UJoweli 2:5 - iBhayibhili Elingcwele 1978

⁵ Umsindo wokweqa kwabo ezingqongeni zezintaba unjengomsindo wezinqola zempi, unjengokufahlaza kwelangabi lomlilo otshisa amabibi, banjengempi elamandla ehlelelwe ukulwa.

IBhayibhili Elingcwele LesiNdebele

⁵ Ngomsindo onjengowezinqola zempi, beqa phezu kwezingqongo zezintaba, njengamabibi omlilo etshisa inhlanga, njengebutho elilamandla selilungele impi.

UJoweli 2:5 Mawu Ofanana

UJobe 39:20

Uyalenza leqe njengentethe na? Ukukhala kwalo okukhulu kuyethusa indawo zonke.

U-Eksodasi 5:12

Abantu basebehlakazeka kulo lonke ilizwe laseGibithe ukuba babuthe inhlanga zibe yibona utshani babo.

U-Isaya 30:30

INkosi izazwakalisa ilizwi layo elilodumo, ibonakalise ingalo yayo lapho itshayayo, ekuthukutheleni kwayo okwesabekayo, ngokuvutha komlilo oqothulayo, langesivunguvungu, langesiphepha, langesiqhotho.

U-Isaya 5:24

Ngakhoke njengalokhu umlilo utshisa amabibi, lelangabi litshisa utshani obomileyo, ngokunjalo impande yabo izakubola, lempoko yabo iphephuke njengothuli; ngoba bawalile umlayo weNkosi yamabandla, balidelela ilizwi loNgcwele kaIsrayeli.

UJeremiya 50:42

Baphethe imitshoko lemikhonto, balesihluku, kabalasihawu. Umdumo wabo unjengowolwandle, bagade amabhiza, behleliwe njengabantu bokulwa lawe, Babiloni.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

Isambulo 9:9

sasilezivikelo zesifuba ezinjengezivikelo zensimbi, lomdumo wamaphiko aso wawunjengomdumo wezinqola zamabhiza amanengi egijimela ekulweni;