inyamazana ezihlambulukileyo lakuzo zonke inyoni ezihlambulukileyo, wanikela umnikelo wokutshiswa phezu kwealtare.

2 ImiLando 29:32

Iminikelo yokutshiswa eyalethwa libandla yayizinkunzi ezingamatshumi ayisikhombisa, lenqama ezilikhulu, lamawundlu angamakhulu amabili; konke lokhu kwakungokomnikelo wokutshisela iNkosi.

2 ImiLando 35:12

Bakhupha iminikelo yokutshiswa ukuba bayabele izindlu zabantu ukuba zinikele eNkosini uNkulunkulu, njengokulotshiweyo ogwalweni lukaMose. Benza njalo langezinkunzi.

AmaHubo 110:3

Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

AmaHubo 40:8

ngiyathanda ukwenza intando yakho, Nkulunkulu wami, umlayo wakho usenhliziyweni yami.

U-Eksodasi 12:5

Kalingabi lasici, libe ngeliduna elilomnyaka munye; lithatheni ezimvini loba ezimbuzini.

U-Eksodasi 24:5

Wathuma insizwa zabantu bakoIsrayeli ukuba zinikele iminikelo yokutshiswa, zihlabele iNkosi imihlatshelo yokuthula yezinkabi.

U-Eksodasi 29:18

utshise yonke inqama ealtareni, kube ngumnikelo wokutshiswa eNkosini, iphunga elimnandi, lomnikelo owenzelwe iNkosi ngomlilo.

U-Eksodasi 29:4

Usondeze uAroni lamadodana akhe emnyango wethente lokuhlangana, ubagezise ngamanzi;

U-Eksodasi 29:42

Lo uzakuba ngumnikelo wokutshiswa wensuku zonke ezizukulwaneni zenu zonke, ngasemnyango wethente lokuhlangana phambi kweNkosi, lapho ngizahlangana khona lani, ngikhulume lawe.

U-Eksodasi 32:6

Abantu bavuka ekuseni, banikela iminikelo yokutshiswa, baletha iminikelo yokuthula; bahlala phansi ukuba badle banathe, basebesukuma ukuba bagide.

U-Eksodasi 35:21

Beza bonke abathunywa zinhliziyo zabo, abathunywa ngumoya wabo, baletha umnikelo wokunikela eNkosini, ube ngowomsebenzi wethente lokuhlangana lowenkonzo yonke yalo lowezambatho ezingcwele.

U-Eksodasi 35:29

AbakoIsrayeli baletha umnikelo wesihle eNkosini; bonke abesilisa labesifazana ababethunywa zinhliziyo zabo bawuletha ukuba ube ngowomsebenzi iNkosi eyayilaye uMose ngawo ukuze wenziwe.

U-Eksodasi 35:5

Thathelani iNkosi umnikelo phakathi kwenu; lowo ovumayo kalethe umnikelo eNkosini, igolide lesiliva lethusi,

U-Eksodasi 36:3

bamukela kuMose wonke umnikelo wesihle, abantu bakoIsrayeli ababewulethe ukwenza umsebenzi wokwakha indlu engcwele. Babeletha kuye iminikelo yesihle insuku ngensuku ekuseni.

U-Eksodasi 38:1

Wenza ialtare lomnikelo ngesihlahla somvagazi, ubude balo babuzingalo ezinhlanu lobubanzi balo babuzingalo ezinhlanu, lilingana inxa zonke, ukudepha kwalo kwakuzingalo ezintathu.

U-Isaya 1:11

INkosi ithi: Iyini kimi imihlatshelo yenu eminengi na? Nganelisiwe yiminikelo yezinqama langamahwahwa okunonisiweyo; legazi lezinkunzi lelamawundlu lelezimpongo kalingithokozisi.

UHezekhiyeli 20:40

Ngoba entabeni engcwele, entabeni ende yakoIsrayeli, kutsho iNkosi uNkulunkulu, lapho bonke abakoIsrayeli, bonke ngoluthi lwabo, bazangikhonza elizweni; ngizabamukela khona, ngibize khona iminikelo yenu, leziphiwo zenu ezinhle, lakho konke okungcwele kwenu.

UHezekhiyeli 40:39

Endlini esekungeneni kwesango kwakukhona amatafula amabili ngapha langapha, okwakuzahlatshelwa kiwo umnikelo wokutshiswa lomnikelo wesono lomnikelo wecala.

ULevi 1:10

Uba umnikelo wakhe ungumnikelo wemihlambi, owezimvini loba owezimbuzini, uzanikela ngenduna engelasici;

ULevi 14:10

Ngosuku lwesificaminwembili uzathatha amawundlu amaduna amabili angelasici, lewundlu elisikazi elilomnyaka munye elingelasici, lomnikelo wempuphu elingana lengxenye yehefa empuphu ecolekileyo ixubene lamafutha, lamagcobo.

ULevi 16:7

Athathe impongo ezimbili, azibeke phambi kweNkosi ngasemnyango wethente lokuhlangana,

ULevi 17:4

angayilethanga emnyango wethente lokuhlangana ukuba anikele ngayo eNkosini ngaphambi kweTabernakeli leNkosi, uzakuba lecala legazi, ngoba echithile igazi; uzakukhutshwa ebantwini bakibo.

ULevi 17:8

Tshono kubo uthi: Yilowo lalowomuntu wendlu kaIsrayeli, loba owemzini ohlala phakathi kwabo, onikela umnikelo wokutshiswa loba umhlatshelo,

ULevi 17:9

angawulethi emnyango wethente lokuhlangana ukuba awunikele eNkosini, uzakukhutshwa ebantwini bakibo.

ULevi 23:12

Ngosuku elizunguza ngalo isithungo, nikelani ngewundlu eliduna elilomnyaka munye, elingelasici, libe ngumnikelo wokutshiswa eNkosini.

ULevi 23:18

Kanye lesinkwa lizanikela amawundlu ayisikhombisa alomnyaka munye, angelasici, lenkunzi, lenqama ezimbili, zibe ngumnikelo wokutshiswa eNkosini, kanye lomnikelo wempuphu leminikelo yokuthululwa eqondene lalezo, kube ngumnikelo owenzelwe iNkosi ngomlilo olephunga elimnandi.

ULevi 3:1

Uba umnikelo womuntu ungumhlatshelo womnikelo wokuthula, nxa enikela ngenkomo, enduna ingabe ensikazi, kawunikele phambi kweNkosi ungelasici.

ULevi 4:15

Abalisa bebandla bazabeka izandla zabo enhlokweni yenkunzi phambi kweNkosi, inkunzi ihlatshwe phambi kwayo.

ULevi 4:23

uba yaziswa isono sayo esenzileyo, izakuletha imbuzi, impongo engelasici, ibe ngumnikelo wayo,

ULevi 4:3

uba kungumpristi ogcotshiweyo owona kanjalo, kuze kwehlele icala phezu kwabantu, kanikele eNkosini ngesono sakhe inkunzi engelasici ibe ngumnikelo wesono.

ULevi 4:32

Uba eletha iwundlu libe ngumnikelo wakhe wesono, kalethe elisikazi elingelasici,

ULevi 5:15

Uba umuntu esenza isiphambeko mayelana lezinto ezingcwele afanele ukuba azinikele eNkosini, kodwa angoni ngabomu, kalethe umnikelo wakhe wecala, athathe emhlambini inqama engelasici, elentengo yamashekeli esiliva ngokweshekeli lendlu engcwele, ibe ngumnikelo wecala.

ULevi 5:18

Kalethe kumpristi inqama engelasici evela emhlambini, elentengo elingana lentengo yomnikelo wecala, umpristi amenzele indlela yokubuyisana ngesiphambeko sakhe asenzileyo angasenzanga ngabomu, athethelelwe.

ULevi 6:2

Uba umuntu esona, esenza isiphambeko eNkosini ngokukhohlisa umakhelwana wakhe mayelana lalokho okunikezwa kuye ukuba akulondoloze, loba mayelana lesibambiso, loba ephanga umakhelwane wakhe loba emcindezela,

ULevi 6:8

INkosi yathi kuMose:

ULevi 7:16

Uba umhlatshelo womnikelo wakhe ungumnikelo wokugcwalisa isithembiso loba umnikelo wesihle, uzakudliwa ngosuku anikela ngalo ngomhlatshelo wakhe, okuseleyo kuwo kudliwe kusisa;

ULevi 8:18

Waseletha inqama yomnikelo wokutshiswa; uAroni lamadodana akhe babeka izandla zabo enhlokweni yenqama.

ULevi 8:21

Wagezisa imibilini lemilenze ngamanzi, watshisa inqama yonke ealtareni, yaba ngumnikelo wokutshiswa olephunga elimnandi, lomnikelo owenzelwe iNkosi ngomlilo, njengokutsho kwayo kuMose.

ULevi 9:2

Wathi kuAroni: Thatha ithole elingelasici libe ngumnikelo wesono, lenqama engelasici ibe ngumnikelo wokutshiswa, ukunikele eNkosini.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

AmaNani 15:3

thathani ezinkomeni ingabe ezimvini, linikele eNkosini umnikelo owenziwe ngomlilo, loba kungumnikelo wokutshiswa loba kungumhlatshelo, owokugcwalisa isithembiso, loba owesihle, loba owemikhosi yenu emisiweyo, ukwenza iphunga elimnandi eNkosini.

AmaNani 15:8

Nxa lilungisa inkunzi ibe ngumnikelo wokutshiswa loba ngumhlatshelo, owokugcwalisa isithembiso, ingabe kube yiminikelo yokuthula eNkosini,

AmaNani 19:2

Nansi isimiso lomlayo iNkosi ekumisileyo. Tshelani abakoIsrayeli ukuba balethe kini ithokazi elibomvu elingelasici, lelingelabala, futhi elingazanga libotshelwe ejogweni;

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

AmaNani 23:27

UBalaki wathi kuBalami: Woza khathesi, ngizakukusa kwenye indawo; mhlawumbe lapho kungaba kuhle kuNkulunkulu ukuba ungiqalekisele bona.

AmaNani 23:3

UBalami wathi kuBalaki: Mana ngasemnikelweni wakho wokutshiswa, ngihambe mina; mhlawumbe iNkosi izafika ukungihlangabeza; lokho engitshengisa khona ngizakukutshela. Waya entabeni eligceke.

AmaNani 23:30

UBalaki wenza njengokutsho kukaBalami, wanikela kulelo lalelo ialtare ngenkunzi lenqama.

AmaNani 28:11

Ekuthwaseni kwenyanga lizanikela umnikelo wokutshiswa eNkosini, inkunzi ezimbili, lenqama eyodwa, lamawundlu amaduna ayisikhombisa alomnyaka munye, angelasici,

AmaNani 28:19

kodwa nikelani ngomnikelo owenziwa ngomlilo, umnikelo wokutshiswa eNkosini, inkunzi ezimbili, lenqama eyodwa, lamawundlu amaduna ayisikhombisa alomnyaka munye, angelasici.

AmaNani 28:31

Qaphelani ukuba zingabi lasici. Kanye lomnikelo wokutshiswa wensuku ngensuku lomnikelo wawo wokuthululwa lizanikela ngazo kanye lomnikelo wokuthululwa oqondene lalokho.

AmaNani 29:13

linikele umnikelo wokutshiswa, umnikelo owenziwe ngomlilo, iphunga elimnandi eNkosini, inkunzi ezilitshumi lantathu, lenqama ezimbili, lamawundlu amaduna alitshumi lane alomnyaka munye, angelasici.

AmaNani 29:2

Lizanikela umnikelo wokutshiswa, iphunga elimnandi eNkosini, inkunzi eyodwa, lenqama eyodwa, lamawundlu amaduna ayisikhombisa alomnyaka munye, angelasici.

ULukha 1:35

Isithunywa sathi kuye: UMoya oNgcwele uzakuba phezu kwakho, lamandla oPhezukonke azakukwambesa; ngakho umntwana ozakuzalwa uzakuthiwa ungcwele, uyiNdodana kaNkulunkulu.

UJohane 1:36

Wakhangela uJesu ehamba, wathi: Khangelani, iWundlu likaNkulunkulu.

UJohane 10:7

Ngakho uJesu waphinda wathi kibo: Ngiqinisile, ngithi kini: Mina ngilisango lezimvu.

UJohane 10:9

Mina ngilisango; uba umuntu engena ngami uzakusiliswa, angene aphume, afumane idlelo.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

2 AbaseKhorinte 9:7

Ilowo lalowo kanikele njengalokhu azikhethela khona enhliziyweni yakhe, kungabi ngokudonda ingabe ngokubanjwa ngamandla, ngoba uNkulunkulu uyamthanda onikela ngokuthokoza.

Abase-Efesu 2:18

Ngoba ngaye silokungena sonke ngoMoya munye kuYise.

Abase-Efesu 5:27

ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele elingelacala.

UDutheronomi 12:27

linikele iminikelo yenu yokutshiswa, inyama kanye legazi, ealtareni leNkosi uNkulunkulu wenu; igazi lemihlatshelo yenu lithululwe phezu kwealtare leNkosi uNkulunkulu wenu, kodwa inyama lingayidla.

UDutheronomi 15:21

Kodwa uba izibulo lilesici, loba liqhula, loba liyisiphofu, loba lilasiphi isici, lingalihlabeli iNkosi uNkulunkulu wenu.

UDutheronomi 17:1

Lingahlabeli iNkosi uNkulunkulu wenu inkabi lemvu elesici loba elenye into embi, ngoba lokhu kuyisinengiso eNkosini uNkulunkulu wenu.

AmaHebheru 7:26

Umpristi omkhulu onjalo usifanele thina, ongcwele, ongelacala, ongelasici, owahlukanisiweyo kuzo izoni, owaphakanyiselwa emazulwini.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.