ULevi 1:2 - iBhayibhili Elingcwele 1978

² Tshono ebantwini bakoIsrayeli uthi: Nxa umuntu wakini eletha umnikelo eNkosini, kathathe umnikelo wakhe enkomeni loba ezimvini.

IBhayibhili Elingcwele LesiNdebele

² “Khuluma labantu bako-Israyeli uthi kubo, ‘Nxa omunye wenu eletha umnikelo kuThixo, kalethe umnikelo wesifuyo esivela emhlambini wenkomo kumbe owezimvu.

ULevi 1:2 Mawu Ofanana

UGenesisi 4:3

Kwathi emva kwesikhathi esithile uKayini waletha eNkosini umnikelo wezithelo zomhlabathi.

UGenesisi 4:5

Kodwa kayithokozanga ngoKayini langomnikelo wakhe. UKayini wasethukuthela, wenyela ngakho.

1 ImiLando 16:29

Inikeni iNkosi udumo olufanele ibizo layo, lethani umnikelo lize phambi kwayo. Ikhonzeni iNkosi, lambethe okungcwele,

U-Ezra 3:5

langaphezu kwaleyo banikela iminikelo yokutshiswa yensuku zonke, leminikelo yasekuthwaseni kwenyanga, layemikhosi yonke emisiweyo yeNkosi, leminikelo yabo bonke abanikela ngesihle eNkosini.

U-Eksodasi 20:24

Lingenzele ialtare lomhlabathi, linikele kulo iminikelo yenu yokutshiswa leminikelo yenu yokuthula, izimvu lenkabi zenu. Kuzo zonke indawo lapho ngilenza ibizo lami ukuba likhunjulwe khona ngizakuza kini ngilibusise.

AmaNani 15:3

thathani ezinkomeni ingabe ezimvini, linikele eNkosini umnikelo owenziwe ngomlilo, loba kungumnikelo wokutshiswa loba kungumhlatshelo, owokugcwalisa isithembiso, loba owesihle, loba owemikhosi yenu emisiweyo, ukwenza iphunga elimnandi eNkosini.

AmaNani 5:15

izakuletha umkayo kumpristi kanye lomnikelo oyingxenye yehefa lempuphu yebhali. Kayiyikuthela amafutha kuyo, ingabeki lanhlaka phezu kwayo, ngoba kungumnikelo owenziwe ngenxa yobukhwele, umnikelo wokukhumbuza ngobubi.

AmaNani 7:15

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

UMakho 7:11

kodwa lina lithi: Aluba umuntu esithi kuyise ingabe kunina: Lokho obungasizwa yimi ngakho, “liKhobane”, okuyikuthi umnikelo,

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 12:6

Sileziphiwo ezehlukeneyo njengomusa esiwuphiweyo; uba isiphiwo siyikutshumayela, asitshumayele ngesilinganiso sokukholwa kwethu;

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.