UJoweli 3:7 - iBhayibhili Elingcwele 1978

⁷ Kodwa khathesi ngizabavusa endaweni elabathengisa kiyo, ngilibuyisele ngezenzo zenu.

IBhayibhili Elingcwele LesiNdebele

⁷ Khangelani, ngizabavusa ezindaweni elabathengisa kuzo, njalo ngizabuyisela phezu kwamakhanda enu lokho elakwenzayo.

UJoweli 3:7 Mawu Ofanana

U-Esta 7:10

Basebemlengisa kulologodo ayelulungisele uMoridekayi. Ngemva kwalokho kwasekudeda ukuthukuthela kwenkosi.

U-Isaya 11:12

Izakuziphakamisela uphawu izizwe, ibuthe abaxotshiweyo bakoIsrayeli labahlakazekileyo bakoJuda, ibabuthe ezingonsini zozine zomhlaba.

U-Isaya 49:12

Nampaya bayeza, bevela khatshana, abanye bavela enyakatho labanye entshonalanga, labanye elizweni laseSivene.

U-Isaya 66:6

Zwanini umsindo phakathi komuzi; umsindo ophuma ethempelini ngumsindo wokuphindisela kweNkosi ezitheni zayo.

UJeremiya 23:8

Kodwa bazakuthi: Ngifunga iNkosi eyakhupha yakhokela inzalo yendlu kaIsrayeli elizweni lasenyakatho lakuwo wonke amazwe eyayiyixotshele kuwo. Ng’khona izahlala elizweni lakibo.

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

UJeremiya 30:16

Ngalokhoke bonke abakudlayo bazakudliwa, lezitha zakho zonke zizathunjwa, labakuphangayo bazakuphangwa, labo bonke abakwamukayo bazakwamukwa.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UHezekhiyeli 38:8

Emva kwensuku ezinengi uzakubuthwa; eminyakeni ezayo uzahlasela ilizwe elathathwa empini, elilabantu ababuthwa ezizweni ezinengi, babekwa ezintabeni zakoIsrayeli ebeziyinkangala isikhathi eside. AbakoIsrayeli abakhutshwa ezizweni bazahlala khona bangethuki, bonke ngoluthi lwabo.

UJoweli 3:4

Liyini kimi, lina Tire leSidoni, lani lonke zabelo zaseFilistiya na? Liyangiphindisela ngolutho na? Uba lingiphindisela ngolutho, ngizaphangisa ukulibuyisela ngezenzo zenu.

UZakhariya 9:13

Ngoba sengimgobisile uJuda njengedandili lami, ngenza uEfrayimi waba ngumtshoko walo. Ngizavusela amadodana akho, Ziyone, kumadodana akho, Javani, ngikwenze ube njengomkhonto weqhawe.

UMatewu 7:2

Ngoba ngokwahlulela elahlulela ngakho lizakwahlulelwa ngakho lani, langesilinganiso elilinganisa ngaso lizakulinganiselwa ngaso lani.

2 AbaseThesalonika 1:6

Lokhu kuyinto elungileyo kuNkulunkulu ukuba abuyisele ukuhlupheka kubo abalihluphayo,

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Abahluleli 1:7

UAdoni‐Bezeki wathi: Amakhosi angamatshumi ayisikhombisa equnywe izithupha zawo lamazwane awo amakhulu ayedobha imvuthuluka ngaphansi kwetafula yami. Lokho engakwenza kuwo, uNkulunkulu usekwenze kimi. Basebemusa eJerusalema, lapho afela khona.

1 USamuyeli 15:33

USamuweli wathi: Njengoba umhedla wakho ubaphucile abesifazana abantwana babo, ngokunjaloke lonyoko laye uzaphucwa abantwana bakhe. USamuweli wasemhlahlela uAgagi phambi kweNkosi eGiligali.